[᭑᭙ 19B]
᭑᭙
ᬗᬦ᭄ᬤᬶᬓᬵᬩᬶᬄᬜ᭄ᬫᬓ᭄ᬧᬲᬢ᭄ᬢᬦ᭄ᬩᬗᬸᬦ᭄᭞ᬫᬗ᭄ᬭᬭᬶᬲ᭄ᬳᬶᬤᬫᬲᬶᬭᬫ᭄᭞ᬦᬓᭀᬤ᭄ᬥᬵᬲᬵᬫ᭄ᬧᬸᬦ᭄ᬓᬶᬦᬦ᭄ᬢᬶ᭟ᬳᬸᬲ᭄ᬫᬲᬶᬭᬫᬗᬬᬸᬦᬂ᭞ᬫᬤᬳ᭄ᬤᬓᬦ᭄ᬤᬩᬕᬸᬲ᭄ᬫᬓᬓ
ᬮᬶᬄ᭞ᬗᬬᬢ᭄ᬓᬳᭀᬤᬮ᭄ᬤᬩᬕᬸᬲ᭄᭞ᬦᬓᬶᬤ᭄ᬤᬵᬳᬗᬶᬭᬶᬗᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬓᬼᬘᬦ᭄ᬲᬫᬶᬫᬮᬸᬗ᭄ᬕᬸᬄ᭞ᬧᭂᬦ᭄ᬤᭀᬦᬦᬾᬲᬵᬫ᭄ᬧᬸᬦ᭄ᬦᬧᬓ᭄᭞ᬭᬫᭂᬲ᭄ᬓ᭄ᬮᬘ
ᬦ᭄ᬢᬦ᭄ᬧᬢᬦ᭄ᬤᬶᬂ᭟ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬂᬳ᭄ᬬᬂᬆᬃᬓ᭄ᬓᬵ᭞ᬲᬫᬶᬫᬦ᭄ᬢᬸᬓ᭄ᬦᬓᭀᬤ᭄ᬥᬵᬫᬳᬕᬸᬂᬳᬭᬶᬲ᭄᭞ᬧᬫᬶᬢᬶᬢ᭄ᬬᬂᬳᬶᬤᬩᬕᬸᬲ᭄᭞ᬲᬋᬂᬓᬮᬶᬄᬳᬫ᭄ᬧᬸᬭᬵ᭞ᬧᬸᬗ᭄ᬓᬸᬃᬫ
ᬮᬶᬄᬢᬶᬢ᭄ᬬᬂᬫᬭᬶᬓᬶᬤᬩᬕᬸᬲ᭄᭞ᬦᬾᬫᬗ᭄ᬓᬶᬦ᭄ᬢᬶᬢᬶᬢ᭄ᬬᬂᬦᬯ᭄ᬕᬂ᭞ᬤᬩᬕᬸᬲ᭄ᬫᬲᬳᬸᬃᬓ᭄ᬜᬶᬂ᭟ᬲᬫᬶᬲᬵᬫ᭄ᬧᬸᬦ᭄ᬫᬮᬸᬯᬭᬦ᭄᭞ᬯᬾᬦ᭄ᬢᭂᬦ᭄ᬫᬦ᭄ᬢᬸᬓ᭄ᬤᬩᬕᬸᬲ᭄ᬓᬮᬶᬄᬓᬧᬸᬭᬶ᭞
[᭒᭐ 20A]
᭒᭐
ᬳ᭄ᬦᭂᬗᬓ᭄ᬦᬭᬶᬂᬕᬸᬦᬸᬂ᭞ᬭᬶᬂᬦᬵᬕᬭᬘᬭᬶᬢ᭞ᬰ᭄ᬭᬷᬦᬭᬾᬦ᭄ᬤ᭄ᬭᬗ᭄ᬲᬾᬗᬶᬦ᭄ᬳᬶᬤᬤ᭄ᬯᬕᬸᬂ᭞ᬜ᭄ᬦᭂᬂᬚᬕᬫᬗᬦ᭄ᬤᬶᬓᬵ᭞ᬫᬓᬬᬸᬦ᭄ᬫᬦ᭄ᬤᭂᬲᬶᬦ᭄ᬕᭂᬮᬶᬲ᭄᭟ᬭᬶᬂᬧ᭄ᬭᬫᬶᬰ᭄ᬯᬭᬶᬗᬦ᭄ᬤᬶᬓᬵ᭞ᬬᬬᬶᬲᭀ
ᬭᬶᬳ᭄ᬬᬂᬫᬩᬸᬤᬶᬦᬢᬳᬶᬦ᭄᭞ᬫᬦᬓ᭄ᬬᬶᬲᭀᬭᬶᬳᬶᬳᬕᬸᬂ᭞ᬜ᭄ᬦᭂᬂᬬᬲᬸᬩᬜᬦ᭄ᬤᬂ᭞ᬬᬦ᭄ᬜᬶᬤᬬᬂᬦᬾᬩ᭄ᬯᬶᬦ᭄ᬤ᭄ᬯᬂᬫᬲᬧᬬᬸ᭞ᬤᬶᬢᬸᬓᭀᬘᬧ᭄ᬫ᭄ᬮᬄᬧ᭄ᬲᬸᬦ᭄᭞ᬤᬾᬯᬲᬦᬾᬓᬮ᭄ᬳ
ᬫ᭄ᬩᬳᬶᬦ᭄᭟ᬰ᭄ᬭᬷᬧ᭄ᬭᬫᬶᬲ᭄ᬯᬭᬶᬫᬢᬸᬭᬵ᭞ᬮᬾᬤᬂᬓᬚᬶᬦᬧᬶᬲᬶᬩ᭄ᬯᬶᬦ᭄ᬳᬦ᭄ᬢᬶ᭞ᬦᬧᬶᬦᬧᬶᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬸᬧᬓᬭᬤᬶᬳᬯᬓ᭄᭞ᬫᬓᬤᬤ᭄ᬯᬢᬢᬳᬶᬦ᭄ᬤ᭄ᬭᬶᬓᬶᬲᬵ
ᬫ᭄ᬧᬸᬦ᭄᭞ᬳ᭄ᬦᬄᬲᬳᬸᬃᬰ᭄ᬭᬶᬦᬭᬾᬦ᭄ᬤ᭄ᬭ᭞ᬫᬮᬶᬄᬫᬗᬦ᭄ᬤᬶᬓᬵᬓ᭄ᬜᬶᬂ᭟ᬩ᭄ᬱᬃᬳᬮᬶᬄᬕᬸᬲ᭄ᬢᬶᬦ᭄ᬳᬶᬩ᭞ᬩᬗᬸᬦ᭄ᬜᬸᬫ᭄ᬩᬄᬳᬶᬩ᭄ᬱᬃᬫᬗᬢᬸᬭᬶᬦ᭄᭞ᬳᬶᬤ᭄ᬯᬕᬸᬂᬜ᭄ᬦᭂᬫᬮᬸᬗ᭄ᬕᬸᬄ᭞ᬤᬶᬳ
Kaca:Bali-lontar-gaguritan-ukir-kawi-450ppi.pdf/20
Kaca puniki sampun kauji-wacén
