[᭒᭕ 25B]
᭒᭕
ᬤᬶᬯᬗᬦ᭄ᬩᬗ᭄ᬲᬮᬲᬫᬶ᭞ᬳᬶᬤ᭄ᬯᬕᬸᬂᬭᬳᬶᬓᬘᬸᬦ᭄ᬤᬸᬓ᭄᭞ᬩᬦ᭄ᬤᬃᬜᭀᬜᬄᬗᬶᬭᬶᬗᬵ᭞ᬯᬯᬸᬭᬯᬸᬄ᭞ᬲᬓᬶᬂᬳᬗ᭄ᬮᬂᬗ᭄ᬮᬂᬓᬸᬮᬗᬸᬦ᭄᭞ᬓ᭄ᬜᭂᬫ᭄ᬕᬸᬂᬭᬳᬶᬗᬦ᭄ᬤᬶᬓᬵ᭞ᬬᬾᬓᬲ᭄ᬬᬮ᭄
ᬢ᭄ᬧᬸᬓ᭄ᬤᬶᬦᬶ᭟ᬳᬶᬓᬘ᭄ᬬᬮ᭄ᬜᬸᬫ᭄ᬩᬄᬫᬢᬸᬭᬵ᭞ᬧᬋᬓ᭄ᬢᬶᬢ᭄ᬬᬂᬫᬢᬢᬸᬫ᭄ᬩᬲᬦ᭄ᬫ᭄ᬭᬶᬓᬶ᭞ᬦᬄᬓ᭄ᬫᬲᬸᬩᬩ᭄ᬮᬳᬸᬢ᭄᭞ᬜᬦᬦ᭄ᬲᬶᬗ᭄ᬕᬳᬶᬦ᭄ᬢ᭄ᬬᬂ᭞ᬜᬸᬫ᭄ᬩᬄᬩᬩᬸᬦ᭄ᬳᬶᬓᬘ᭄ᬬᬓ᭄ᬓᬳᬸᬢ᭄ᬜᬸᬚᬸᬃ᭞ᬮ᭄ᬬ
ᬧᬗᬮᬸᬫᬩ᭄ᬮᬜ᭄ᬚ᭞ᬳᬶᬓᬘ᭄ᬬᬮ᭄ᬢ᭄ᬓᬵ᭟ᬘᬶᬓ᭄ᬱᬬᬵᬫᬩ᭄ᬮᬜ᭄ᬚ᭞᭞ᬢᬸᬓᬂᬤᬕᬂᬫᬲᬳᬸᬢ᭄ᬦᬾᬧᬶᬮᬶᬳᬶᬦ᭄᭞ᬳᬶᬓᬘ᭄ᬬᬮ᭄ᬓᬮ᭄ᬬᬫᬘ᭄ᬮᬸᬧ᭄᭞ᬤᬶᬕ᭄ᬥᭀᬂᬕ᭄ᬥᬾᬓ᭄ᬭᬸᬭᬵ
᭞ᬬᬳᬶᬲᬫᬃ᭞ᬳᬶᬦᬸᬫ᭄ᬳᬶᬦᬸᬫᬦ᭄ᬓᬚᬸᬚᬸᬃ᭞ᬲᬮ᭄ᬯᬶᬭᬶᬂᬩᬭᬂ᭞ᬓᭀᬜᬗᬵᬗ᭄ᬫᬓ᭄ᬚᬂᬕᬢᬶ᭟ᬳᬶᬓᬘ᭄ᬬᬮ᭄ᬩ᭄ᬘᬢ᭄ᬫᬲ᭄ᬯᬂ᭞ᬳᭀᬜᬧᬶᬲᬦ᭄ᬲᬤᬕᬗᬦ᭄ᬜᬲᬫᬶ᭞ᬫᬾᬕᬾ
[᭒᭖ 26A]
᭒᭖
ᬕᬾᬮᬾᬂᬫᬶᬯᬄᬫᬕᬸᬮᬸᬂ᭞ᬢ᭄ᬓᬦᬶᬂᬩᬮᬩᭂᬜ᭄ᬘᬄ᭞ᬫ᭄ᬓᬕᬫ᭄ᬩᬃᬲᬳᬶᬦᬸᬫ᭄ᬳᬶᬂᬫᬦ᭄ᬤᬳᬸᬤ᭄᭞ᬢᬸᬫ᭄ᬩᬾᬦ᭄ᬳᭀᬜᬢᬶᬂᬧᬮᬮ᭄ᬬᬦ᭄᭞ᬢᬸᬓᬂᬤᬕᬂᬍᬕᬕᬢᬶ᭟ᬲᬸᬩᬘᬸᬓᬸᬧ᭄ᬱᬗᬃᬕ᭄ᬕᬜ᭞ᬓ
ᬧᬳᬶᬕᬸᬂᬚᬶᬲ᭄ᬬᬸᬫᬮ᭄ᬬᬦ᭄ᬲᬫᬶ᭞ᬳᬶᬓᬘ᭄ᬬᬮ᭄ᬫᬋᬓ᭄ᬳᬶᬤ᭄ᬯᬕᬸᬂ᭞ᬦᬸᬚᬸᬤᬶᬕ᭄ᬥᬶᬂᬓᬫᬃᬳᬮᬶᬗ᭄ᬕᬶᬳᬵ᭞ᬤᬶᬓᭀᬲᬶᬧᬋᬓᬦ᭄ᬮᬶᬬᬸ᭞ᬜᬸᬭᬵᬢ᭄ᬰᬲ᭄ᬢ᭄ᬭᬵᬘᬭᬘᬶᬦᬵ᭞ᬓᬢᬧᬾᬩᬦ᭄ᬳᭂ
ᬫᬲ᭄ᬳᬤᬶ᭟ᬳᬶᬓᬘ᭄ᬬᬮ᭄ᬲᬸᬩᬫᬦ᭄ᬕᬓ᭄᭞ᬤ᭄ᬯᬕᬸᬂᬭᬳᬶᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬫᬳᬶᬓᬘ᭄ᬬᬮ᭄ᬗᭀᬧᬶᬫᬮᬸ᭞ᬲᬕᬾᬢ᭄ᬓᬧᬗᭀᬧ᭄ᬬᬦ᭄᭞ᬫᬫᬦᬶᬲᬜ᭄ᬚᬚᬦᬾᬫᬢᬸᬭᬸᬢ᭄ᬢ᭄ᬢᬸᬭᬸᬢ᭄
᭞ᬫᬮᬶᬄᬤ᭄ᬯᬕᬸᬂ᭞ᬳᬗᬦ᭄ᬤᬶᬓᬵ᭞ᬦᬾᬫᬋᬗᬶᬦ᭄ᬧᬩᬗᬶᬦ᭄᭟ᬯᬢᬺᬲᬫᬶᬲᬵᬫ᭄ᬧᬸᬦ᭄ᬗᭀᬧ᭄ᬬ᭞ᬤ᭄ᬯᬕᬸᬂᬭᬳᬶᬓ᭄ᬜᭂᬫ᭄ᬗᬦ᭄ᬤᬶᬓᬵᬫᬮᬶᬄ᭞ᬕᭀᬘᬓᬦᬾᬭᬫᭂᬲ᭄ᬦᬸ᭞ᬜᬸᬫ᭄ᬩᬄᬫ
Kaca:Bali-lontar-gaguritan-ukir-kawi-450ppi.pdf/26
Kaca puniki sampun kauji-wacén
