Kaca:Bali-lontar-gaguritan-wariga-300ppi.pdf/25

[᭒᭔ 24B]
᭒᭔
ᬓᭀᬘᬧ᭄᭞ᬓᭂᬮᭀᬤ᭄ᬓᬗᬶᬦ᭄ᬚᬢᬶᬳᬸᬭᬶᬧ᭄᭞ᬰᬸᬓ᭄ᬭᬦᬾᬓᬚᬢᬸᬚᬸᬯᬂ᭞ᬰᬦᬶᬲ᭄ᬘᬭᬓᬯᬸᬄᬩᭂᬘᬶᬓ᭄᭞ᬓᬾᬢᭀᬢᬢ᭄ᬯᬦᬾᬧᭂᬤᬲᬶᬦ᭄᭞ᬬᬦ᭄ᬗᬯᬕ᭄‌‌ᬧᭀᬘᭀᬤ᭄ᬓᬢᭂᬫᬸ᭞ᬧᭂᬚᬮᬦᬾᬢᬦ᭄ᬧᬧ᭄ᬯᬭ᭞᭠
ᬳᭂᬜ᭄ᬘᬾᬦ᭄ᬧᬢᬸᬢᬾᬓᬳᬸᬗ᭄ᬲᬶ᭞ᬤᬫᬫᬸᬯᬸᬓ᭄᭞ᬗᬸᬮᬢᬶᬧᬗᬸᬧᬚᬶᬯ᭟ᬬᬦ᭄ᬤᭂᬫᭂᬦ᭄ᬫᬸᬩᬸᬄᬳᬸᬩᬸᬳᬦ᭄᭞ᬓᬮᬦᬗ᭄ᬕᬸᬦᬾᬧᭂᬤᬲᬶᬦ᭄᭞ᬳ᭄ᬤᬜᬸᬯᬂᬯᬯᬮᬸᬗᬦ᭄᭞ᬬᬦ᭄ᬧᬶᬲᬸᬦᬕᬯᬾᬩᭂᬘᬶᬓ᭄᭞
ᬋᬤᬶᬢᬾᬧᭀᬦᬾᬓᬳᬸᬗ᭄ᬲᬶ᭞ᬲᭀᬫᬧᬳᬶᬗᬾᬓᬢᬸᬚᬸ᭞ᬩᬸᬤ᭄ᬥᬳᬸᬫᬦᬶᬲ᭄ᬫᬦᬗ᭄ᬕᬧ᭄᭞ᬰᬦᬶᬲ᭄ᬘᬭᬯᬕᬾᬓᬳᬸᬗ᭄ᬲᬶ᭞ᬓᬮᬦᬗ᭄ᬕᬸ᭞ᬜᬸᬯᬂᬯᬯᬮᬸᬗᬦ᭄ᬳᬮ᭟ᬬᬦᬶᬄᬮᬶᬦᬸᬄᬰᬰᬶᬄᬓᬰ᭞
ᬤᬾᬯᬶᬧ᭄ᬭᬢᬶᬯᬶᬫᬬᭀᬕᬶ᭞ᬕᬸᬫᬶᬮᬦ᭄ᬤᬸᬄᬧᬤᬶᬫᭀᬓᭀᬄ᭞ᬳᬲᬶᬂᬢᬦ᭄ᬤᬸᬃᬲᬃᬯ᭄ᬯᬦᬤᬶ᭞ᬓᬭᭀᬳ᭄ᬬᬂᬕᬗ᭄ᬕᬫᬬᭀᬕᬶ᭞ᬫᬸᬧᬸᬫᭂᬮᬄᬕᬸᬫᬶᬮᬦ᭄ᬤᬸᬄ᭞ᬓᬢᬶᬕᬯᬶᬲ᭄ᬡᬸᬫᬬᭀᬕ᭞

[᭒᭕ 25A]
᭒᭕
ᬧᬤᬶᬮᬦᬸᬲ᭄‌‌ᬫᭀᬓᭀᬄᬯᬺᬤᬶ᭞ᬫ᭄ᬭᬡᬍᬩᬸᬃ᭞ᬬᬦ᭄ᬮᬶᬦᬸᬄᬦᬸᬚᬸᬓᬢᬶᬕ᭟ᬓᬧᬢ᭄‌‌ᬳ᭄ᬬᬂᬩ᭄ᬭ᭠ᬳ᭄ᬫᬫᬬᭀᬕ᭞ᬧᬤᬶᬮᬦᬸᬲ᭄‌‌ᬫ᭄ᬭᬡᬫ᭄ᬮᬳᬶᬩ᭄᭞ᬓᬮᬶᬫᬚᬦᬶᬓᭀᬘᬧᬂ᭞ᬳᬶᬤᬳ᭄ᬬᬲ᭄ᬫᬭᬫᬬᭀᬕᬶ᭞
ᬳᬲᬶᬂᬧᬸᬮᬫᭀᬓᭀᬄᬯᬺᬤ᭄ᬥᬶ᭞ᬫ᭄ᬭᬡᬳᬶᬮᬂᬗᬸᬮᬄᬮᬓᬸ᭞ᬓᭂᬦᭂᬫ᭄‌‌ᬳ᭄ᬬᬂᬉᬫᬫᬬᭀᬕ᭞ᬕᬸ᭠ᬫᬶᬲᬬᬄᬯ᭄ᬢᬸᬕ᭄ᬭᬶᬂ᭞ᬗᬯᬾᬳᬶᬩᬸᬓ᭄᭞ᬭᬾᬄᬚᬕᬢᬾᬓᬕ᭄ᬭᬶᬗᬦ᭄᭟ᬬᬦ᭄ᬓᬧᬶᬢᬸᬓᬮᬶᬦᬸᬳᬦ᭄᭞ᬳᬶᬤ᭠
ᬳ᭄ᬬᬂᬕᬸᬭᬸᬫᬬᭀᬕᬶ᭞ᬲᬂᬧ᭄ᬭᬩᬸᬫᬗ᭄ᬕᬸᬄᬤᬸᬄᬓᬶᬢ᭞ᬲᭂᬗ᭄ᬕᬸᬄᬘᭀᬭᬄᬯᬶᬓᬸᬍᬯᬶᬄ᭞ᬓᬯᬸᬮᬸᬇᬦ᭄ᬤ᭄ᬭᬫᬬᭀᬕᬶ᭞ᬢᬢᬦ᭄ᬤᬸᬭᬦ᭄‌‌ᬭᬸᬲᬓ᭄ᬕᭂᬫ᭄ᬧᬸᬂ᭞ᬳᬲᬶᬂᬢᬦ᭄ᬤᬸᬃᬓᬫᬭᬡᬦ᭄᭞ᬓᬲᬗᬤᬹᬃᬕ᭄ᬕᬫᬬᭀ
ᬕᬶ᭞ᬕᬸᬫᬶᬓᭂᬩᬸᬲ᭄᭞ᬧᬦᭂᬲ᭄ᬩᬭᬦᬾᬫᬩ᭄ᬯᬢ᭄᭟ᬓᬤᬰᬰᬗ᭄ᬓᬭᬓᭀᬘᬧ᭄᭞ᬓᬢᬸᬚᬸᬳᬶᬤᬫᬬᭀᬕᬶ᭞ᬕᬸᬫᬶᬮᬦ᭄ᬤᬸᬄᬲᬃᬯ᭄ᬯᬫᭂᬮᬄ᭞ᬚᬾᬲ᭄ᬢᬳ᭄ᬬᬂᬉᬫᬫᬬᭀᬕᬶ᭞ᬕᬸᬫᬶᬫᭂᬮᬄᬳ