[᭒᭒ 22B]
᭒᭒
ᬬᬂᬚᬤ᭄ᬫᬦᬾᬳᬫ᭄ᬩᬶᬮ᭄᭞ᬯᬸᬭᬸᬓᬸᬂᬜᬸᬯᬂᬩᬸᬭᭀᬦ᭄ᬮᭂᬯᬄ᭞ᬧᬦᬶᬭᭀᬦ᭄ᬫᬗᬯᬾᬩᬸᬩᬸ᭞ᬲᬮ᭄ᬯᬶᬃᬧᬗᭂᬚᬸᬓᬦ᭄ᬳᬸᬮᬫ᭄᭞ᬯᬲ᭄ᬫᭂᬮᬄᬜᬸᬯᬂᬓ᭄ᬤᬶᬲ᭄᭞ᬬᬦ᭄ᬫᬳᬸᬮᬸ᭞ᬫᬸᬮᬲᬃᬯ᭄ᬯᬯᬶᬚᬫᭂᬮᬄ᭟ᬳᬱ᭄ᬝᬯᬭ᭠
ᬦᬾᬳᬶᬗᭂᬢᬂ᭞ᬰ᭄ᬭᬷᬦᬦ᭄ᬤᬸᬃᬓ᭄ᬮᬧᬧᬤᬶ᭞ᬇᬦ᭄ᬤ᭄ᬭᬗᬯᬶᬢ᭄ᬫᬕᬸᬭᬸᬫᭂᬮᬄ᭞ᬕᬸᬭᬸᬦᬾᬫᬓ᭄ᬦᬚᬭᬶᬂ᭞ᬬᬫᬦᬾᬫᬤᬕᬂᬩ᭄ᬘᬶᬓ᭄᭞ᬮᬸᬤ᭄ᬭᬗᬯᬾᬲᬾᬫᬾᬃᬮᬸᬯᬸᬂ᭞ᬳᬾᬭᬗᬦ᭄ᬗᬯᬾᬧᭂᬜᬸᬭᬸᬫ᭄ᬮᬄ᭞ᬓᬮᬗᬯᬾ
ᬢᬸᬕᬸᬍᬯᬶᬄ᭞ᬳᬸᬫᬮᬸᬳᬸᬂ᭞ᬗᬯᬶᬢ᭄ᬫᬓᬃᬬ᭄ᬬᬧᬕᭂᬳᬦ᭄᭟ᬲᬗᬯᬭᬦᬾᬓᭀᬘᬧᬂ᭞ᬤᬗᬸᬫᬓᬃᬬ᭄ᬬᬧᬮᬶᬗ᭄ᬕᬶᬄ᭞ᬚᬗᬸᬃᬫᬓᬃᬬ᭄ᬬᬧᬕᭂᬳᬦ᭄᭞ᬕᬶᬕᬶᬲ᭄ᬫᬧᬫᬸᬮᬦ᭄ᬩ᭄ᬘᬶᬓ᭄᭞ᬦᭀᬳᬦ᭄ᬫᭂᬮᬄᬗ᭠
ᬯᬾᬫᬃᬕ᭄ᬕᬶ᭞ᬳᭀᬕᬦ᭄ᬳᬲᬶᬂᬧ᭄ᬭᬩᭀᬢ᭄ᬮᬸᬳᬸᬂ᭞ᬳᬾᬭᬗᬦ᭄ᬕᬯᬾᬧᬜᬸᬭᬸᬫᭂᬮᬄ᭞ᬳᬸᬭᬸᬗᬦ᭄ᬗᭂᬩᬄᬓᬬᬸᬍᬯᬶᬄ᭞ᬲᬾᬫᬾᬃᬢᬸᬮᬸᬲ᭄᭞ᬤᬤᬶᬫᬫᬸᬮᬯᭀᬄᬯᭀᬳᬦ᭄᭟ᬩᬜᬸᬯᬸᬭᬸᬗᬾ
[᭒᭓ 23A]
᭒᭓
ᬤᬫᬧᬲ᭄᭞ᬤᬾᬯᬲᬳᬮᬢᬦ᭄ᬲᬶᬧᬶ᭞ᬦᬸᬚᬸᬩᬸᬤ᭄ᬥᬳᬸᬓᬸᬲᬶᬦ᭄ᬢ᭞ᬰᬸᬓ᭄ᬭᬮᬦ᭄ᬤᭂᬧ᭄ᬤᬶᬢᬾᬓᬸᬮᬦ᭄ᬢᬶᬃ᭞ᬳᬗ᭄ᬕᬭᬢᭀᬮᬫᬦᬫ᭄ᬧᬶ᭞ᬯ᭄ᬭᬲ᭄ᬧᬢᬶᬕᬸᬫ᭄ᬩᬺᬕ᭄ᬓᬢᬸᬚᬸ᭞ᬰᬦᬶᬲ᭄ᬘᬭᬦᬸᬚᬸᬯᬭᬶᬕ᭞ᬲᭀᬫᬦᬾᬓᬚᬸᬮᬸᬂᬯᬗᬶ᭞ᬳᬧᬂᬢᬳᬸ
᭞ᬩᬸᬤ᭄ᬥᬦᬸᬚᬸᬳᬸᬓᬸᬲᬸᬗ᭄ᬲᬂ᭟ᬰᬸᬓ᭄ᬭᬦᬾᬳᬸᬓᬸᬤᬸᬗᬸᬮᬦ᭄᭞ᬋᬤᬶᬢᬾᬫᬯᬸᬓᬸᬮᬗ᭄ᬓᬶᬃ᭞ᬳᬗ᭄ᬕᬭᬦᬾᬫ᭄ᬤᬂᬲ᭄ᬬ᭞ᬯ᭄ᬭᬲ᭄ᬧᬢᬶᬧᬸᬚᬸᬢ᭄ᬦᭂᬫᭀᬦᬶᬦ᭄᭞ᬲᭀᬫᬦᬾᬧᬳᬶᬂᬫᬦᬫ᭄ᬧᬶ᭞ᬩᬸᬤ᭄ᬥᬦᬾᬢᬫ᭄ᬩᬶᬃᬓᬢᬸᬚᬸ᭞ᬰᬸᬓ᭄ᬭᬦ᭄ᬜᬦᬾᬫ᭄ᬤᬂ
ᬓᬸᬗᬦ᭄᭞ᬤᬶᬢᬾᬳᬸᬬᬾᬳᬗ᭄ᬕᬭᬫᭂᬦᬳᬶᬮ᭄᭞ᬓᬾᬢᭀᬫᬸᬗ᭄ᬕᬸᬄ᭞ᬩᬸᬜᬸᬯᬸᬭᬸᬂᬤᬶᬦᬓᬲᬃ᭟ᬯ᭄ᬭᬲ᭄ᬧᬢᬶᬧ᭄ᬭᬗ᭄ᬩᬓᬢ᭄᭞ᬰᬦᬶᬲ᭄ᬘᬭᬩᬮᬢᬸᬯᬶ᭞ᬲᭀᬫᬦᬾᬓᬢᬸᬚᬸᬯᬬᬂ᭞ᬩᬸᬤ᭄ᬥᬦᬾᬓ᭄ᬮᬯᬸᬦᭂᬫᭀᬦᬶᬦ᭄᭞ᬰᬸ᭠
ᬓ᭄ᬭᬦᬾᬤᬸᬓᬸᬢ᭄ᬬᬸᬓ᭄ᬢᬶ᭞ᬩᬜᬸᬯᬸᬭᬸᬂᬤᬶᬢᬸᬫᬸᬗ᭄ᬕᬸᬄ᭞ᬳᬲᬶᬂᬓᬃᬬ᭄ᬬᬦᭂᬫᬸᬳᬮ᭞ᬳᬶᬗᭂᬢᬂᬳᭂᬦ᭄ᬢᭀᬳᬶᬫ᭄ᬧᬲᬶᬦ᭄᭞ᬬᬦ᭄ᬫᬫᬸᬭᬸᬕ᭄᭞ᬲᬶᬦᬄᬩᬬᬧᬘᬂᬜᬤᬂ᭟ᬓᬚᭂᬂᬳᬶᬲ᭄ᬬᬦᬾᬳᬶᬗᭂᬢᬂ᭞ᬗᬯᬾ
