[᭔᭕ 45B]
᭔᭕
ᬕᬸᬲ᭄ᬫᬥᬾ᭞ᬧᬲᬳᬸᬭᬾᬗ᭄ᬕᬶᬄᬭᬭᬶᬲᬂ᭟ᬧᬤᬡ᭄ᬥᬲᬫᬶᬳᬫᬸᬲ᭄ᬢ᭄ᬬ᭞ᬗᬫᬶᬚᬶᬮᬂᬳᬲ᭄ᬢ᭄ᬭᬾᬦᬺᬦ᭄ᬤᬶ᭞ᬤᬰᬩᬬᬸᬓᬋᬕᬶᬧᬂ᭞ᬭ᭄ᬯᬪᬶᬦᬾᬤᬦᬾᬳᬦ᭄ᬫᬭᬶ᭞ᬤᬩᬕᬸᬲ᭄
ᬕ᭄ᬥᬾᬦ᭄ᬳᬾᬮᬶᬂ᭞ᬫᬧᭂᬘᭂᬮ᭄ᬫᬳᭂᬦ᭄ᬓᬄᬲᬵᬫ᭄ᬧᬸᬦ᭄᭞ᬲᭂᬫ᭄ᬩᬃᬫᬓᬵᬤᬶᬳᭀᬤᬓ᭄᭞ᬢᬍᬃᬲᬸᬭᬸᬂᬳᬶᬤᬳᬾᬮᬶᬂ᭞ᬤᬤᬶᬕ᭄ᬚᭀᬃᬤᬶᬉᬓᬶᬃᬓᬯᬶᬧ᭄ᬭᬢᬯᬵ᭟ᬧᬢᬶᬦᬶᬂᬓᬺ
ᬧ᭄ᬲ᭄ᬬᬭᬦ᭄᭞ᬢᬾᬚᬗᬤᭂᬕ᭄ᬳᬾᬚᬕᬸᬮᬶᬂ᭞ᬓᬸᬳᬸᬂᬓᬸᬳᬸᬂᬳᬸᬚᬦ᭄ᬭᬚᬵ᭞ᬧᬺᬘᬶᬳ᭄ᬦᬦ᭄ᬲᬂᬭᬢᬸᬮ᭄ᬯᬶᬄ᭞ᬲᬸᬗ᭄ᬲᬸᬢ᭄ᬓᬬᬸᬦ᭄ᬢᬦ᭄ᬳᬾᬮᬶᬂ᭞ᬓᬩᬳᭀᬲᬂᬭᬶᬂᬲᬂᬯᬶᬓᬹ᭞
ᬭᬶᬂᬕᬃᬕ᭄ᬕᬦᬾᬓᬳᬸᬘᬧ᭄᭞ᬧᬮ᭄ᬬᬧᬤᬡ᭄ᬥᬵᬗᬲ᭄ᬢ᭄ᬭᬾᬦᬶᬦ᭄᭞ᬳᬤᬲᬢᬸᬲ᭄ᬗᬺᬕᭂᬧᬶᬂᬲ᭄ᬫᬭᬵᬯᬶᬚᬬᬵ᭟ᬯᬯᬸᬩᬕᬸᬲ᭄ᬗᬮᬶᬬᬩ᭄᭞ᬗᬦ᭄ᬤᬶᬓᬗᬸᬤ᭄ᬬᬂᬢᬸ
[᭔᭖ 46A]
᭔᭖
ᬮᬸᬗᬶᬦ᭄᭞ᬫ᭄ᬮᬄᬲᬸᬳᬸᬤ᭄ᬫᬓ᭄ᬦᭂᬳᬦ᭄᭞ᬫᬗ᭄ᬭᬶᬬᬸᬓ᭄ᬫᬜᬸᬫ᭄ᬩᬄᬲᬫᬶ᭞ᬭᬢᬸᬢᬶᬢ᭄ᬬᬂᬘᬶᬗᬓᬶᬦ᭄᭞ᬢᬦ᭄ᬧᬧ᭄ᬯᬭᬢᬶᬢ᭄ᬬᬂ᭞ᬩᬕᬸᬲ᭄ᬫᬥᬾᬫᬦᬶᬫ᭄ᬩᬮ᭄᭞ᬗ᭄ᬕᬶᬄᬫᬾᬫᬾᬦ᭄ᬢᬶᬢ᭄ᬬᬂ
ᬧᬶᬢᬸᬢᬸᬭᬶᬦ᭄᭞ᬳᭂᬫ᭄ᬩᭀᬓ᭄ᬯᬬᬦ᭄ᬳᬶᬩᬧᬢᬍᬃᬲᬋᬗᬂ᭟ᬤᬩᬕᬸᬲ᭄ᬓᭂᬫ᭄ᬩᬦ᭄ᬫᬦ᭄ᬢᬸᬓᬦ᭄᭞ᬤᬶᬧᬫᬺᬫᬦ᭄ᬓᬧᬲᬶᬳᬶᬦ᭄᭞ᬫᬗ᭄ᬤᬾᬧᬬᬸᬓᬦᬵᬕᬭ᭞ᬤᬩᬕᬸᬲ᭄ᬫᬥᬾᬫᬗ᭄ᬭᬶᬗ᭄ᬭᬶᬂ
ᬫᬸᬮᬯᬶᬢᬦ᭄ᬓᬭᬶᬲ᭄ᬫᬶᬦ᭄᭞ᬤᬤᬶᬧᬯᬲᬮᬾᬂᬧ᭄ᬓᬸᬮ᭄᭞ᬧᬤᬫᬘᬦ᭄ᬤᬘᬦ᭄ᬤᬬᬦ᭄᭞ᬩᬕᬸᬲ᭄ᬕᭂᬥᬾᬗᬦ᭄ᬤᬶᬓᬵᬭᬶᬲ᭄᭞ᬳ᭄ᬤᬗᬚᬓ᭄ᬳᬶᬩᬧᬢ᭄ᬬᬂᬳᬶᬩᬸᬓ᭄ᬧᬶᬲᬦ᭄᭟ᬳᬶᬩᬸᬓᬂᬬᬂ
ᬤᬶᬧᬲᬾᬩᬦ᭄᭞ᬲ᭄ᬬᭂᬕ᭄ᬩᬓᬮ᭄᭞ᬦ᭄ᬕᬓ᭄ᬤᬶᬤᭀᬭᬶ᭞ᬬᬾᬦ᭄ᬲ᭄ᬬᭂᬕ᭄ᬦᭂᬕᬓ᭄ᬤᬶᬳᬋᬧᬦ᭄᭞ᬓᬳᬸᬘᬧ᭄ᬲ᭄ᬬᭂᬕ᭄ᬲᬶᬕᬸᬕᬢᬶ᭞ᬳᬶᬩᬧᬚᬂᬤᬶᬤᬸᬭᬶ᭞ᬳᬭᬄᬤ᭄ᬧᬂᬚᬸᬫᬄᬗᭂᬫᬸ
Kaca:Bali-lontar-gaguritan-ukir-kawi-450ppi.pdf/46
Kaca puniki sampun kauji-wacén
