[᭔᭔ 44B]
᭔᭔
ᬲ᭄ᬤᬶᬳᬾᬢᬦ᭄ᬤᬗᬶᬦ᭄᭞ᬳ᭄ᬜᬾᬦ᭄ᬳᬦᬓᬾᬲᬤᬸᬯᬶᬦ᭄᭞ᬤᬸᬓᬢᬦ᭄ᬓᭂᬦᭂᬳᬾᬩᬸᬤᬸᬄ᭞ᬤᬤᬶᬧᬢ᭄ᬭᬾᬩᬾᬲ᭄ᬯᬲ᭄ᬧ᭞ᬳᬶᬤᬩᬕᬸᬲ᭄ᬫᬥᬾᬕ᭄ᬮᬶᬲ᭄᭞ᬫᬗ᭄ᬓᬸᬗᬭᬲ᭄᭞ᬲᬳᬗᬸ
ᬲᬧᬶᬦ᭄ᬳ᭄ᬬᬾᬄᬗᬓ᭄᭟ᬗᬦ᭄ᬤᬶᬓᬵᬓᬾᬦ᭄ᬓᬾᬜ᭄ᬚᬳᬶᬤ᭞ᬮ᭄ᬯᬲ᭄ᬚᬮᬄᬚᬸᬫᬄᬳᭂᬗ᭄ᬕᬶᬄ᭞ᬬᬲᬶᬂᬳᬤᬓᬩᬶᬦᬜ᭞ᬮᬫᬸᬦ᭄ᬫᬩᬸᬤ᭄ᬥᬶᬦᭂᬧᬸᬓᬶᬦ᭄᭞ᬢᬸᬦ᭄ᬤᬾᬦ᭄ᬲᬸᬩᬫ
ᬗᬮᬶᬄ᭞ᬓᭀᬯᬂᬲᬗ᭄ᬓᬾᬦ᭄ᬳ᭄ᬬᬂᬤᬶᬢᬸ᭞ᬢ᭄ᬓᬢ᭄ᬬᬂᬫᬋᬓᬶᬤ᭞ᬗᬸᬤᬘᬭᬵᬭᬭᬾᬕᬢᬶ᭞ᬤᬳᬩᬕ᭄ᬩᬕ᭄ᬢ᭄ᬬᬂᬧ᭄ᬭᬕᬢ᭄ᬩᬳᬦ᭄ᬳᬶᬤ᭟ᬩᬕᬸᬲ᭄ᬕ᭄ᬥᬾᬢᬦ᭄ᬲ
ᬳᬸᬭᬵ᭞ᬲᭂᬓ᭄ᬱᭂᬓ᭄ᬭᬲᬢᬦ᭄ᬧᬕᬮᬶᬄ᭞ᬫᬓᬸᬳᬸᬲ᭄ᬜᬸᬗ᭄ᬓᭂᬮ᭄ᬓᬦ᭄ᬢᬓᬵ᭞ᬩᬕᬸᬲ᭄ᬫᬥᬾᬜᬳᬸᬧ᭄ᬕᭂᬮᬶᬲ᭄᭞ᬗᬦ᭄ᬤᬶᬓᬵᬲᬫ᭄ᬩᬶᬮ᭄ᬦᬗᬶᬲ᭄᭞ᬗᬸᬤᬓᬾᬦᬾ
[᭔᭕ 45A]
᭔᭕
ᬳᬶᬤᬩ᭄ᬕᬸᬲ᭄᭞ᬕ᭄ᬮᬸᬧᬋᬓᬦ᭄ᬲ᭄ᬭᬩ᭄᭞ᬲᬫ᭄ᬩᬶᬮᬶᬬᬩ᭄ᬫᬜ᭄ᬭᬶᬢ᭄᭞ᬦᬕᬶᬄᬳᬸᬮᬸᬂ᭞ᬦᬕᬶᬄᬧ᭄ᬭᬕᬢᬂᬫᬮ᭄ᬯᬦ᭄᭟ᬳᬚᬫ᭄ᬚᬚᭂᬮ᭄ᬢᬦ᭄ᬧᬲ᭄ᬮᬵ᭞ᬲᬓᬜ᭄ᬘᬦ᭄ᬩᬮ᭄ᬬᬦ
ᬫ᭄ᬧᭂᬓᬶᬦ᭄᭞ᬕ᭄ᬮᬸᬜᬶᬗᬓ᭄ᬫᬢᬸᬃᬳᬮᭀᬦ᭄᭞ᬢᬶᬢ᭄ᬬᬂᬫᬫᬶᬢᬂᬗ᭄ᬫ᭄ᬩᬶᬮᬶᬦ᭄᭞ᬭᬢᬸᬳᬶᬤᬳᬶᬳᬭᬶ᭞ᬳᬶᬤᬩᬕᬸᬲ᭄ᬫᬥᬾᬫᬸᬯᬸᬲ᭄᭞ᬲᬫ᭄ᬩᬶᬮ᭄ᬗᬸᬲ᭄ᬧ᭄ᬬᬾᬄᬘᬶᬗᬓ᭄
᭞ᬗᬦ᭄ᬤᬶᬓᬵᬫᭂᬫ᭄ᬩᬄᬢᭀᬬᬵᬓ᭄ᬱᬶ᭞ᬗ᭄ᬕᬬᬂᬧᬸᬧᬸᬢ᭄᭞ᬳᬤᬶᬅᬭᬶᬢᬗ᭄ᬓᬄᬢᬶᬢ᭄ᬬᬂ᭟ᬳᬶᬤ᭄ᬯᬬᬦ᭄ᬗ᭄ᬮᬶᬂᬲᬶᬕ᭄ᬲᬶᬕᬦ᭄᭞ᬤᬬᬸᬩ᭄ᬬᬂᬚ᭄ᬭᬢ᭄ᬚᭂᬭᬶᬢ᭄᭞ᬤᬬᬸᬜ᭄ᬢᬶᬦᬶᬕ᭄ᬢᬶ
ᬕ᭄ᬳᬯᬓ᭄᭞ᬳ᭄ᬢᭀᬧᬤᬫᬢᬸᬮᬸᬗᬶᬦ᭄᭞ᬤᬩᬕᬸᬲ᭄ᬤᬸᬭᬸᬂᬳᬾᬮᬶᬂ᭞ᬲᬯᬢᭂᬓ᭄ᬩᬮ᭄ᬬᬦᬾᬫᬢᬸᬃ᭞ᬢᬶᬢ᭄ᬬᬂᬭᬢᬸᬧᬺᬱᬗ᭄ᬕᬵ᭞ᬦᬸᬦᬲ᭄ᬮᬸᬕᬺᬫᬗᬲ᭄ᬢ᭄ᬭᬾᬦᬶᬦ᭄᭞ᬩ
Kaca:Bali-lontar-gaguritan-ukir-kawi-450ppi.pdf/45
Kaca puniki sampun kauji-wacén
