[᭗ 7B]
᭗
ᬦ᭄ᬤᬃᬓ᭄ᬘᬸᬗᭂᬧᬂ᭞ᬲᬧ᭄ᬢᭂᬓᬾᬦ᭄ᬫᬤᬢ᭄ᬲᬳᬶ᭞ᬬᬓ᭄ᬦᭂᬳᬗᬵ᭞ᬢᭀᬂᬢᬸᬮᬓ᭄ᬓᬩᬗ᭄ᬲᬮ᭄ᬩ᭄ᬯᬶᬦ᭄᭟ᬤ᭄ᬯᬕᬸᬂᬭᬳᬶᬓᭀᬘᬧ᭄ᬕ᭄ᬮᬄᬳᬶᬲᬸᬩᬦ᭄ᬤᬃ᭞ᬤᬩᬕᬸᬲ᭄ᬕ᭄ᬥᬾᬓ᭄ᬜᬶᬂ
᭞ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬳᬭᬄᬤ᭄ᬯᬕᬸᬂᬭᬳᬶᬲᬬᬂ᭞ᬳᬶᬲᭂᬗ᭄ᬓᬾᬤᬤᬶᬗᬮᬶᬢ᭄᭞ᬲᭂᬗ᭄ᬓᬾᬫᬕᬸᬡᬵ᭞ᬢᭀᬂᬤᬤᬶᬲᬸᬧᬢ᭄ᬩ᭄ᬯᬶᬦ᭄᭟ᬬᬦᬶᬂᬲᬸᬧᬢ᭄ᬤᬤᬶᬳᬸᬍᬃᬤ
ᬤᬶᬮᬶᬦ᭄ᬢᬄ᭞ᬓᬘ᭄ᬬᬮ᭄ᬓᬳᬶᬳᭀᬃᬢ᭄ᬣᬳᬶᬦ᭄᭞ᬦᬾᬫᬤᬦ᭄ᬳᬶᬚᬾᬗ᭄ᬕᭂᬮᬃ᭞ᬳᬫ᭄ᬩᬸᬮᬯᬕᭀᬩᬜ᭞ᬳᬶᬓᬘ᭄ᬬᬮ᭄ᬜᬸᬫ᭄ᬩᬄᬕ᭄ᬮᬶᬲ᭄᭞ᬬᬫᬗᬢᬸᬯᬂ᭞ᬨᬬᬄ
ᬗᬶᬂᬭᬹᬧᬩ᭄ᬘᬶᬓ᭄᭟ᬬᬦ᭄ᬓᬮᬦᬶᬂᬳᬶᬩᬫᬩ᭄ᬮᬜ᭄ᬚᬓᬗ᭄ᬲᬮ᭄᭞ᬗᬸᬤᬲᬶᬓᬢ᭄ᬧᬸᬓᬶᬦ᭄᭞ᬓᬘ᭄ᬬᬮ᭄ᬫᬳᬢᬸᬭ᭞ᬢᬦ᭄ᬲᬄᬮᬶᬗ᭄ᬕ᭄ᬬᬾᬧᬩᬶᬦᬦ᭄᭞ᬮᬤᬶᬦ᭄ᬭᬶᬂ
[᭘ 8A]
᭘
ᬓᭀᬃᬱᬶᬫᬮᬶᬗ᭄ᬕᬄ᭞ᬢᬍᬃᬳᬶᬩᬦ᭄ᬤᬃᬫᬗ᭄ᬓᬸᬳᬶᬤ᭄ᬯᬕᬸᬂᬭᬳᬶ᭟ᬯᬸᬲ᭄ᬓᬧᬗ᭄ᬓᬸᬓᬳᭂᬫ᭄ᬩᬦ᭄ᬫᬳᬶᬦ᭄ᬤᭂᬗᬂ᭞ᬲᬵᬃᬯ᭄ᬯᬶᬫᬦᬩᬸᬄᬫᬸᬲᬶᬓ᭄᭞ᬩᬩᬄᬭᬭᬶᬲ᭄ᬫᭂᬜ᭄ᬘᬓ᭄᭞ᬭᬶᬂᬳᬗ᭄ᬲ
ᬮ᭄ᬭᬫ᭄ᬬᬧᬶᬲᬦ᭄᭞ᬤᬩᬕᬸᬲ᭄ᬯᬕᬦᬶᬂᬳᬢᬶ᭞ᬗᬺᬗᬵᬓᬂᬯᬺᬢᬵ᭞ᬕᬸᬂᬭᬳᬶᬫᬸᬗ᭄ᬕ᭄ᬯᬾᬗᬢᬶ᭟ᬢᬦ᭄ᬧᬲᬳᬸᬃᬯ᭄ᬗᬶᬲᬸᬭᬸᬧ᭄ᬤᬶᬯᬗ᭄ᬓᬭᬵ᭞ᬰᬦ᭄ᬤ᭄ᬭᬸᬗᬾᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬧᬬ
ᬲ᭄ᬩᬸᬗᬄᬗ᭄ᬭᬜᬩ᭄᭞ᬚᭂᬕᬾᬕ᭄ᬢᭂᬕ᭄ᬩᬚᬂᬩᬚᬂ᭞ᬮᬦ᭄ᬢᬶᬄᬲᬗᬾᬕᬾᬭᬾᬧᬶᬗᬶᬢ᭄᭞ᬓᬫ᭄ᬧᬸᬂᬮᬜ᭄ᬘᬶᬦᬵ᭞ᬫᬩᬳᬦ᭄ᬳᭀᬃᬢ᭄ᬣᬵᬚᬢᬶ᭟ᬲ᭄ᬥᭂᬓ᭄ᬫᬶᬚᬶᬮ᭄ᬳᬶᬤ᭄ᬯᬕᬸᬂᬭ
ᬢᬶᬗᬭᬕᬵ᭞ᬳᬶᬘᬶᬦᬵᬫᬢᬸᬃᬕ᭄ᬮᬶᬲ᭄᭞ᬩᬮᬶᬬᬳᬢᬸᬭᬵ᭞ᬤ᭄ᬯᬕᬸᬂᬭᬫᭂᬲ᭄ᬓ᭄ᬮᬘᬦ᭄᭞ᬭᬶᬂᬳᬸᬓᬶᬃᬓᬯᬶᬗ᭄ᬮᬸᬗᬦᬶᬦ᭄᭞ᬦᬯ᭄ᬕᬂᬧᬶᬲᬦ᭄᭞ᬲᬋᬂᬲᬫᬶᬫ
Kaca:Bali-lontar-gaguritan-ukir-kawi-450ppi.pdf/8
Kaca puniki sampun kauji-wacén
