[᭒᭔ 24B]
᭒᭔
ᬕᬸᬂᬜᭂᬦᭂᬂᬢᬦ᭄ᬲᬳᬸᬭᬵ᭞ᬫᬢᬗᬶᬓᭀᬤᬮ᭄ᬓᬢᬗ᭄ᬓᬶᬮ᭄᭞ᬲᬫ᭄ᬧᬸᬦ᭄ᬲ᭄ᬯᬾᬘᬬᬦ᭄ᬮᬶᬮᬵ᭞ᬫᬗ᭄ᬕᭂᬄᬤ᭄ᬯᬕᬸᬂᬜᭂᬦᭂᬂᬫ᭄ᬯᬮᬶ᭞ᬲᬬᬂᬳᬶᬤᬲᬂᬓᬮᬶᬄ᭞ᬳᭀᬃᬢ᭄ᬣᬦᬾᬓᬮᬸᬫ᭄ᬩ᭄ᬭᬄᬲᬵᬫ᭄ᬧᬸ
ᬦ᭄᭞ᬲᬶᬲᬶᬧ᭄ᬭᬚᬳᬶᬗ᭄ᬕᭂᬮᬦ᭄᭞ᬲᬓᬜ᭄ᬘᬓᬳᭀᬃᬢ᭄ᬣᬵᬲᬫᬶ᭞ᬤᬤᬶᬮᬸᬩᬸᬓ᭄ᬤ᭄ᬯᬕᬸᬂᬭᬳᬶᬳᬫᬶᬋᬗᬵ᭟ᬲᬓᬜ᭄ᬘᬦ᭄ᬧᬗᬮᬸᬫᭀᬃᬢ᭄ᬣ᭞ᬫᬯᬸᬯᬸᬄᬓᬗᭂᬦ᭄ᬢᬦ᭄ᬲᬶᬧᬶ᭞
ᬮ᭄ᬯᬸᬧᬥᬫᬫᬗᭂᬦᬂ᭞ᬩᬦᬾᬓᬧᬶᬗᬶᬢᬂᬕᬢᬶ᭞ᬓᬧᬶᬋᬂᬕᬸᬂᬭᬳᬶ᭞ᬳᬾᬮᬶᬂᬭᬶᬂᬲᭀᬮᬄᬫ᭄ᬭᬄᬫ᭄ᬭᬸᬄ᭞ᬲᭂᬓ᭄ᬱᭂᬓ᭄ᬭᬲᬦᬶᬂᬲ᭄ᬯᬘᬶᬢ᭄ᬣᬵ᭞ᬳᬦ᭄ᬲᬄᬲᬶᬦᬸᬗ᭄ᬕᭂᬮᬧᬶᬂᬗᬓ᭄ᬱᬶ
᭞ᬳᬦᬓᬕᬸᬂᬧᬸᬢᬸᬲᬓᬶᬂᬳᬶᬗ᭄ᬕᭂᬮᬦ᭄᭟ᬧᬧᬲᬶᬄᬳᬶᬤᬳᬶᬳᬚᬧ᭄᭞ᬫᬸᬗ᭄ᬕ᭄ᬯᬾᬂᬋᬦ᭄ᬥᬵᬤ᭄ᬯᬕᬸᬂᬭᬳᬶ᭞ᬳᬶᬗᬸᬄᬓ᭄ᬦᭂᬄᬳᬶᬲᬸᬩᬦ᭄ᬤᬃᬗᭂᬦᭀᬢ᭄ᬤ᭄ᬯᬕᬸᬂᬲᭂᬦ᭄ᬥᬸᬲᬳᬶ᭞ᬮ᭄ᬫᬄᬧᬺᬂ
[᭒᭕ 25A]
᭒᭕
ᬓᬭᬶᬂᬭᬶᬂ᭞ᬳᬶᬤᬾᬯᬕᬸᬂᬢᬦ᭄ᬧᬲᬳᬸᬃ᭞ᬓᬮᬶᬳᬂᬩᬮ᭄ᬬᬦ᭄ᬲ᭄ᬮᬫ᭄᭞ᬲᬢ᭄ᬭᬶᬬᬵᬩ᭄ᬭᬳ᭄ᬫᬵᬡᬧᬺᬕᬸᬲ᭄ᬢᬶ᭞ᬗᬫᭂᬃᬗᬲ᭄ᬢ᭄ᬭᬾᬦ᭄ᬧᬓ᭄ᬭᬯᬃᬢ᭄ᬢᬶᬘᬢ᭄ᬭᬾᬂᬲᬭᬵᬢ᭄᭚᭐᭚ᬧᬗ᭄ᬓᬸᬃ
᭚ᬓᬲ᭄ᬮᬕ᭄ᬧᬗᬸᬧ᭄ᬬᬦ᭄ᬢᭂᬓᬵ᭞ᬯᬢ᭄ᬭᬓᬢᬸᬭᬦ᭄ᬲᬢᬗ᭄ᬓᬶᬮᬦᬾᬲᬫᬶ᭞ᬓᬮᬶᬄᬭᬶᬂᬳᬸᬢᬸᬲᬦ᭄ᬲᬵᬫ᭄ᬧᬸᬦ᭄᭞ᬲᬮ᭄ᬯᬶᬃᬳ᭄ᬬᬂᬫᬦᬶᬪᬯᬵ᭞ᬫᬗᬦ᭄ᬤᬶᬓᬵᬭᬭᬶᬲᬂᬳᭀᬯᬤᬡ᭄ᬥᬲᬵᬫ᭄ᬧᬸ
ᬦ᭄᭞ᬳᬶᬗ᭄ᬕᬶᬄᬳᬢᬸᬭᬾᬫᬫᬶᬢᬂ᭞ᬧᬺᬩ᭄ᬓᭂᬮ᭄ᬓᬮ᭄ᬬᬂᬲᬫᬶ᭟ᬳᬶᬤᬩᬕᬸᬲ᭄ᬜ᭄ᬦᭂᬂᬓᬾᬯᬮᬵ᭞ᬫᬶᬗ᭄ᬕᭂᬓ᭄ᬱᬹᬃᬬ᭄ᬬᬓᬯᬦ᭄ᬢᬶᬮᬦ᭄ᬫᬗ᭄ᬭᬭᬶᬲ᭄᭞ᬫᬢᬦ᭄ᬤᬶᬂᬯᭂᬦ᭄ᬤᭀᬦᬦ᭄ᬭᬯᬸᬄ᭞ᬓ
ᬤᬶᬤᭀᬤᭀᬮᬶᬂᬩ᭄ᬮᬜ᭄ᬘᬦ᭄᭞ᬮ᭄ᬯᬶᬃᬕᬸᬦᬸᬂᬤᬸᬕ᭄ᬤᬸᬕᬦ᭄ᬩ᭄ᬯᬢᬾᬮᬶᬬᬸ᭞ᬲᬭᬳᬶᬦᬵᬲᬧᬸᬦᬶᬓᬵ᭞ᬳᬶᬕᬥᬫᬦᬶᬫᬧᬫᬶᬢ᭄᭟ᬳᬶᬓᬘ᭄ᬬᬮ᭄ᬓᬮ᭄ᬬᬕᬲᬫᬃ᭞ᬲᬸᬩᬢ᭄ᬓᭂᬤ᭄
Kaca:Bali-lontar-gaguritan-ukir-kawi-450ppi.pdf/25
Kaca puniki sampun kauji-wacén
