[᭑᭓ 13 B]
᭑᭓
ᬯᬓᬾᬦ᭄ᬓᬾᬦ᭄ᬲᬩ᭄ᬯᬢ᭄᭞ᬓᬦ᭄ᬤᬦᬾᬫᬕᬩᬕ᭄ᬫᬸᬮᬶᬄ᭟ᬭᬓᬦ᭄ᬥᬵᬫ᭄ᬓᬸᬮ᭄ᬳᬭᬶᬦ᭄ᬤᬵ᭞ᬲᬃᬯ᭄ᬯᬶᬗᬸᬲᬧ᭄ᬤᬢᬢᬓᭀᬦᬂᬩ᭄ᬯᬶᬦ᭄᭞ᬗ᭄ᬕᬶᬄᬢᬾᬫ᭄ᬲᬢᬸᬶᬮᬶᬦᬦ᭄ᬓᬕᬸᬂ᭞ᬓᬤᭀᬂᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬦᬄᬓᬾᬫ᭄ᬲᬾᬄᬳᬭᬶᬓᬮᬶᬄᬗᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬳᬶᬤᬾᬯᬕᬸᬂᬳᬶ
ᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬫ᭄ᬲᬮᬶᬦ᭄ᬕᭂᬮᬶᬲ᭄᭟ᬢᬦ᭄ᬓᭀᬘᬧᬸᬧᬸᬢ᭄ᬲᬫ᭄ᬬᬦ᭄᭞ᬩ᭄ᬭᬶᬬᬸᬓ᭄ᬓᭀᬤᬮ᭄ᬫᬸᬗ᭄ᬕᬳᬶᬂᬲ᭄ᬧᬸᬃᬕ᭄ᬮᬶᬲ᭄᭞ᬓᬬᬂᬧᬗᬶᬭᬶᬗᬾᬲᬵᬫ᭄ᬧᬸᬦ᭄᭞ᬳᬶᬤᬢ᭄ᬯᬦ᭄ᬭᬚᬵᬳᬦ᭄ᬯᬫ᭄᭞ᬫᬗᬸᬲᬶᬭᬶᬦ᭄ᬲᬳᬵᬫᬫᬬᭀᬦᬶᬦ᭄ᬲᭂᬧᬸᬃ᭞ᬫᬚᬮᬦ᭄ᬲᭂᬧᬸᬃᬲᬢ᭄ᬫᭂᬲ
ᬢ᭄᭞ᬳ᭄ᬦᭂᬗᬂᬳ᭄ᬦᬸᬫᬫᬵᬃᬕ᭄ᬕᬶ᭟ᬤᬶᬫᬜ᭄ᬘᬶᬬᬸᬜᬭᬶᬢᬬᬂ᭞ᬧᬺᬧᬸᬢ᭄ᬭᬦᬾᬓᬮᬶᬄᬳᬶᬤ᭄ᬯᬕᬸᬂᬭᬳᬶ᭞ᬓᬧᬸᬭᬶᬧᬤᬫᬩ᭄ᬭᬶᬬᬸᬓ᭄᭞ᬗ᭄ᬳᬶᬂᬧᬤᬳᬫᬮᬭᬵ᭞ᬭᬾᬳᬶᬂᬧᬘᬂᬳᬚᬶᬲᬫ᭄ᬧᬸᬦ᭄᭞ᬲᬓᬦ᭄ᬤᬵᬳᬢᬸᬃᬲᬫ᭄ᬬᬦ᭄᭞ᬧᬤᬓᬕ᭄ᬬᬢ᭄ᬲᬋᬂᬲᬫᬶ᭟ᬕ
ᬭᬯᬮᬦ᭄ᬢᭂᬦ᭄ᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬩ᭄ᬬᬂᬲᬵᬫ᭄ᬧᬸᬦ᭄ᬫᭂᬦᬗᬶᬲ᭄᭞ᬯᬸᬲ᭄ᬭᬶᬂᬩᬮᬾᬫᬹᬃᬤ᭄ᬥᬵᬭᬯᬸᬄ᭞ᬩ᭄ᬭᬶᬬᬸᬓ᭄ᬳᬶᬤᬵᬫᬸᬗ᭄ᬕᬳᬦ᭄᭞ᬦ᭄ᬳᭂᬦ᭄ᬓᬸᬭᬶᬲᬳᬵᬢᬗᬶᬲ᭄ᬗᬦ᭄ᬤᬶᬓᬵᬮᬸᬲ᭄᭞ᬢᬦ᭄ᬓᬤᬶᬳᬚᬶᬩ᭄ᬬᬂᬤᬵ᭞ᬯᬘᬦᬫᬗᬰᬶᬳᬲᬶᬄ᭟ᬫᬗ᭄ᬢᬸᬲ᭄ᬓᬬᬸᬦ᭄ᬫᬫ᭄ᬮᬤ᭄᭞ᬫᬾᬄ᭠
[᭑᭔ 14 A]
ᬦᬓᬕᬸᬂᬩᬸᬓᬳᬶᬦ᭄ᬢ᭄ᬬᬂᬓᬸᬭᬶ᭞ᬲᬶᬂᬧ᭄ᬤᬍᬫ᭄ᬢ᭄ᬬᬂᬓᬕᬸᬂ᭞ᬲᬸᬯᬸᬤ᭄ᬫᬜᬭᬾᬦ᭄ᬢ᭄ᬬᬂ᭞ᬲᬸᬩᬢ᭄ᬬᬂᬲᬶᬂᬧᬶᬲᬦ᭄ᬫᬶᬯᬮᬶᬦ᭄ᬓᬕᬸᬂ᭞ᬢᬍᬃᬦᬾᬦ᭄ᬢᭂᬦ᭄ᬓᬲᬳᬸᬭᬦ᭄᭞ᬲᬕᬾᬢ᭄ᬲᬸᬩᬕᬮᬂᬓᬗᬶᬦ᭄᭟ᬮ᭄ᬬᬦᬾᬜᬶᬭᬶᬬᬂᬮ᭄ᬫᬄ᭞ᬢᬤᬄᬳᬰᬶᬄᬫᬗᭂᬗ᭄ᬓᬶᬦ᭄ᬗᬯᬾᬲ᭄ᬤᬶᬄ᭞ᬳᬸᬮᬢ᭄ᬓᬗᭂᬦ᭄ᬭᬶᬂᬲᬂ
ᬮᬫ᭄ᬧᬸᬲ᭄᭞ᬲ᭄ᬬᬧᬾᬫᬳᬸᬭᬳᬦ᭄᭞ᬘᬸᬮᬸᬓ᭄ᬘᬸᬮᬶᬓ᭄ᬫᬢᬶᬫ᭄ᬩᬮᬦ᭄ᬢᬸᬳᬸᬢᬸᬳᬸ᭞ᬫᬦᬸᬦ᭄ᬤᬸᬦᬶᬦ᭄ᬤᬵᬲᬂᬮᬭ᭞ᬳᬶᬤᬳᬶᬤᬾᬯᬕᬸᬂᬲᬫᬶ᭟ᬲᬬᬦ᭄ᬤᬵᬫᬢᬗᬶᬋᬤ᭄ᬥᬵ᭞ᬲᬮᬶᬂᬢᬶᬫ᭄ᬩᬮ᭄ᬗᬦ᭄ᬤᬶᬓᬵᬚ᭄ᬭᬢ᭄ᬚᭂᬭᬶᬢ᭄᭞ᬓᬮᭀᬩᬦ᭄ᬳᬶᬤᬳᬶᬤ᭄ᬯᬕᬸᬂ᭞ᬲᬫᬶᬗᬶ
ᬮᬶᬂᬗᬶᬮᬶᬗᬂ᭞ᬭᬾᬄᬓᬧᬶᬦᭂᬄᬧᬫᬺᬫᬦ᭄ᬭᬚᬵᬫᬜ᭄ᬘ᭄ᬬᬸᬄ᭞ᬬᬦ᭄ᬢᬦ᭄ᬳᬾᬮᬶᬂᬤᬲ᭄ᬫᬩᭀᬗ᭄ᬓᬃ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭟ᬢ᭄ᬓᬾᬦ᭄ᬧᬺᬭᬢᬸᬳᬦ᭄ᬢᭂᬦᬃ᭞ᬗ᭄ᬕᬶᬄᬦᬓᬕᬸᬂᬧᬸᬓᬸᬮᬂᬮᬯᬢ᭄ᬫᬗ᭄ᬓᬶᬦ᭄᭞ᬧᬂᬢ᭄ᬓᬭᬚᬫᬜ᭄ᬘ᭄ᬬᬸ᭞ᬮᬓᬃᬢ᭄ᬬᬂᬦᬸᬦᬲ᭄ᬧᬦᬓ᭄
᭞ᬧᬦᬓ᭄ᬫᬢᬶᬢ᭄ᬯᬭᬤᬕᬾᬦ᭄ᬢᬲ᭄ᬓᬢ᭄ᬧᬸᬓ᭄᭞ᬳᬦ᭄ᬢᭂᬦᬃᬧ᭄ᬭᬭᬵᬢᬸᬜᭂᬫ᭄ᬩᬄ᭞ᬧᬢᭂᬄᬳᬢᬸᬃᬳᬶᬤᬲᬫᬶ᭟ᬘᬢᬸᬤ᭄ᬯᬕᬸᬂᬲᬋᬂᬲᬫ᭄ᬬᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬸᬓᬸᬮ᭄ᬓᬯᬢ᭄ᬳᬶᬦᬸᬦᬶ᭞ᬫᬮᬶᬄᬳᬚᭂᬧ᭄ᬢᬢᬲ᭄ᬭᬯᬸᬄ᭞ᬳᬶᬤᬢ᭄ᬯᬦ᭄ᬭᬚᬵᬳᬦ᭄ᬯ᭠
Kaca:Bali-lontar-gaguritan-twan-raja-300ppi.pdf/14
Kaca puniki sampun kauji-wacén
