[᭘ 8B]
᭘
ᬗᬶᬭᬶᬂ᭟ᬤ᭄ᬯᬕᬸᬂᬓ᭄ᬜᭂᬫ᭄ᬳᬾᬮᬶᬗᬾᬭᬶᬂᬲᬲᭀᬮᬳᬦ᭄᭞ᬤᬸᬓ᭄ᬗᬶᬭᬶᬂᬰ᭄ᬭᬷᬪᬸᬧᬢᬶ᭞ᬗᬦ᭄ᬤᬶᬓᬦᬄᬜᬦᬦ᭄᭞ᬤᬸᬫᬤᬓ᭄ᬓᬳᬶᬲᬶᬤᬦ᭄᭞ᬫᬦᬚᬮᬄ
ᬮᬸᬢ᭄ᬫᬮᬮᬶ᭞ᬜ᭄ᬭᬶᬢ᭄ᬳᬶᬚᬾᬗ᭄ᬕᭂᬮᬃᬫᬸᬜᬶᬦᬸᬦ᭄ᬤᬾᬦ᭄ᬗᬢᬸᬭᬶᬦ᭄᭟ᬕ᭄ᬮᬶᬲ᭄ᬜᬵᬕ᭄ᬚᬕ᭄ᬳᬶᬤ᭄ᬯᬕᬸᬂᬭᬳᬶᬫᬦ᭄ᬢᬸᬓᬦ᭄᭞ᬲᬸᬩᬦ᭄ᬤᬃᬓᬕᬸᬬᬗᬶᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬩᬦ᭄ᬤᬃ
ᬲᬬᬦᬶᬗᭂᬄᬳᭀᬃᬢ᭄ᬣ᭞ᬕᭀᬘᬾᬓᬦ᭄ᬤᬶᬉᬓᬶᬃᬓᬯᬶ᭞ᬭᬫᭂᬲ᭄ᬧᬲᬚ᭞ᬳᬂᬲᬬᬗ᭄ᬮᬸᬯᬲᬶᬦ᭄᭟ᬤᬤᬶᬓ᭄ᬜᭂᬫ᭄ᬳᬶᬲᬸᬩᬦ᭄ᬤᬃᬧᬫᬸᬜᬶᬜ᭞ᬬᬾᬦᬶᬂᬲᬶᬂᬩᬳᬂᬤᬤᬶ
᭞ᬤ᭄ᬯᬕᬸᬂᬭᬳᬶᬦᬶᬫ᭄ᬩᬮ᭄᭞ᬳᬭᬄᬤᬤᬶᬧᬶᬲᬦ᭄ᬧᬲᬦ᭄᭞ᬲᬬᬗᬸᬤᬫᬫᭂᬗ᭄ᬓᬸᬗᬶᬦ᭄᭞ᬫᬶᬲᬬᬂᬧᬶᬲᬦ᭄ᬩᬦ᭄ᬤᬃᬓ᭄ᬯᬲᬦᬾᬚᬦᬶ᭟ᬦᬄᬕᬸᬂᬭᬳᬶᬮ᭄ᬬᬸᬲᬸᬩᬫ
[᭙ 9A]
᭙
ᬕᭀᬘᬾᬓᬦ᭄᭞ᬗᬶᬂᬳᬶᬩᬩᬄᬧᬂᬗᬶᬭᬶᬂ᭞ᬬᬩᬩᭀᬢᭀᬄᬗ᭄ᬮᬸᬦᬓ᭄᭞ᬦᬶᬓᬶᬭᬶᬗ᭄ᬕᬶᬢ᭄ᬲ᭄ᬬᬳᬩ᭞ᬢ᭄ᬓᬾᬦᬶᬂᬚᬶᬦᬃᬤ᭄ᬯᬢᬮᬶ᭞ᬤᬚᬗ᭄ᬓᬫᬩ᭄ᬯᬢ᭄᭞ᬚ᭄ᬜ᭄ᬕᬳᬂᬲᬬ
ᬲᬶᬂᬗᬶᬭᬶᬂ᭟ᬤᬾᬦᬾᬗᬶᬭᬶᬂᬓᬩᬦ᭄ᬧᬤᬜᬢᬓ᭄᭞ᬧᬦᬓᬾᬓᬳᬮᬶᬄ᭞ᬧᬢ᭄ᬧᬢ᭄ᬬᬮ᭄ᬬᬸᬜ᭞ᬦᬾᬓᬢᬸᬦ᭄ᬤᬾᬦᬂᬮ᭄ᬯᬲ᭄᭞ᬫᬗᬶᬭᬶᬂᬳᬶᬤ᭄ᬯᬕᬸᬂᬭᬳᬶ᭞ᬩ
ᬦ᭄ᬤᬃᬫᬸᬜᬶᬜ᭞ᬲ᭄ᬯᬮ᭄ᬲᬄᬳᬳᬾᬮᬗᬶᬭᬶᬂ᭟ᬳᬶᬓ᭄ᬢᬶᬧᬸᬓ᭄ᬳᬶᬚᭀᬓ᭄ᬧᬶᬂᬩᬸᬗ᭄ᬲᬶᬂᬫᬚᬮᬦ᭄᭞ᬫᬦᬶᬳᬶᬭᬶᬂᬕᬸᬂᬭᬳᬶ᭞ᬳ᭄ᬦᬾᬭᬶᬗ᭄ᬕᬶᬢ᭄ᬤᭀᬫᬲ᭄᭞ᬢ᭄ᬓᬾᬦᬶᬂᬚᬶ
ᬦᬃᬲᬢᬓ᭄᭞ᬧᬢᬸᬄᬧᬲᬳᬸᬢᬵᬳᭂᬗ᭄ᬕᬶᬄ᭞ᬜᭀᬜᬄᬦᬩ᭄ᬤᬩᬂ᭞ᬲᬵᬗᬸᬦ᭄ᬤ᭄ᬯᬕᬸᬗᬾᬫᬦᬶ᭟ᬲᬵᬫ᭄ᬧᬸᬦ᭄ᬢ᭄ᬭᬕ᭄ᬬᬤᬲᬼᬫᬄᬫᬗ᭄ᬓᬾᬘᬭᬶᬢ᭞ᬤ᭄ᬯᬕᬸᬂᬭᬳᬶ
Kaca:Bali-lontar-gaguritan-ukir-kawi-450ppi.pdf/9
Kaca puniki sampun kauji-wacén
