Kaca:Bali-lontar-gaguritan-wariga-02-300ppi.pdf/5

[᭔ 4B]
᭔
ᬢᬦᬸᬭᬸᬂᬫᬗ᭄ᬕᬶᬄᬳᬦ᭄ᬢᬓᬵ᭞ᬧᬶᬂᬢ᭄ᬮᬸᬮᬲ᭄ᬫᬗ᭄ᬕᬶᬄᬍᬯᬶᬄ᭞ᬢᬗ᭄ᬕᬮ᭄ᬧᬶᬂᬧᬢ᭄ᬩᭂᬮᬲ᭄᭞ᬓᭀᬘᬧ᭄ᬓᬪᬬᬪᬬ᭞ᬧᬶᬂᬮᬶᬫᭀᬮᬲ᭄ᬫᬗ᭄ᬕᬶᬄᬳᬰᬶᬄ᭞ᬮᬾᬜ᭄ᬘᬢᬸᬃᬮᬪᬵ᭞ᬩᬸᬤ᭄ᬥᬧ᭄ᬯᭀᬦ᭄ᬓᬯᬸᬄᬩ᭄ᬘᬶᬓ᭄᭚ᬲᭀᬫᬯᬕᬾᬫ᭄ᬮᬄᬫᬗᬚᬦᬂ᭞ᬮᬫᬸᬦ᭄ᬥᬶᬢᬾᬉᬫᬦᬶᬲ᭄᭞
ᬫ᭄ᬮᬄᬫᬚᬮᬦ᭄ᬗᬗᬶᬦᬂ᭞ᬮᬫᬸᬦ᭄ᬮᬸᬯᬲ᭄‌‌ᬗ᭄ᬮᭀᬤᬂ᭞ᬰᭀᬭᬶᬧᬳᬶᬗᬾᬧᬢᬶᬢᬶᬲ᭄᭞ᬫᬦ᭄ᬫᬸᬪᭀᬕ᭞ᬓᬾᬢᭀᬓᭀᬘᬧ᭄ᬭᬶᬂᬳᬚᬷ᭚᭜᭚ᬥᬶᬢᬾᬯᬕᬾᬳ᭄ᬤᬫᬗᬚᬦᬂ᭞ᬭᬶᬂᬭᬥᬶᬢᬾᬉᬫᬦᬶᬲ᭄᭞ᬳ᭄ᬤᬫᬗᬗᬶᬦᬂ᭞ᬭᬥᬶᬧ᭄ᬯᭀᬦ᭄‌‌ᬳ᭄ᬥᬗᬯᬸᬳᬂ᭞ᬳ᭄ᬤᬓ᭄ᬮᭀᬤ᭄ᬭᬥᬾ
ᬢᬾᬧᬳᬶᬂ᭞ᬥᬶᬢᬾᬓᬮᬶᬯᭀᬦ᭄᭞ᬦᭀᬗᭀᬲ᭄ᬤᬶᬚᬸᬫᬄᬳᬸᬕᬶ᭚ᬳ᭄ᬤᬓᬚᬳ᭄ᬤᬫᬚᬮᬦ᭄ᬗᬮᭀᬤᬂ᭞ᬳ᭄ᬤᬓᬯᬸᬄᬳ᭄ᬤᬓᬗᬶᬦ᭄᭞ᬓᬳᬸᬘᬧᬂᬳᬮᬵ᭞ᬫᬵᬤᬦ᭄ᬓᬵᬮᬲᬜ᭄ᬚᬬ᭞ᬲᬗ᭄ᬓᬦ᭄ᬳᬸᬗ᭄ᬕᬸᬳᬂᬤᬶᬕᬸᬭᬶᬢ᭄᭞ᬳᬗ᭄ᬕᭀᬦ᭄ᬗᬶᬗᭂᬢᬂ᭞ᬓᬵᬮᬮ᭄ᬯᬲ᭄᭠
ᬫᬫᬃᬕ᭄ᬕᬶ᭚᭜᭚ᬤᬹᬃᬕ᭄ᬕᬵᬲ᭄ᬢᬡᬦᬾᬬᬾᬦ᭄ᬧᬓ᭄ᬱᬧᬧᬲ᭄ᬮ᭄ᬯᬲ᭄᭞ᬩᬜ᭄ᬘᬡᬵᬕᬸᬂᬓᬧᬗ᭄ᬕᬶᬄ᭞ᬬᬾᬦ᭄ᬢᬗ᭄ᬕᬮ᭄ᬳᬧᬶᬲᬦ᭄᭞ᬧᬶᬂᬲ᭄ᬬᬓᬗᬶᬦ᭄‌‌ᬢᭀᬗᭀᬲᬵ᭞ᬧᬶᬂᬤᬰᬢ᭄ᬓᬾᬦ᭄ᬧᬶᬂᬓᬮᬶᬄ᭞ᬧᬥᬩᬤᬚᬵ᭞ᬢᭀᬗᭀᬲ᭄ᬤᬹᬃᬕ᭄ᬕᬦᬾᬗᬦ᭄ᬢᬶ᭚᭠

[᭕ 5A]
᭕
ᬓ᭄ᬮᭀᬤ᭄ᬓᬗᬶᬦ᭄ᬧᬶᬂᬢ᭄ᬮᬸᬢ᭄ᬓᬾᬦ᭄ᬧᬶᬂᬲᭀᬮᬲ᭄᭞ᬧᬶᬂᬭᭀᬭᬲ᭄ᬧᬶᬂᬳᭂᬫ᭄ᬧᬢ᭄ᬲᬫᬶ᭞ᬓ᭄ᬮᭀᬤ᭄ᬓᬯᬸᬄᬢᭀᬗᭀᬲᬵ᭞ᬧᬶᬂᬮᬶᬫᬧᬶᬂᬢ᭄ᬮᬸᬮᬲ᭄᭞ᬲᬶᬓ᭄ᬮᭀᬤ᭄‌‌ᬢᭀᬗᭀᬲᬵᬗᬦ᭄ᬢᬶ᭞ᬪᬬᬩ᭄ᬬᬓᬢᭀᬗᭀᬲᬶᬦ᭄᭚ᬓᬚᬓᬗᬶᬦ᭄ᬧᬶᬂᬓᬸᬢᬸᬲ᭄‌‌ᬢ᭄ᬓᬾᬦ᭄ᬧᬹᬃ
ᬡ᭄ᬦᬫ᭞ᬧᬶᬂᬦᭂᬫ᭄ᬧᬶᬂᬘᬢᬸᬃᬤᬰᬶ᭞ᬲᬓᬯᬄᬫᬕ᭄ᬦᬄ᭞ᬤᬹᬃᬕ᭄ᬕᬦᬾᬕᬮᬓ᭄ᬧᬶᬲᬦ᭄᭞ᬮᬡ᭄ᬥᭂᬧ᭄ᬫᬯᬶᬱ᭄ᬬᬢᬦ᭄ᬲᬶᬧᬶ᭞ᬓ᭄ᬭᬸᬭᬫᬜ᭄ᬩᬓ᭄᭞ᬕᬯᬾᬜᬦᬥᬄᬚᬤ᭄ᬫᬶ᭚᭜᭚ᬩ᭄ᬯᬶᬦ᭄ᬓᭀᬘᬧ᭄‌‌ᬦᬾᬫᬳᬤᬦ᭄‌‌ᬓᬵᬮᬫᬗᬧ᭄᭞ᬭᬶᬂᬭᬥᬶᬢᬾᬉᬫᬦᬶᬲ᭄᭞ᬳ᭄ᬤᬫ
ᬗᬚᬦᬂ᭞ᬩᬸᬤ᭄ᬥᬧᬳᬶᬗᬾᬓᭀᬘᬧ᭄᭞ᬳ᭄ᬤᬧᬶᬲᬦ᭄‌‌ᬮ᭄ᬯᬲ᭄ᬓᬗᬶᬦ᭄᭞ᬳ᭄ᬤᬫᬗ᭄ᬮᭀᬤᬂ᭞ᬭᬶᬂᬯᬺᬲ᭄ᬧᬢᬶᬉᬫᬦᬶᬲ᭄᭚ᬲᭀᬫᬓ᭄ᬮᬶᬯᭀᬦᬾᬳ᭄ᬤᬫᬗᬯᬸᬳᬂ᭞ᬓᬵᬮᬢᬧᬦᬾᬳᬸᬕᬶ᭞ᬳᬗ᭄ᬕᭀᬦ᭄ᬫᬭᬶᬲᬸᬤ᭄ᬥ᭞ᬲᬵᬮᬳᬮᬦᬶᬂᬤᬶᬦᬵ᭞ᬲᬤᬹᬃᬕ᭄ᬕᬩᬜ᭄ᬘᬡᬵᬗᬶ
ᬮᬶ᭞ᬳᬗ᭄ᬳᬶᬂᬫᬍᬓᬲ᭄᭞ᬤᬲᬾᬮ᭄ᬯᬲ᭄ᬫᬫᬃᬕ᭄ᬕᬶ᭚ᬭᬶᬂᬭᬥᬶᬢᬾᬫᬗ᭄ᬲᭀᬲ᭄ᬦᬲᬶᬳᬲᭀᬧᬦ᭄᭞ᬲᭀᬫᬫᬕᬸᬮᬶᬂᬕᬸᬮᬶᬂ᭞ᬫᬗᬹᬬᬸᬧ᭄ᬰᬹᬃᬬ᭄ᬬᬵᬗ᭄ᬕᬭ᭞ᬩᬸᬤ᭄ᬥᬦᬾᬫᬗᬹᬥᭀᬥ᭞ᬫᬪᬱ᭄ᬫᬳᬯᬸᬯ᭄ᬭᬲ᭄ᬧᬢᬶ᭞ᬰᬸᬓ᭄ᬭᬫᬢᬸᬓᬃ᭞ᬫᬦ᭄ᬤᬸᬲ᭄ᬫᬵᬧᬸᬦ᭄ᬭᬶᬂᬰᭀᬭᬶ᭚᭐