[᭒᭐ 20B]
᭒᭐
ᬫ᭄ᬩᬦ᭄ᬲ᭄ᬫᬭᬵᬩᬯᬵ᭞ᬲᬕᬾᬢ᭄ᬓᬳᬶᬩ᭄ᬱᬃᬜᭀᬗ᭄ᬓᭀᬓ᭄ᬫᬳᬢᬸᬃ᭞ᬳᬶᬤᬳᬚᬶᬜ᭄ᬘᭀᬓᭀᬃᬳᬶᬤᬾᬯ᭞ᬗᬸᬢᬸᬲ᭄ᬢᬶᬢ᭄ᬬᬂᬫᬗᬢᬸᬭᬶᬦ᭄᭟ᬳᬶᬤ᭄ᬯᬕᬸᬂᬜ᭄ᬦᭂᬂᬗᬦ᭄ᬤᬶᬓᬵ᭞ᬦ
ᬧᬾᬳᬚᬶᬤᬶᬚᬩᬳᬸᬓᬢᬗ᭄ᬓᬶᬮ᭄᭞ᬳᬶᬩ᭄ᬱᬃᬫᬮᬶᬄᬫᬳᬢᬸᬃ᭞ᬭᬶᬂᬳᬶᬩᬸᬜ᭄ᬘᭀᬓᭀᬃᬳᬶᬤᬾᬯᬵ᭞ᬫᬩᬩᬳᭀᬲ᭄ᬩᬳᭀᬲᬂᬓᬵᬃᬬ᭄ᬬᬤᬾᬯᬕᬸᬂ᭞ᬚᬕᬕ᭄ᬮᬶᬲ᭄ᬧᬧᬦ᭄ᬤᭂᬲ
ᬦ᭄᭞ᬳᬶᬤᬾᬯᬕᬸᬂᬜ᭄ᬦᭂᬂᬓ᭄ᬜᭂᬂ᭟ᬳᬚᬧ᭄ᬚᬧ᭄ᬳ᭄ᬬᬂᬓ᭄ᬱᬾᬗᬦ᭄᭞ᬤᬶᬦᬶᬫᬮᬸᬳ᭄ᬤᬜᭂᬦ᭄ᬮ᭄ᬯᬲ᭄ᬫᬮᬮᬶ᭞ᬳ᭄ᬬᬂᬳ᭄ᬓ᭄ᬚᭂᬧ᭄ᬕᬢᬶᬤᬶᬢᬸ᭞ᬳᬶᬭᬚᬧᬺᬚᬫ᭄ᬦᬶᬫ᭄ᬩᬮ᭄᭞ᬲᬳᬸᬃᬳᬶᬗ᭄ᬕᬶᬄ᭞ᬳᬶᬤ᭄ᬯᬕᬸᬂ
ᬫᬗᬫ᭄ᬩᬶᬮ᭄ᬓ᭄ᬜᬸᬂ᭞ᬚᬧ᭄ᬚᬫ᭄ᬚᭂᬫᬓᬂᬳ᭄ᬬᬂᬭᭀᬓᭀ᭞ᬳ᭄ᬩᬲᬾᬩ᭄ᬓᬮ᭄ᬦᬗ᭄ᬓᬶᬮ᭄᭟ᬲᬂᬓᬮᬶᬄᬕ᭄ᬮᬶᬲ᭄ᬗᬢᬸᬭᬂ᭞ᬤ᭄ᬯᬕᬸᬂᬜ᭄ᬦᭂᬂᬗᬫ᭄ᬩᬸᬮᬶᬦ᭄ᬲᬃᬯ᭄ᬯᬶᬓ᭄ᬜᬶᬂ᭞ᬳᬲᬓ᭄ᬱᬡᬲᬵᬫ᭄ᬧᬸᬦ᭄ᬯᬯᬸᬄ᭞
[᭒᭑ 21A]
᭒᭑
ᬲᬂᬦᬵᬣᬓ᭄ᬜᭂᬫ᭄ᬜᬶᬗᬓ᭄᭞ᬫᬗᬦ᭄ᬤᬶᬓᬵᬫᬳᬶᬗ᭄ᬮᬳᬸᬢ᭄ᬤᬾᬯᬩᬕᬸᬲ᭄᭞ᬤ᭄ᬯᬕᬸᬂᬜ᭄ᬦᭂᬂᬲᬳᬸᬃᬲᭂᬫ᭄ᬩᬄ᭞ᬭᬶᬂᬧᬸᬗ᭄ᬓᬸᬃᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓᬵ᭞ᬓ᭄ᬦᭂᬄᬩᬧᬳᬾ
ᬗ᭄ᬕᬮ᭄ᬧᬘᬂᬦᬢᬳᬶᬦ᭄᭞ᬓᬾᬦ᭄ᬓᬾᬦ᭄ᬳᬶᬤᭂᬧ᭄ᬤᬾᬯᬩᬕᬸᬲ᭄᭞ᬳ᭄ᬦᬄᬢᬸᬢᬸᬭᬶᬦ᭄ᬩᬧᬵ᭞ᬤ᭄ᬯᬕᬸᬂᬜ᭄ᬦᭂᬂᬲᭂᬦ᭄ᬤᭂᬢ᭄ᬯᬭᬵᬧᬜ᭄ᬚᬂᬳᬭᬹᬃ᭞ᬲᬭᬮᬾᬤᬂᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬶᬭᬶᬂᬩ
ᬧᬳᬚᬶ᭟ᬦᬄᬓᬾᬢᭀᬚᬮᬄᬓᬾᬤᬾᬯᬵ᭞ᬓᬩᬜ᭄ᬘᬶᬗᬄᬩᬧᬗᬦ᭄ᬢ᭄ᬬᬂᬦ᭄ᬤᬯᬸᬳᬶᬦ᭄᭞ᬜᬫᬧᬺᬓ᭄ᬓᭂᬮᬾᬮᬶᬬᬸ᭞ᬭᬭᬶᬲ᭄ᬳᬶᬤᬵᬓᬳᭀᬤᬮ᭄᭞ᬲᬵᬫ᭄ᬧᬸᬦ᭄ᬭᬯᬸᬄ
ᬭᬶᬂᬳᭀᬤᬮ᭄ᬲᬂᬧ᭄ᬭᬪᬸᬓ᭄ᬜᬸᬂ᭞ᬧᬸᬗ᭄ᬕᬯᬧᬺᬩ᭄ᬓᭂᬮ᭄ᬳᬢᬧ᭄᭞ᬢᬸᬫ᭄ᬧᬂᬧᬸᬧᬸᬮᬶᬗ᭄ᬕ᭄ᬬᬾᬂᬲᬫᬶ᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬘᭀᬓᭀᬃᬤ᭄ᬥᬵᬳᬃᬬ᭄ᬬᬭᬶᬂᬕᬸᬲ᭄ᬢᬶᬧ
Kaca:Bali-lontar-gaguritan-ukir-kawi-450ppi.pdf/21
Kaca puniki sampun kauji-wacén
