[᭒᭑ 21B]
᭒᭑
ᬲᭀᬫᬫᬶᬢ᭄ᬭᬦᬶᬧᬸᬦ᭄᭞ᬰᬸᬓ᭄ᬭᬦᬾᬫᬶᬮᬸᬫᬭᭀᬯᬂ᭞ᬳᬗ᭄ᬕᬭᬩᬸᬤ᭄ᬥᬲᬢ᭄ᬭᬸᬚᬢᬶ᭞ᬰᬦᬶᬲ᭄ᬘ᭠ᬭᬫᬶᬮᬸᬧᭂᬤᬲᬂᬳᬧᬗᬢᭂᬭᬂ᭟ᬘᬭᬶᬢᬬᬂᬚᬦᬶᬰᬸᬓ᭄ᬭ᭞ᬤᬶᬢᬾᬲᭀᬫᬫᬶᬢ᭄ᬭᬚᬢᬶ᭞ᬩᬸᬤᬦᬾᬫᬶᬮᬸᬫᬭᭀ
ᬯᬂ᭞ᬫᬓᬲᬢ᭄ᬭᬸᬯ᭄ᬭᬲ᭄ᬧᬢᬶ᭞ᬳᬗ᭄ᬕᬭᬦᬾᬲᬢ᭄ᬭᬸᬚᬦᬶ᭞ᬰᬦᬶᬲ᭄ᬘᬭᬫᬲᬶᬄᬫᬶᬮᬸ᭞ᬚᬦᬶᬢᬢᬲᬂᬧᬂ᭠ᬢᭂᬭᬂ᭞ᬬᬦᬶᬂᬩᬶᬗ᭄ᬩᬂᬳᬸᬭᬸᬂᬤᬤᬶ᭞ᬲᬗ᭄ᬓᬦ᭄ᬭᬸᬗᬸ᭞ᬫᬶᬢ᭄ᬭᬲᬢ᭄ᬭᬸᬦᬶᬂᬤᬾᬯᬲ᭟ᬰᬦᬶᬲ᭄ᬘᬭᬚᬦᬶᬓᭀᬘᬧ᭄᭞ᬫ᭠
ᬓᬫᬶᬢ᭄ᬭᬯ᭄ᬭᬲ᭄ᬧᬢᬶ᭞ᬳᬗ᭄ᬕᬭᬩᬸᬤ᭄ᬥᬫᬶᬢ᭄ᬭᬦ᭄ᬜ᭞ᬫᬓᬲᬢ᭄ᬭᬸᬋᬤᬶᬢᬾᬓᬶ᭞ᬲᭀᬫᬰᬸᬓ᭄ᬭᬲᬢ᭄ᬭᬸᬚᬢᬶ᭞ᬳᭂᬦ᭄ᬢᭀᬧᭂᬤᬲᬂᬧᬂᬮᬸᬳᬸᬂ᭞ᬬᬦ᭄ᬮᬾᬫ᭄ᬧᬲ᭄ᬫᬦᬶᬯᬓᬂ᭞ᬢᭂᬢᬦ᭄ᬤᬸᬭᬦ᭄ᬭᬸᬲᬓ᭄ᬲᬫᬶ᭞ᬧᬶᬮᬶᬄᬤᬸᬫᬸᬦ᭄
ᬤᬶᬦᬫᬶᬢ᭄ᬭᬦᬾᬩᬸᬯᬢᬂ᭟ᬫᭂᬃᬢ᭄ᬢᬫᬲᬦᬾᬳᬶᬗᭂᬢᬂ᭞ᬫᬦᬸᬢᬗ᭄ᬕᬮ᭄ᬫᬶᬯᬄᬰᬰᬶᬄ᭞ᬓ᭠ᬮᭀᬓ᭄ᬢᬄᬤᬶᬦᬳᬸᬢᬫ᭞ᬳᬲᬶᬂᬓᬃᬬ᭄ᬬᬫᬗ᭄ᬕᬶᬄᬩᭂᬘᬶᬓ᭄᭞ᬓᬲᬧᬶᬂᬤᬰᬦᭂᬫᭀᬦᬶᬦ᭄᭞ᬓ
[᭒᭒ 22A]
᭒᭒
ᬭᭀᬢᬗ᭄ᬕᬮ᭄ᬧᬶᬢᬸᬫᬸᬗ᭄ᬕᬸᬄ᭞ᬓᬢᬶᬕᬧᬶᬂᬲ᭄ᬬᬓᭀᬘᬧ᭄᭞ᬓᬧᬢᬾᬧᬹᬃᬡ᭄ᬦᬫᬦᬫ᭄ᬧᬶ᭞ᬤᬶᬦᬳᬬᬸ᭞᭠ᬳᬲᬶᬂᬕᬯᬾᬦ᭄ᬫᬸᬫᭂᬮᬄ᭟ᬓᬮᬶᬫᬢᬶᬍᬫ᭄ᬫᬦᬗ᭄ᬕᬧ᭄᭞ᬓᭂᬦᭂᬫ᭄ᬢᬗ᭄ᬕᬮ᭄ᬓᬸᬢᬸᬲ᭄ᬲᬫᬶ᭞ᬓᬧᬶᬢᬸᬢᬗ᭄ᬕᬮ᭄ᬧᬶᬂᬢ᭄ᬮᬸᬮᬲ᭄᭞
ᬓᬯᬸᬮᬸᬧᬶᬦ᭄ᬤᭀᬦᬾᬍᬯᬶᬄ᭞ᬓᬲᬗᬧᬶᬂᬦᭂᬫ᭄ᬦᭂᬫᭀᬦᬶᬦ᭄᭞ᬓᬤᬰᬧᬶᬂᬧᬢᬾᬫᬸᬗ᭄ᬕᬸᬄ᭞ᬚᬾ᭠ᬱ᭄ᬝᬮᬶᬫᬦ᭄ᬫᬸᬩᬕ᭄ᬬ᭞ᬳᬲᬤᬧᬶᬂᬧᬶᬲᬦ᭄ᬍᬯᬶᬄ᭞ᬳ᭄ᬤᬩᬶᬗᬸᬂ᭞ᬫᭂᬃᬢ᭄ᬢᬫᬲᬦᬾᬧᭂᬤᬲᬂ᭟ᬓᬮᬳᬗᭂᬦᬾᬧᭂ
ᬤᬲᬂ᭞ᬫᬸᬗ᭄ᬕᬸᬄᬤᬶᬦᬮᬶᬦ᭄ᬢᬂᬓᬲᬸᬩ᭄ᬚᬢᬶ᭞ᬗᬚᬄᬩᬸᬭᭀᬦ᭄ᬤᬶᬢᬸᬫᭂᬮᬄ᭞ᬲᭀᬭᭀᬄᬲᬸᬓᬸᬧᬢ᭄ᬳᬸᬢᬫᬶ᭞ᬦᬸᬚᬸᬲᬦᬶᬲ᭄ᬘᬭᬫᭂᬦᬳᬶᬮ᭄᭞ᬋᬤᬶᬢᬾᬩᬮᬓᬲᬸᬫ᭄ᬩᬸᬂ᭞ᬳᬗ᭄ᬕᬭᬩᬮᬳᬸᬢᬫ᭞᭠
ᬓᭀᬘᬧ᭄ᬳᭂᬦ᭄ᬢᭀᬓᬮᬳᬗᬶᬦ᭄᭞ᬳᬧᬂᬢᬳᬸ᭞ᬓᬮᬗᬚᬄᬲᬸᬓᬸᬳᭂᬫ᭄ᬧᬢ᭄᭟᭠ᬤᬾᬯᬲᬫᬦᬸᬢ᭄ᬯᬯᬭᬦ᭄᭞ᬢᭀᬲᬤ᭄ᬯᬭᬦᬾᬳᬾᬮᬶᬗᬶᬦ᭄᭞ᬢᬸᬗ᭄ᬮᬾᬄᬫᭂᬮᬄᬫᬸᬮᬓᬘᬂ᭞ᬳᬭᬶ
