[᭖᭔ 64B]
᭖᭔
ᬓᭀᬦᬶᬦ᭄᭟ᬓᬤᬃᬢ᭄ᬣᬬᬂᬢ᭄ᬯᬭᬵᬓ᭄ᬘ᭄ᬭᬵᬓ᭄ᬩᬜᬜᬫ᭄ᬩᬢ᭄᭞ᬓ᭄ᬜᭂᬫ᭄ᬲᬸᬩᬦ᭄ᬤᬃᬫᬫᬸᬜᬶ᭞ᬚᬦᬶᬳᬧᬂᬓᬃᬯᬦ᭄᭞ᬢ᭄ᬓᭂᬓ᭄ᬕᭀᬮᭀᬳᬗ᭄ᬓᬶᬳᬦ᭄᭞ᬫᬗᭂ
ᬢᭀᬢᬶᬦ᭄ᬤ᭄ᬯᬕᬸᬂᬭᬳᬶ᭞ᬮᬳᬸᬢ᭄ᬫᬚᬮᬦ᭄᭞ᬓᬢ᭄ᬮᬸᬢ᭄ᬩᬳᬦ᭄ᬳᬶᬩᬸᬗ᭄ᬱᬶᬂ᭟ᬩᬩᬄᬓ᭄ᬯᬶᬧᬸᬓ᭄ᬳᬶᬚᭀᬓ᭄ᬱᬶᬂᬬᬫᬩᬋᬗᬦ᭄᭞ᬩᬩᬄᬲ᭄ᬯᬮ᭄ᬱᬄᬫᬫᬸᬜᬶ
᭞ᬤᬶᬬᭂᬫ᭄ᬤᬶᬬᭂᬫ᭄ᬳᬩᬄ᭞ᬩᬗᬦ᭄ᬕᬾᬕᬾᬃᬳᬫ᭄ᬩᬧᬸᬮ᭞ᬫᬲᭀᬅ᭄ᬫᬘᬃᬭᬶᬕᬸᬂᬭᬳᬶ᭞ᬫᬦ᭄ᬤᭂᬲᬸᬩᬦ᭄ᬤᬃ᭞ᬩᬩᬄᬲ᭄ᬯᬮ᭄ᬱᬄᬫᬗ᭄ᬭᬜ᭄ᬚᬶᬂ᭟ᬢᬦ᭄ᬧᬯ᭄ᬓᬲ᭄ᬚ
ᬕ᭄ᬲᬕᬾᬢ᭄ᬲᬸᬩᬚᬸᬫᬳᬦ᭄᭞ᬲᬦᬾᬤᬶᬳᬫ᭄ᬩᬾᬦᬾᬲᬫᬶ᭞ᬕ᭄ᬮᬸᬩᬗᬸᬦ᭄ᬲ᭄ᬭᬩ᭄᭞ᬳᬶᬲ᭄ᬯᬮ᭄ᬲᬄᬓ᭄ᬜᭂᬫᬢᬸᬭᬵ᭞ᬢ᭄ᬯᬦ᭄ᬳᬫ᭄ᬩᬫᭂᬦ᭄ᬤᬓᬫᬭᬶ᭞ᬤ
[᭖᭕ 65A]
᭖᭕
ᬩᬕᬸᬲ᭄ᬦᬶᬫ᭄ᬩᬮ᭄᭞ᬲ᭄ᬯᬮ᭄ᬱᬄᬳᬾᬗ᭄ᬕᬮ᭄ᬦᬶᬫ᭄ᬩᬮ᭄ᬧᬗᬦ᭄ᬤᬶᬓᬵ᭞ᬭᬵᬢᬸᬧᬸᬗ᭄ᬕᬯᬳᬸᬓᬶᬃ᭞ᬫᬭᬶᬫᬫ᭄ᬧᬶᬃᬓ᭄ᬭᬸᬫᬓ᭄᭞ᬮᬜ᭄ᬘᬸᬂᬮᬜ᭄ᬘᬸᬂᬤ
ᬍᬫ᭄ᬩᬗ᭄ᬱᬮ᭄᭞ᬬᬅ᭄ᬲᬳᬸᬃᬤᬩᬕᬸᬲ᭄ᬳᬭᬶᬲ᭄᭞ᬤ᭄ᬯᬕᬸᬂᬳᬗᬸᬘᬧ᭄᭞ᬳᭀᬬᬳᬓ᭄ᬱᬶᬫᬢᬗᬶ᭟ᬢᬦ᭄ᬧᬧ᭄ᬓᭂᬓᬭᭀᬜ᭄ᬘᬶᬗᬦ᭄ᬫᬫᬃᬕ᭄ᬕᬵ᭞ᬩᬩᬄᬲ᭄ᬯᬮ᭄ᬱᬄᬗᬶᬭᬶᬂ
᭞ᬤᬩᬕᬸᬲ᭄ᬗᬮᬸᬫᬄ᭞ᬳᬓᬾᬄᬋᬯᬦᬶᬂᬋᬤ᭄ᬥᬵ᭞ᬫᬓᬫᬮ᭄ᬳ᭄ᬢᬦᬳᬭᬶᬧ᭄᭞ᬤ᭄ᬯᬕᬸᬂᬭᬯᬸᬳᬵ᭞ᬤᬶᬩᬜ᭄ᬘᬶᬗᬄᬭᬶᬂᬕ᭄ᬮᬶᬲ᭄᭟ᬫᬗᬦ᭄ᬤᬶᬓᬵᬚᬭᬦᬾᬫᬢᬶᬄᬧ
ᬢᭂᬓᬂ᭞ᬳᬶᬲᬸᬩᬦ᭄ᬤᬃᬜᬕ᭄ᬚᬕᬶᬦ᭄᭞ᬤ᭄ᬯᬕᬸᬂᬭᬳᬶᬜᬶᬗᬓ᭄᭞ᬕ᭄ᬮᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬬᬾᬩᬦ᭄ᬤᬃᬢ᭄ᬓᬫᬧᬕᬶᬦ᭄᭞ᬦᬄᬚᬗ᭄ᬓᭀᬂᬲᬬᬵ᭞ᬫᬳᬶᬚᬮᬄᬮᬸ
Kaca:Bali-lontar-gaguritan-ukir-kawi-450ppi.pdf/65
Kaca puniki sampun kauji-wacén
