[᭑᭒ 12 B]
᭑᭒
ᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬤ᭄ᬯᬕᬸᬂ᭞ᬮᬦᬂᬫᬸᬧᬸᬢᬂᬳᬗ᭄ᬕᬵ᭞ᬭᬶᬂᬧᬫᬺᬫᬦ᭄ᬫᬓᬜ᭄ᬘᬶᬂᬓᭀᬭᬶᬳᬶᬤ᭄ᬯᬕᬸᬂ᭞ᬳᬶᬭᬶᬓᬭᬶᬂᬩᬮᬾᬫᬹᬃᬤ᭄ᬥᬵ᭞ᬢ᭄ᬯᬦ᭄ᬭᬚᬓᬕ᭄ᬬᬢ᭄ᬫᬶᬬᬃᬱᬶ᭟ᬕ᭄ᬮᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬤᬲᬵᬃᬯ᭄ᬯᬶᬫᬗᭂᬫ᭄ᬩᭂᬂᬢᬗᬶᬲ᭄᭞ᬫᬾᬳᬢᬸᬤᬾᬅ᭄ᬳᬧᬵ
ᬮᬘᬸᬃ᭞ᬳᬶᬜ᭄ᬚᭀᬂᬳᬶᬕ᭄ᬬᭀᬃᬦᬶᬫ᭄ᬩᬮ᭄᭞ᬤᬵᬳᬭᬶᬦ᭄ᬤᬵᬳᭂᬗ᭄ᬲᭂᬓᬕ᭄ᬯᬢᬾᬓ᭄ᬮᬗ᭄ᬓᬸᬂ᭞ᬫᬢᬸᬃᬦᬗᬶᬲ᭄ᬫᭂᬓᬸᬮ᭄ᬭᬓ᭞ᬦᬸᬦᬲ᭄ᬤᬾᬯᬕᬸᬂᬚᬕ᭄ᬚᬕᬶᬦ᭄᭟ᬤᬵᬭᬓᬦ᭄ᬥᬵᬕ᭄ᬮᬶᬲ᭄ᬦᬶᬫ᭄ᬩᬮ᭄᭞ᬜᬫᬦ᭄ᬢᬸᬤᬾᬅ᭄ᬫᬓ᭄ᬚᬂᬳᬚᬓ᭄ᬫᬮᬶᬄ᭞ᬤᬳᬭᬶᬦ᭄ᬤᬵᬫᬮᬶᬄᬫ
ᬢᬹᬃ᭞ᬩ᭄ᬘᬶᬓ᭄ᬘᭀᬓᭀᬃᬳᬶᬤᬾᬯ᭞ᬗᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄ᬧᬸᬭᬸᬦ᭄᭞ᬭᬶᬂᬭᬳᬶᬜ᭄ᬘᭀᬓᭀᬃᬳᬶᬤᬾᬯ᭞ᬕᬸᬂᬳᬦᭀᬫ᭄ᬭᬓᬦᬶᬫ᭄ᬩᬮᬶᬦ᭄᭟ᬩᬸᬢᬬᬢ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬫᬦ᭄ᬤᬸᬳᬸᬢᬂᬲ᭄ᬧᬸᬭᬾᬧᬂᬕ᭄ᬮᬶᬲ᭄ᬫᬶᬚᬶᬮ᭄᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬢᭂ
ᬤᬸᬦ᭄᭞ᬭᬾᬄᬳᬬᬢ᭄ᬗᬧᬸᬭᬶᬬᬂ᭞ᬲᬕᬾᬢ᭄ᬯᬗ᭄ᬲᬶᬢ᭄ᬲ᭄ᬧᬸᬭᬾᬦᬾᬫᭂᬦ᭄ᬤᬓ᭄ᬭᬯᬸᬄ᭞ᬤᬶᬩᬜ᭄ᬘᬶᬗᬄᬢ᭄ᬥᬸᬦ᭄ᬕᬗ᭄ᬲᬃ᭞ᬳᬩ᭄ᬚᬗ᭄ᬮᬃᬕ᭄ᬮᬶᬲ᭄ᬓᬧᬸᬭᬶ᭟ᬢ᭄ᬯᬦ᭄ᬭᬚᬵᬓᬧᭂᬦ᭄ᬤᬓ᭄ᬘᬶᬗᬓ᭄᭞ᬦᬾᬩᬸᬧ᭄ᬭᬧ᭄ᬢᬫᬜᭂᬫ᭄ᬩᬄᬲᬳᬢᬗᬶᬲ᭄᭞ᬲᬂᬓᬮᬶᬄᬦᬓᬾᬦᬂᬩ᭄ᬭᬶ
[᭑᭓ 13 A]
ᬬᬸᬓ᭄᭞ᬳᬩ᭄ᬚᬾᬗ᭄ᬮᬃᬗᬸᬦᬶᬗᬬᬂ᭞ᬓᬦ᭄ᬤᬲᬫ᭄ᬬᬦ᭄ᬲᬂᬓᬮᬶᬄᬳᭂᬳᭂᬲ᭄ᬓᬮᬂᬓᬸᬂ᭞ᬮᬶᬦ᭄ᬢᬂᬳᬰᬶᬄᬢ᭄ᬓᬾᬂᬋᬤ᭄ᬥᬵ᭞ᬭᬾᬄᬲᬚᬢᬶᬭᬓᬵᬭᬳᬶ᭟ᬓᬮᬶᬄᬓᬬᬸᬦ᭄ᬭᬚᬵᬳᬦ᭄ᬯᬫ᭄᭞ᬧᬮᬶᬂᬲᬬᬂᬳᬶᬤ᭄ᬯᬕᬸᬂᬧᬸᬢ᭄ᬭᬯ᭄ᬬᬓ᭄ᬢᬶ᭞ᬭᬾᬄᬧᬰ᭄ᬘᬢ᭄ᬗ᭄ᬮᬾᬤᬗᬶᬦ᭄ᬓᬬᬸᬦ᭄᭞ᬳᬭᬶ
ᬦ᭄ᬥᬵᬦᬾᬫᬦᬶᬗ᭄ᬕᬮ᭄᭞ᬤᬲᬂᬓᬮᬶᬄᬩᭂᬫ᭄ᬩᭂᬂᬯᬱ᭄ᬧᬗᬦ᭄ᬤᬶᬓᬵᬮᬸᬲ᭄᭞ᬧᬢᭂᬄᬧᬗᬦ᭄ᬤᬶᬓᬦ᭄ᬳᬶᬤ᭞ᬢᬸᬦ᭄ᬤᬾᬦ᭄ᬗᬦ᭄ᬢᬶᬬᬂᬦᬸᬦᬸᬮᬶᬄ᭟ᬳᬩ᭄ᬚᬾᬗ᭄ᬮᬃᬫᭂᬧᭂᬲ᭄ᬗᭂᬳ᭄ᬤᬂ᭞ᬧᬭᬧᬸᬢᬺᬓᬤᬸᬳᬸᬄᬗᬶᬭᬶᬂᬲᬫᬶ᭞ᬧᬭᬧᬸᬢᬺᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬲᬂᬓᬮᬶᬄᬗᬧᬸᬭᬶᬬᬂ᭞ᬤᬵ
ᬲᬂᬤ᭄ᬬᬄᬲᬕᬾᬢ᭄ᬳᬶᬤᬫᬧᬸᬧᬸᬮ᭄᭞ᬲᬕᬾᬢ᭄ᬭᬯᬸᬄᬲ᭄ᬫᬭᬓᭂᬫ᭄ᬩᬃ᭞ᬧᬭᬳᬶᬲ᭄ᬢ᭄ᬭᬶᬢ᭄ᬥᬸᬦ᭄ᬲᬫᬶ᭟ᬢ᭄ᬯᬦ᭄ᬭᬚᬵᬕ᭄ᬮᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬤᬵᬳᬶᬤ᭄ᬯᬕᬸᬂᬲᬂᬧᬸᬢ᭄ᬭᬶᬲᬫᬶ᭞ᬚᬮᬦ᭄ᬫᬸᬮᬶᬄᬳᬦᬓᬕᬸᬂ᭞ᬲᬳᬲ᭄ᬯᬩᬯᬳᭂᬳᬸᬲᬓ᭄᭞ᬚᬓ᭄ᬫᬓ᭄ᬚᬂᬦᬾᬦᬾᬚᬦᬶᬳ
ᬦᬓᬕᬸᬂ᭞ᬳᬭᬶᬳᬭᬶᬦ᭄ᬥᬵᬲᬫ᭄ᬬᬦ᭄᭞ᬓᬕ᭄ᬬᬢ᭄ᬳᬶᬤᬦᬾᬢᬦ᭄ᬲᬶᬧᬶ᭟ᬗ᭄ᬳᬶᬂᬦᬾᬦᬵᬢᭂᬦ᭄ᬧᬸᬭᬸᬦᬸᬦᬲᬂ᭞ᬧᬦ᭄ᬓᬧᬶᬦᭂᬄᬭᬓᬭᬸᬓ᭄ᬱ᭄ᬬᬢᬦ᭄ᬲᬶᬧᬶ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬮᭀᬕᬲ᭄ᬳᬶᬤᬦᬸᬦᬲᬂ᭞ᬭᬶᬂᬭᬓᬦ᭄ᬤᬵᬫ᭄ᬦᬫ᭄ᬧ᭄ᬓᬂᬳᬍᬧ᭄ᬧᬯᬸᬢ᭄᭞ᬳ
Kaca:Bali-lontar-gaguritan-twan-raja-300ppi.pdf/13
Kaca puniki sampun kauji-wacén
