[᭑᭒ 12B]
᭞᭑᭒᭞
ᬢᬦ᭄ᬧᬸᬭᬸᬦ᭄ᬫᬢᬗᬄ᭞ᬢᬦ᭄ᬧᬘᬂᬫᬮᬶᬄᬗᭂᬩᬸᬲᬶᬦ᭄᭟ᬯᬦ᭄ᬢᬄᬲᬸᬚᬢᬶᬦᬾᬳᬦ᭞ᬦᬾᬲᬸᬚᬢᬶᬧᬸᬦᬶᬓᬜᬦ᭄ᬤᬂᬢᬶᬦ᭄ᬤᬶᬳᬶᬦ᭄᭞ᬦᬾᬢ᭄ᬯᬭᬲᬸᬚᬢᬶᬳᬶᬓᬸ᭞ᬫ᭄ᬮᬳᬂᬗᬯᬲ᭄ᬫᬗ᭄ᬤᬾᬦ᭄ᬢᭂᬭᬂ᭞ᬧᬂᬤᬓ᭄ᬮᬶᬭᬸ᭞ᬳᬧᬂᬤᬧᬢᬶᬲᬳᬸᬄ
᭞ᬦᬾᬢ᭄ᬯᬭᬧᬢᬸᬢ᭄ᬱᬸᬲᬸᬧᬂ᭞ᬦᬾᬢᬦ᭄ᬚᬢᬶᬧᬢᬸᬢ᭄ᬳᬮᬶᬳᬶᬦ᭄᭟ᬯᬲᬶᬲ᭄ᬢᬮᬦ᭄ᬩᬭᬤ᭄ᬯᬚ᭞ᬫᬢᬸᬃᬦᭂᬫ᭄ᬩᬄᬤᬸᬄᬩ᭄ᬕᬯᬦ᭄ᬱᬓ᭄ᬬᬫᬸᬦᬶ᭞ᬚᬢᬶᬢ᭄ᬬᬂᬲᬩ᭄ᬤᬳᬶᬓᬸ᭞ᬲᬶᬃᬦᬫᬦᬄᬢᬶᬢ᭄ᬬᬂᬩᬶᬂᬩᬂ᭞ᬦᬾᬮ᭄ᬬᬦ᭄ᬫᬮᬶᬄ᭞ᬚᬕᬢᬸᬦ᭠
ᬲᬂᬧᬸᬓᬸᬮᬸᬦ᭄᭞ᬲ᭄ᬬᬧᬳᬭᬦ᭄ᬩ᭄ᬭᬳ᭄ᬫᬵᬦ᭞ᬤᬾᬢ᭄ᬯᬶᬩ᭄ᬭᬳ᭄ᬫᬵᬦᬚᬢᬶ᭟ᬳ᭄ᬬᬂᬩᬸᬤ᭄ᬤᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬄᬧᬦ᭄ᬤᬶᬢᬦᬾᬚᬦᬶᬫᬮᬸᬲᬳᬸᬭᬶᬦ᭄᭞ᬦᬾᬗᬓᬸᬩ᭄ᬭᬳ᭄ᬫᬦᬳᬶᬓᬸ᭞ᬚᬦ᭄ᬢᭂᬦᭂᬗ᭄ᬕᬸᬄᬤᬾᬯᬾᬓ᭄ᬫᭂᬮᬄ᭞ᬧᬶᬦᬶᬄ᭠
[᭑᭓ 13A]
ᬍᬯᬶᬄ᭞ᬲᬗ᭄ᬓᬦ᭄ᬧᬸᬭᬸᬦ᭄ᬗᬓᬸᬮᬸᬯᬸᬃ᭞ᬫᬶᬦᬓᬲᬸᬃᬬᬦᬶᬂᬚᬕᬢ᭄᭞ᬮ᭄ᬯᬶᬳᬾᬳᭂᬗ᭄ᬓᬾᬦ᭄ᬱᬶᬄᬢᬶᬦ᭄ᬤᬶᬳᬶᬦ᭄᭞ᬩᬭᬤ᭄ᬯᬚᬳᬭᬶᬲ᭄ᬳᬗᬸᬘᬧ᭄᭞ᬤᬸᬄᬩᬕᬯᬦ᭄ᬲᬸᬓᭂᬄᬢᬶᬢ᭄ᬬᬂᬜᬯᬸᬭᬶᬦ᭄᭞ᬳᬧᬦ᭄ᬲᬫᬃᬳᬦᬦᬶᬓᬸ᭞ᬳᬗ᭄ᬕᬾᬦ᭠
ᬓᭂᬩ᭄ᬭᬳ᭄ᬫᬵᬦ᭞ᬢᬦ᭄ᬤᬧᬲ᭄ᬢᬶ᭞ᬢ᭄ᬯᬄᬳᬾᬮᬶᬂᬭᬶᬂᬤᬾᬯᬾᬓ᭄ᬮᬸᬯᬸᬃ᭞ᬳᬸᬗ᭄ᬓᬸᬮᬶᬦ᭄ᬚᬤ᭄ᬫᬮ᭄ᬬᬦᬦ᭄᭞ᬗᬶᬂᬓᬍᬯᬶᬳᬦᬾᬳᭂᬗ᭄ᬲᬧᬶᬦ᭄᭟ᬗᬦ᭄ᬤᬶᬓᬲᬂᬢᬢᬕᬢᬵ᭞ᬦᬾᬫ᭄ᬮᬳᬂᬜᬸᬲᬸᬧᬂᬫᬗ᭄ᬤᬾᬲᬶᬂᬧᬮᬶᬂ᭞ᬲᬳᬶᬲᬶᬦ᭄ᬚᬕᬢᬾᬳᬶᬓᬸ᭞
ᬢᬭᬸᬩᬸᬭᭀᬦ᭄ᬓᬮᬯᬦ᭄ᬫᬶᬦ᭞ᬕᬸᬫᬢᬧ᭄ᬕᬸᬫᬶᬢᬶᬧ᭄᭞ᬧᬤᬳᬓᬾᬄᬘᬶᬭᬶᬦ᭄ᬳᬶᬧᬸᬦ᭄᭞ᬲᬗ᭄ᬓᬦ᭄ᬕᬫ᭄ᬧᬂᬩᬦ᭄ᬜᭀᬭᭀᬢᬂ᭞ᬳᬶᬓᬶᬚᬭᬦ᭄ᬳᬶᬓᬸᬲᬫ᭄ᬧᬶ᭟ᬘᬶᬭᬶᬦᬾᬯᬾᬦ᭄ᬢᭂᬦ᭄ᬭᬶᬂᬭᬸᬧ᭞ᬢᭂᬭᬂᬲᬶᬦᬄᬢᬦ᭄ᬯᬾᬦ᭄ᬢᭂᬦ᭄ᬫᬗᬯᬾᬧᬮᬶᬂ᭞ᬳᬗᬶᬂ
