[᭒᭕ 25B]
᭒᭕
ᬬᬸᬯᬺᬤ᭄ᬥᬶ᭞ᬳᬲᬶᬂᬢᬦ᭄ᬤᬸᬃᬲᬃᬯ᭄ᬯᬫᬸᬧᬸ᭞ᬳᬰᬤᬳ᭄ᬬᬂᬦᬕᬫᬬᭀᬕ᭞ᬕᬸᬫᬶᬲᬓᬶᬢ᭄ᬳᬸᬬᬓ᭄ᬕ᭄ᬭᬶᬂᬓᬾᬢᭀᬫᬸᬗ᭄ᬕᬸᬄ᭞ᬳᬶᬗᭂᬢᬂᬳᬧᬗᬢᬯᬂ᭟ᬲᬧ᭄ᬢᬯᬭᬓᬮᬶᬦᬸᬳᬦ᭄᭞ᬦᬸᬚᬸᬤᬶᬢᬾᬕᬸᬫᬶᬕ᭄ᬭᬶᬂ᭞᭠
ᬲᭀᬫᬮᬶᬦᬸᬄᬧᬤᬶᬭᬸᬲᬓ᭄᭞ᬳᬗ᭄ᬕᬭᬦᬾᬓᬫᬮᬶᬗᬶᬦ᭄᭞ᬬᬦ᭄ᬩᬸᬤ᭄ᬥᬤᬕᬗᬾᬭᬸᬕᬶ᭞ᬯ᭄ᬭᬲ᭄ᬧᬢᬶᬲᬂᬧ᭄ᬭᬩᬸᬮᬫ᭄ᬧᬸᬲ᭄᭞ᬰᬸᬓ᭄ᬭᬳᬶᬤᬳᬶᬲ᭄ᬢ᭄ᬭᬶᬲᬸᬗ᭄ᬓᬦ᭄᭞ᬰᬦᬲ᭄ᬘᬭᬳᬸᬬᬓ᭄ᬲᬓᬶᬢ᭄᭞ᬳᬧᬂᬭᬸᬗᬸ᭠
ᬮᬶᬦᬸᬄᬦᬸᬚᬸᬰᬦᬶᬲ᭄ᬘᬭ᭟ᬬᬦ᭄ᬤᬶᬢᬾᬲᬸᬃᬬ᭄ᬬᬦᬾᬕ᭄ᬭᬳ᭞ᬧᬺᬩᬯᬦ᭄ᬲᬂᬧᬭᬳᬶᬲ᭄ᬢ᭄ᬭᬶ᭞ᬬᬦ᭄ᬲᭀᬫᬕᬸᬫᬶᬦᬾᬩᭀᬭᭀᬲ᭄᭞ᬳᬗ᭄ᬕᬭᬮᭀᬩᬫᬫᬸᬓ᭄ᬢᬶ᭞ᬬᬦ᭄ᬩᬸᬤ᭄ᬥᬩᬸᬭᭀᬦᬾᬲᬓᬶᬢ᭄
ᬯ᭄ᬭᬲ᭄ᬧᬢᬶᬲᬂᬧ᭄ᬭᬩᬸᬫᬦ᭄ᬢᬸᬓ᭄᭞ᬰᬸᬓ᭄ᬭᬦᬾᬢᬍᬃᬫᬭᬡ᭞ᬰᬦᬶᬲ᭄ᬘᬭᬳᬸᬚᬦ᭄ᬲᬳᬶ᭞ᬓᬾᬢᭀᬢᬸᬳᬸ᭞ᬳᬶᬗᭂᬢᬂᬳᬧᬗᬢᬯᬂ᭟ᬬᬦ᭄ᬤᬶᬢᬾᬩᬸᬮᬦ᭄ᬓᬧᬗᬦ᭄᭞ᬕᬸᬫᬶ
[᭒᭖ 26A]
᭒᭖
ᬦᬾᬓᬢᭂᬓᬦ᭄ᬕ᭄ᬭᬶᬂ᭞ᬬᬦᬶᬂᬲᭀᬫᬓᬫᬮᬶᬗᬦ᭄᭞ᬳᬗ᭄ᬕᬭᬕᬸᬫᬶᬦᬾᬲᬓᬶᬢ᭄᭞ᬬᬦ᭄ᬩᬸᬤᬳᬸᬩ᭄ᬯᬦᬾᬫᬢᬶ᭞ᬯ᭄ᬭᬲ᭄ᬧᬢᬶᬕᬸᬫᬶᬦᬾᬳᬸᬬᬸᬢ᭄᭞ᬰᬸᬓ᭄ᬭᬲᬂᬧ᭄ᬭᬩᬸᬤᬸᬄᬓ᭞ᬰᬦᬶᬲ᭄ᬘᬭᬧᬦᭂᬲ᭄ᬤᬤᬶ᭞ᬓᬾ
ᬢᭀᬓᬲᬸᬩ᭄ᬓᬢᬸᬚᬸᬩᬸᬮᬦ᭄ᬓᬧᬗᬦ᭄᭟ᬳᬫ᭄ᬧᬸᬭᬬᬂᬩᬗᭂᬢ᭄ᬧᬶᬲᬦ᭄᭞ᬢᬶᬢ᭄ᬬᬂ᭠ᬩᭂᬮᭀᬕ᭄ᬫᬩᭂᬢ᭄ᬭᬶᬭᬶᬄ᭞ᬩᬦ᭄ᬫᬦᬳᬾᬮᬶᬦ᭄ᬢᬂᬲᬭᬢ᭄ᬫᬧᬯᬸᬭᬸᬓ᭄ᬳᬦ᭄ᬢᬸᬓ᭄ᬕᭂᬦ᭄ᬤᬶᬂ᭞ᬫᬤᬲᬃᬫᬦᬳᬾ
ᬪᬓ᭄ᬢᬶ᭞ᬯᭂᬢᬸᬫᬦᬄᬗᬸᬭᬶᬢ᭄ᬓᬶᬤᬸᬂ᭞ᬓᬳᬗ᭄ᬕᬾᬦ᭄ᬤᬲᬃᬫᬮᬚᬄ᭞ᬫᬚᭂᬂᬭᬶᬂᬲᬫᭂᬢᭀᬦ᭄ᬲᬫᬶ᭞ᬫᬗ᭄ᬤᬭᬸᬗᬸ᭞ᬓᭂᬢᬸᬢ᭄ᬭᬫᬾᬦ᭄ᬯᬲ᭄ᬢᬦ᭄ᬢᬶᬢ᭄ᬬᬂ᭟᭜᭟ᬧᬸᬧᬸᬢ᭄᭟ᬓᬲᬸᬭᬢ᭄ᬳᭀᬮᬶᬄᬳᬶ
ᬓᭂᬢᬸᬢ᭄ᬭᬸᬫ᭞ᬤᬾᬰᬚᬰ᭄ᬭᬶ᭞ᬩᬜ᭄ᬚᬃᬲᬫᬤᬶ᭞ᬓᬮᬸᬭᬳᬦ᭄ᬲᬸᬩᬕᬦ᭄᭟ᬓᬭᬗᬲᭂᬫ᭄᭟ᬰᬦᬶᬲ᭄ᬘᬭᬓ᭄ᬮᬶᬯᭀᬦ᭄᭞ᬳᬸᬬᬾ᭞ᬰᬓ᭞᭑᭙᭒᭐᭞ᬰᬰᬶᬄᬓᬯᬸᬮᬸ᭞ᬓ᭄ᬱᬫᬓ᭄ᬦ᭟
