Kaca:Bali-lontar-gaguritan-ukir-kawi-450ppi.pdf/66

[᭖᭕ 65B]
᭖᭕
ᬢ᭄ᬫᬸᬮᬶᬄ᭟ᬲᬓᬾᬯᬮᬲᬸᬩᬦ᭄ᬤᬃᬫᬲᬳᬸᬢ᭄ᬳᬶᬬᬅ᭄᭞ᬓᬚᬗ᭄ᬓᭀᬂᬤ᭄ᬯᬕᬸᬂᬭᬳᬶ᭞ᬲᬓ᭄ᬱᬦᬵᬤᬶᬩᬗ᭄ᬱᬮ᭄᭞ᬲᭂᬦ᭄ᬤᬸᬚ᭄ᬗᬶᬲᬸᬩᬦ᭄ᬤᬃᬫᬳᬶᬲᬶᬲᬂᬲᬬᬾᬂᬳᬢᬶ᭞ᬋ
ᬲᬺᬱ᭄ᬫᬓ᭄ᬚᬂ᭞ᬤ᭄ᬯᬕᬸᬂᬲᭂᬓ᭄ᬱᭂᬓ᭄ᬫᬗᬮ᭄ᬱᬶ᭟ᬧᬲ᭄ᬫᬶᬗᬦ᭄ᬫᬦᬶᬜ᭄ᬚᬮᬦᬂᬧᬳᬶᬘᬵ᭞ᬳᬶᬩᬸᬗ᭄ᬱᬶᬂᬫᬫᬋᬗᬶᬦ᭄᭞ᬤ᭄ᬯᬕᬸᬂᬫᬗᬦ᭄ᬤᬶᬓᬵ᭞ᬩᬦ᭄ᬤᬃᬤᬗᭂᬤᬶᬦᬶᬦ᭄ᬲᬬ᭞ᬳᬶᬲᬸᬩ
ᬦ᭄ᬤᬃᬫᬜᬳᬸᬢᬶᬦ᭄᭞ᬩᬱᬵᬩᬮᬶᬜ᭞ᬫᬶᬤ᭄ᬯᬕᬸᬂᬓᭂᬫ᭄ᬩᬗᬶᬂᬳᬢᬶ᭟ᬤ᭄ᬯᬕᬸᬂᬭᬳᬶᬫᬓᬵᬫᬺᬢᬳᬦᬶᬂᬲᬭᬵᬢ᭄᭞ᬫᬓᬯᬶᬱ᭄ᬬᬦᬶᬂᬳᬢᬶ᭞ᬫᬢ᭄ᬬᬂᬲᬸᬩᬲᬬ᭞ᬲᬶᬂ
ᬫᬫ᭄ᬧᬸᬄᬦᬦ᭄ᬤᬂᬤᬸᬄᬓᬶᬢ᭄ᬣᬵ᭞ᬬᬦ᭄ᬕᬸᬮᬸᬓ᭄ᬤᬾᬯᬕᬸᬂᬭᬳᬶ᭞ᬓᬾᬦᬶᬂᬧᬗ᭄ᬕᬵᬯᬵ᭞ᬲᬬᬫᬧᬫᬶᬢ᭄ᬚᬦᬶ᭟ᬲᬓᬾᬯᬮᬵᬕᬸᬂᬭᬳᬶᬳᬧᬂᬫᬜᬶᬗᬓ᭄᭞ᬬᬦ᭄ᬲᬸ
[᭖᭖ 66A]
ᬲᬫ᭄ᬧᬶᬳᬾᬓᬗᬶᬦ᭄᭞ᬳᬤᬰᬵᬋᬫ᭄ᬩᬢ᭄᭞ᬲᬦᬾᬲᬶᬓᬳᬸᬄᬫᬮᬶᬄ᭟ᬳᬩᬄᬳᬫ᭄ᬩᬵᬗᬢᬸᬭᬶᬦ᭄ᬭᬢᬸᬧᬸᬗ᭄ᬕᬯ᭄ᬯᬵ᭞ᬯᬲ᭄ᬢ᭄ᬭᬲᬧ᭄ᬭᬗ᭄ᬕᬾᬦ᭄ᬫᬮᬶᬄ᭞ᬫᬤᬸᬮᬸᬃᬕ᭄ᬩᭀ
ᬕᬦ᭄᭞ᬳᬶᬦᬸᬫ᭄ᬳᬶᬦᬸᬫᬦᬶᬲᬦ᭄᭞ᬕᭂᬦ᭄ᬤᬶᬲ᭄ᬕᬶᬦᬾᬯᬾᬃᬩᬭᬦ᭄ᬤᬶ᭞ᬬᬦ᭄ᬳᬧᬳᬤ᭞ᬧᬓᬬᬸᬦᬦ᭄ᬓᬃᬱᬵᬦᬶᬦ᭄᭟ᬲᬧᬸᬦᬶᬓᬵᬧᬯ᭄ᬓᬲᬾᬳᬩᬄᬳᬫ᭄ᬩᬵ᭞ᬤᬩ
ᬕᬸᬲ᭄ᬫᬥᬾᬓ᭄ᬜᬶᬂ᭞ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬓᬾᬢᭀᬩᬩᬄᬳᭀᬃᬢ᭄ᬣᬵᬬᬂ᭞ᬲᬹᬓ᭄ᬱ᭄ᬫᬩᬦ᭄ᬲᬬᬫᬦᬫ᭄ᬧᬶᬫ᭄ᬧᬯᬾᬄᬧᬳᬶᬘᬵ᭞ᬕᬸᬗ᭄ᬳᬸᬢᬂᬲᬬᬢᬦ᭄ᬲᬶᬧᬶ᭟ᬩ
ᬩᬄᬩᬸᬗ᭄ᬱᬶᬯᬮ᭄ᬬᬳᬍᬧ᭄ᬫᭂᬧᭂᬲᬗ᭄ᬕᬵ᭞ᬳᬫ᭄ᬩᬫᬶᬦ᭄ᬢᬅᬧᬺᬫᬾᬲᬶ᭞ᬤᬩᬕᬸᬲ᭄ᬫᬦᬶᬫ᭄ᬩᬮ᭄᭞ᬲᬃᬯ᭄ᬯᬗᬳᬸᬤ᭄ᬓᬮ᭄ᬧᬶᬓᬵ᭞ᬦᬾᬩᬩᬄᬲᬬᬳᬓᬶᬭᬶᬫ᭄᭞ᬢ᭄ᬓᬾᬦᬶᬂ