Kaca:Bali-lontar-gaguritan-wariga-02-300ppi.pdf/4

[᭓ 3B]
᭓
ᬦᬓᬾᬤᭀᬬᬦ᭄ᬮᬫ᭄ᬧᬸᬲ᭄᭞ᬬᬦ᭄ᬓᬭᭀᬫᬢ᭄ᬫᬸ᭞ᬲᬕ᭄ᬮᬳᬾᬩᬺᬲᬶᬄᬳ᭄ᬦᬶᬂ᭞ᬓᬢᬶᬕᬦᬾᬫ᭄ᬮᬄᬯᬺᬤ᭄ᬥᬶᬲᬦ᭄ᬢᬡ᭞ᬭᬳᬬᬸᬓᬧᬢ᭄ᬲᬸᬕᬶᬄᬋᬦ᭄ᬤᬄ᭞ᬓᬮᬶᬫᬳᬱ᭄ᬝᬶᬢᬶᬪᬓ᭄ᬝᬶ᭞ᬤᬶᬓᬦᭂᬫᬾᬓᬵᬮᬄᬫ᭄ᬦᬂ᭞ᬧᬸᬧᬸᬢ᭄ᬪᬕ᭄ᬬᬦᬾᬭᬶᬂᬓᬧᬶᬢᬸ᭚
ᬤᬶᬓᬯᬸᬮᬸᬦᬾᬓᭀᬘᬧ᭄ᬫᬗ᭄ᬕᬶᬄᬳᬦ᭄ᬢᬓᬵ᭞ᬓᬰᬗᬵᬳᬕ᭄ᬭᬶᬂᬳᬗ᭄ᬮᬬᬸᬂ᭞ᬓᬤᬰᬦᬾᬳᬬᬸ᭞ᬩᬶᬓᬲ᭄ᬭᬢᬸᬦᬾᬓᬧᬗ᭄ᬕᬶᬄ᭞ᬤᬶᬚ᭄ᬬᬾᬱ᭄ᬝᬦᬾᬫ᭄ᬮᬄ᭞ᬦᬾᬳ᭄ᬮᬸᬄᬳᬱ᭄ᬝᬶᬢᬶᬭᬶᬂᬓᬓᬸᬂ᭞ᬬᬦ᭄ᬭᬶᬂᬰᬰᬶᬄᬰᬤᬵᬚ᭄ᬮᬾᬦᬾᬢᬦ᭄ᬲᬶᬦᬶᬧᬶ᭞ᬮ᭄ᬬᬸᬕᬮᬓ᭄‌‌ᬫᬜᬢ᭄ᬭᬸᬯ᭞
ᬮᬾᬬᬓ᭄‌‌ᬤᬾᬱ᭄ᬝᬶᬦᬾᬕᬶᬭᬂᬳᬗᬺᬩᬸᬢ᭄᭚ᬢᬗ᭄ᬕᬮ᭄ᬧᬶᬲᬦ᭄ᬧᬶᬦ᭄ᬤᭀᬧᬶᬂᬢ᭄ᬮᬸᬦᬾᬫ᭄ᬮᬄ᭞ᬧᬶᬂᬧᬢ᭄ᬧᬢᬶᬓᬢ᭄ᬧᬸᬓ᭄᭞ᬧᬶᬂᬮᬶᬫᬦᬾᬮᬸᬯᬸᬂ᭞ᬤᬶᬧᬶᬂᬦᭂᬦᬾᬫᬫᬗ᭄ᬕᬶᬄᬲᬓᬶᬢ᭄᭞ᬤᬶᬧᬶᬂᬧᬶᬢᬸᬦᬾᬫ᭄ᬮᬄ᭞ᬮᬫᬸᬜᬢᬗ᭄ᬕᬮ᭄ᬧᬶᬂᬓᬸᬢᬸᬲ᭄᭞ᬢ᭄ᬓᬾᬦᬶᬂᬧᬶᬂᬲᬗᬵᬧᬥᬢ᭄ᬯᬭ
ᬫᬮᬸᬥᬶᬄ᭞ᬧᬶᬂᬤᬰᬦᬾᬓᬰᬸᬩ᭄‌‌ᬫ᭄ᬮᬄ᭞ᬮᬦᬸᬲ᭄ᬧᬺᬢᬶᬲᬦ᭄ᬢᬡᬯᬶᬪᬹᬄ᭚ᬧᬶᬂᬲᭀᬮᬲᬾᬫᬗ᭄ᬕᬶᬄᬩ᭄ᬘᬶᬓ᭄‌‌ᬬᬦ᭄ᬧᬶᬂᬭᭀᬭᬲ᭄᭞ᬓᬾᬘᬧ᭄ᬫᬗ᭄ᬕᬶᬄᬧᬓᬿᬯᬸᬄ᭞ᬧᬶᬂᬢ᭄ᬮᬸᬮᬲ᭄ᬭᬳᬬᬸ᭞ᬧᬢ᭄ᬩᭂᬮᬲ᭄ᬮᬶᬫᭀᬮᬲ᭄‌‌ᬲᬫᬶᬚ᭄ᬮᬾᬓᭀᬘᬧᬜ᭞ᬢᬦ᭄‌‌ᬬᭀᬕ᭄ᬬᬳᬫ᭄ᬩᬄᬫ

[᭔ 4A]
᭔
ᬢ᭄ᬫᬸ᭛᭜᭛ᬧᬫᬘᭂᬓᬦ᭄ᬮᬦᬂᬳᬦᬹᬢᬗ᭄ᬕᬮ᭄᭞ᬘ᭞ᬧᬶᬂ᭞᭑᭒᭟ᬅ᭞ᬧᬶᬂ᭑᭓᭟ᬩᬸ᭞ᬧᬶᬂ᭞᭑᭐᭟ᬯᬺ᭞ᬧᬶᬂ᭞ᬬ᭟ᬰᬸ᭞ᬧᬶᬂ᭞᭘᭟ᬰ᭞ᬧᬶᬂ᭞᭗᭟ᬫ᭄ᬯᬄᬧᬶᬂ᭞᭖᭞ᬳᬬ᭄ᬯᬳᬢᬢᬦ᭄ᬤᬸᬭᬦ᭄᭛᭜᭛ᬤᬹᬃᬫ᭄ᬫᬗ᭄ᬕᬮᬵᬬᬾᬦ᭄ᬫᬧᬲ᭄‌‌ᬲᬧ᭄ᬢᬫᬪᬬ᭞ᬮᬫᬸᬦ᭄ᬤᬶ
ᬦᬦ᭄ᬜᬯ᭄ᬭᬲ᭄ᬧᬢᬶ᭞ᬳ᭄ᬤᬫᬫᬗ᭄ᬮᭀᬤᬂ᭞ᬲᭀᬫᬮᬦ᭄ᬰᬦᬶᬰ᭄ᬘᬭ᭞ᬳ᭄ᬤᬧᬶᬲᬦ᭄‌‌ᬮ᭄ᬯᬲ᭄ᬓᬗᬶᬦ᭄᭞ᬥᬶᬢᬾᬮᬦ᭄ᬰᬸᬓ᭄ᬭ᭞ᬳ᭄ᬤᬓᬯᬸᬄᬫᬫᬃᬕ᭄ᬕᬶ᭚ᬬᬾᬦ᭄‌‌ᬅᬗ᭄ᬕᬭᬮᬦ᭄ᬩᬸᬤ᭄ᬥᬳ᭄ᬤᬫᬗᬚᬦᬂ᭞ᬳᭂᬦ᭄ᬢᭀᬮᬫᬸᬦ᭄ᬢᬸᬗ᭄ᬓᬲᬶᬲᬶᬸᬦ᭄᭞ᬫᬮᬮ᭄ᬯᬲ᭄ᬮᬸᬯᬲᬦ᭄᭞ᬫᬵᬯᬲ᭄ᬓᬧᬗ᭄ᬕᬶᬄᬭᭀᬕᬵ᭞
ᬫ᭄ᬭᬡᬤᬸᬄᬓᬢᬦ᭄ᬲᬶᬧᬶ᭞ᬧᬶᬸᬂᬢ᭄ᬯᬭᬩᬸᬯᬸᬗᬦ᭄᭞ᬫᬶᬮᬶᬄᬲᬸᬓᬵᬫ᭄ᬩᬬᬾᬦᬶᬦ᭄᭚ᬮᬫᬸᬦ᭄‌‌ᬮ᭄ᬯᬲ᭄ᬢᬗ᭄ᬕᬮ᭄ᬧᬶᬲᬦ᭄ᬲᬶᬤ᭄ᬥᬓᬵᬃᬬ᭄ᬬ᭞ᬧᬶᬂᬭᭀᬲᬸᬓᬵᬢᬦ᭄ᬲᬶᬧᬶ᭞ᬧᬶᬂᬢᬶᬕᬦᬾᬓᭀᬘᬧ᭄᭞ᬳᬳᬾᬂᬢᬦ᭄ᬓᬧᬗ᭄ᬕᬶᬳᬵ᭞ᬧᬶᬂᬧᬢ᭄ᬮᬪᬥᬦᬍᬯᬶᬄ᭞ᬢᬗ᭄ᬕᬮ᭄ᬧᬶᬂᬮᬶᬫᬵ᭞ᬓᭀᬘᬧ᭄ᬫᬗ᭄ᬕᬶᬄ
ᬩᬸᬓ᭄ᬢᬶ᭚ᬢᬗ᭄ᬕᬮ᭄ᬧᬶᬂᬦᭂᬫ᭄ᬚᭂᬮᬾᬓᭀᬘᬧ᭄ᬢᬸᬢᬸᬭᬜ᭞ᬧᬶᬂᬧᬶᬢᬸᬫᬗ᭄ᬕᬶᬄᬳᬰᬶᬄ᭞ᬧᬶᬂᬓᬸᬢᬸᬲᬾᬚᬳᬢ᭄᭞ᬧᬶᬂᬲᬗᬵᬢᬦᬸᬭᬸᬂᬯᬶᬸᬧ᭄ᬚᬄ᭞ᬧᬶᬂᬤᬰᬳᬬᬸᬓᬧᬗ᭄ᬕᬶᬄ᭞ᬧᬶᬂᬲᭀᬮᬲᬸᬓᬵ᭞ᬲᬧᬭᬦ᭄ᬧᬭᬦ᭄‌‌ᬩ᭄ᬘᬶᬓ᭄᭚ᬦᬾᬧᬶᬂᬭᭀᬭᬦᬶᬸᬲ᭄