[᭑᭓ 13B]
᭞᭑᭓᭞
ᬲᬫᬫᬦᬸᬳᬶᬓᬸ᭞ᬢᬦ᭄ᬳᬦᬩᬾᬤᬭᬶᬂᬭᬸᬧ᭞ᬓᬸᬮᬶᬢ᭄ᬤᬕᬶᬂ᭞ᬢᬸᬮᬂᬲᬸᬫ᭄ᬱᬸᬫ᭄ᬱᬫᬶᬧᬢᬸᬄ᭞ᬬᬧ᭄ᬯᬦ᭄ᬩᭀᬓ᭄ᬭᬯᬸᬳᬶᬂᬦ᭠ᬓ᭞ᬲᬫᬶᬫᬮᬓᬃᬳᬲᬶᬓᬶ᭟ᬲᬗ᭄ᬓᬦ᭄ᬗᬯᬾᬸᬶᬲᬦ᭄ᬤᬾᬯᬾᬓ᭄ᬮᬶᬬᬦ᭄᭞ᬚᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬘᬶᬭᬶᬦᬾᬧᬢᬸᬢᬶᬦ᭄ᬤᬶᬳᬶᬦ᭄᭞
ᬳᬧᬦ᭄ᬧᬕᭀᬩᬦᬾᬧᬢᬸᬄ᭞ᬳᬯᬓᬾᬫᬮᬓᬃᬢᬸᬗ᭄ᬕᬮ᭄᭞ᬢ᭄ᬯᬄᬬᬩᬸᬤᬶ᭞ᬮᬓ᭄ᬧᬦᬳᬗ᭄ᬕᭀᬦ᭄ᬫᬗᬸᬓᬸᬃ᭞ᬮᬸᬯᬶᬄᬓᬮᬯᬦ᭄ᬦᬶᬲ᭄ᬢ᭞ᬓᬾᬦ᭄ᬩ᭄ᬭᬳ᭄ᬫᬦᬓᬾᬦ᭄ᬢᬸᬲᬶᬂ᭟ᬢᬸᬯᬶᬩ᭄ᬭᬳ᭄ᬫᬦᬲᬸᬃᬬ᭄ᬬ᭞ᬫᬦᭂᬭᬗᬶᬦ᭄ᬫᬢᬸᬚ᭄ᬯᬶᬦ᭄ᬦᬾᬲᬸᬚᬢᬶ᭞
ᬩ᭄ᬭᬳ᭄ᬫᬦᬬᬾᬓᬢᭀᬂᬧᬸᬢᬸᬲ᭄᭞ᬮᬗ᭄ᬕᭂᬂᬫᬭᬶᬂᬢᬧᬩ᭄ᬭᬢ᭞ᬫᬗᭂᬢᬶᬲᬶᬦ᭄᭞ᬲ᭄ᬢᬢᬫᬗᬯᬾᬳᬬᬸ᭞ᬢᬢ᭠ᬲ᭄ᬫᬭᬶᬂᬢᬶᬕᬯᬾᬦ᭞ᬗᭂᬦ᭄ᬢᬲᬶᬦ᭄ᬫᬃᬕᬦᬾᬚᬢᬶ᭟ᬫᬦᬶᬗ᭄ᬕᬮ᭄ᬓᬲᬸᬓᬜ᭄ᬚᬕᬢ᭄᭞ᬮᬸᬧᬸᬢ᭄ᬫᬭᬶᬂᬫᬸᬃᬓ᭄ᬓᬚ᭄ᬮᬳᬶᬭᬶᬳᬢᬶ᭞
[᭑᭔ 14A]
ᬢ᭄ᬯᬄᬗᬲ᭄ᬢᬸᬢᬶᬦᬾᬭᬳᬬᬸ᭞ᬢᬢᬲ᭄ᬫᬭᬶᬂᬢᬶᬕᬯᬾᬤ᭞ᬧᬸᬧᬸᬢ᭄ᬲᬫᬶ᭞ᬮᬗ᭄ᬓᬸᬂᬫᬭᬶᬂᬲᬃᬯ᭄ᬯᬭᬶᬧᬸ᭞ᬧᬸᬢᬸᬲᬶᬂᬦᬬᬲᬸᬓ᭄ᬱ᭄ᬫ᭞ᬗᭂᬦ᭄ᬢᬲᬶᬦ᭄ᬫᬃᬕᬦᬾᬚᬢᬶ᭟ᬬᬾᬓᬗᬭᬦ᭄ᬩ᭄ᬭᬳ᭄ᬫᬦ᭞ᬦᭀᬭᬮ᭄ᬬᬦ᭄ᬰᬗ᭄ᬓᬦ᭄ᬓᬭᬦᬶᬦᬼᬯᬶᬄ᭞ᬳᬦ᭄ᬢᬸ᭠
ᬓ᭄ᬮᬓ᭄ᬱᬦᬦᬾᬮᬸᬯᬸᬃ᭞ᬳᬶᬓᬦᬾᬗᬯᬶᬦᬂᬩᬾᬦ᭞ᬳᬶᬓᬘᬶᬭᬶ᭞ᬳᬗ᭄ᬕᬾᬗᬶᬓᭂᬢ᭄ᬱᬫᬳᬶᬦᬸᬧ᭄᭞ᬢᬦ᭄ᬚᬲᬓᬶᬂᬢᬸᬭᬸᬦᬦ᭄᭞ᬫᬭᬍᬓᬤ᭄ᬲᬸᬩᬍᬯᬶᬄ᭟ᬢᬢ᭄ᬯᬲᬓᬶᬂᬧᬍᬓᬤᬦ᭄᭞ᬚᬤ᭄ᬫᬳᬶᬓᬧᬢᬸᬢ᭄ᬦᬶᬲ᭄ᬢᬓᬵᬤᬦᬶᬦ᭄᭞ᬮ
ᬓ᭄ᬱᬦᬦᬾᬳᬗ᭄ᬕᬾᬦ᭄ᬗᬸᬓᬸᬃ᭞ᬳᬗ᭄ᬕᬾᬦ᭄ᬓᬩ᭄ᬭᬳ᭄ᬫᬵᬦᬦ᭄᭞ᬳᬃᬬ᭄ᬬᬲᬸᬤ᭄ᬭ᭞ᬦᬾᬍᬯᬶᬄᬩ᭄ᬭᬳ᭄ᬫᬵᬦᬳᬶᬓᬸ᭞ᬦᬾᬦᬶᬲ᭄ᬢᬳᬃᬬ᭄ᬬᬳᬭᬦ᭄ᬬ᭞ᬦᬶᬓᬢ᭄ᬯᬄᬳᬸᬓᬸᬭᬦ᭄ᬚᬢᬶ᭟ᬳᭂᬦ᭄ᬢᭀᬳᬤᬳᬦᬓ᭄ᬘᭀᬭᬄ᭞ᬤᭂᬫᭂᬦ᭄ᬜᭂᬫᬓ᭄ᬕᭂᬮᬄᬳᬦᬓᬾᬍ
