[᭑᭐ 10 B]
᭑᭐
ᬜᭂᬫ᭄ᬩᬄᬮ᭄ᬬᬸ᭞ᬳᬦᬦᬸᬳᬸᬃᬦᬾᬦᬾᬮᬦᬂ᭞ᬳᬤᬦᬸᬳᬸᬃᬦᬾᬦᬾᬳᬶᬲ᭄ᬢ᭄ᬭᬶ᭟ᬲᬵᬫ᭄ᬧᬸᬦ᭄ᬯ᭄ᬗᬶᬫᬸᬗ᭄ᬕᬄᬲ᭄ᬯᬃ᭞ᬦᬾᬫᬦᬸᬳᬸᬃᬲᬫ᭄ᬧᬸᬦ᭄ᬫᬳᬢᬸᬃᬲᬫᬶ᭞ᬧᬭᬳᬶᬲ᭄ᬢ᭄ᬭᬶᬦᬗ᭄ᬓᬶᬮ᭄ᬩ᭄ᬭᬶᬬᬸᬓ᭄᭞ᬗ᭄ᬳᬶᬂᬲᬫᬶᬓᬬᬸᬦ᭄ᬭᬸᬲᬓ᭄᭞ᬦᬾᬫᬦᬸᬳᬸᬃᬤᬶᬩᬮᬾᬫᬹᬃᬤ᭄ᬥᬵᬯᬸᬲ᭄ᬭᬯᬸᬄ᭞ᬕ᭄ᬮᬶ
ᬲ᭄ᬳᬶᬧᬸᬦ᭄ᬫᬗ᭄ᬮᬸᬗ᭄ᬲᬸᬭᬂ᭞ᬭᬶᬂᬳᬶᬤᬳᬶᬤ᭄ᬯᬕᬸᬂᬭᬳᬶ᭟ᬤᬕᬶᬂᬳᬢᬸᬃᬲᬳᬵᬲᭂᬫ᭄ᬩᬄ᭞ᬭᬢᬸᬤ᭄ᬯᬕᬸᬂᬭᬶᬢ᭄ᬬᬂᬓᬳᬸᬢᬸᬲ᭄ᬯ᭄ᬬᬓ᭄ᬢᬶ᭞ᬫᬦᬸᬳᬸᬃᬭᬓᬦ᭄ᬳᬶᬤ᭄ᬯᬕᬸᬂ᭞ᬓᬮᬶᬄᬘᭀᬓᭀᬃᬳᬶᬤᬾᬯ᭄ᬯ᭞ᬲᬋᬂᬲᬫ᭄ᬬᬦ᭄ᬓ᭄ᬦᬶᬫᬦᬗ᭄ᬓᬶᬮ᭄ᬳᬶᬤ᭄ᬯᬕᬸᬂ᭞ᬳᬶᬤᬵᬳᬚᬶᬳ᭄ᬘᭀ
ᬓᭀᬃᬳᬶᬤᬾᬯ᭄ᬯ᭞ᬫᬯᬘ᭄ᬘᬦᬵᬲᬋᬂᬲᬫᬶ᭟ᬳᬶᬤᬾᬯᬕᬸᬂᬭᬳᬶᬳᬶᬤ᭞ᬮᬾᬦ᭄ᬧᬺᬧ᭄ᬢᬺᬲᬬᬦ᭄ᬳᭂᬗ᭄ᬲᭂᬓ᭄ᬢᬦ᭄ᬲᬶᬧᬶ᭞ᬧᬦ᭄ᬧᬤᬵᬲᬗ᭄ᬲᬬᬾᬦ᭄ᬓᬬᬸᬦ᭄᭞ᬧᬶᬦᭂᬄᬓᬬᬸᬦ᭄ᬭᬓᬦ᭄ᬤᬵ᭞ᬢᬦ᭄ᬧᬢᬸᬭᬄᬲᬶᬋᬧ᭄ᬢ᭄ᬯᬭᬩᬶᬱᬵᬫᬸᬗᬸ᭞ᬫᬢ᭄ᬭᬶᬬᬸᬓ᭄ᬮᭀᬕᬲ᭄ᬫ
ᬦᬶᬫ᭄ᬩᬮ᭄᭞ᬧᬗᬦ᭄ᬤᬶᬓᬵᬧᬢᬸᬄᬲᬫᬶ᭟ᬳᬶᬤᬾᬯᬕᬸᬂᬧᬸᬢᬺᬳᬶᬤᬵ᭞ᬮᬾᬦ᭄ᬕᬸᬂᬗ᭄ᬳᬦᬂᬫᬺᬫ᭄ᬳᬸᬮᬶᬳᬶᬢᬸᬦᬶ᭞ᬳᭂᬦ᭄ᬤᬾᬦ᭄ᬚᬦᬶᬢᬗᬶᬦᬶᬦ᭄ᬫᬮᬸ᭞ᬩ᭄ᬭᬶᬬᬸᬓ᭄ᬫᬢᬗᬶᬳᬶᬤ᭞ᬦᭂᬲᭂᬓ᭄ᬓᬸᬭᬶᬧᬢᭂᬄᬳᬢᬹᬃᬗ᭄ᬢᬸᬲ᭄ᬓᬬᬸᬦ᭄᭞ᬤᬾᬯᬕᬸᬂᬦᬸᬦᬲ᭄ᬓᭂᬲᬾᬗ
[᭑᭑ 11 A]
ᬦ᭄᭞ᬓᬮᬶᬳᬜᬲᬵᬫ᭄ᬧᬸᬦ᭄ᬯᭂᬗᬶ᭟ᬲ᭄ᬧᬶᬤᭂᬦ᭄ᬤᭂᬦ᭄ᬧᬶᬲᬦ᭄ᬧᬶᬲᬦ᭄᭞ᬫᬸᬂᬩ᭄ᬭᬳ᭄ᬫᬵᬭᬫᬗᬺᬂᬋᬂᬓᬧᬶᬬᬃᬱᬶ᭞ᬓᬮᬶᬄᬫᬶᬳᬶᬓ᭄ᬗᬮᬸᬩᬮᬸᬩ᭄᭞ᬳᬗᬶᬦ᭄ᬳᬭᬶᬲ᭄ᬗᬫ᭄ᬧ᭄ᬳᬂ᭞ᬮᬾᬦ᭄ᬧ᭄ᬭᬪᬵᬯᬩᬶᬦ᭄ᬓᬸᬓᬸᬲ᭄ᬚᬕᬲᬢ᭄ᬭᬸ᭞ᬫᬜᬼᬕ᭄ᬓᬩᬶᬦᬩᬶᬦᬵ᭞ᬧᬤᬓᬕ᭄ᬬᬢ᭄ᬫᬮᬶᬄᬗ
ᬓ᭄ᬱᬶ᭟ᬲᬬᬦ᭄ᬲᬗ᭄ᬲᬬᬾᬂᬤᬶᬋᬤ᭄ᬥᬵ᭞ᬦᬾᬦᬗᬶᬦᬶᬦ᭄ᬳᬶᬤᬵᬳᬶᬤ᭄ᬯᬕᬸᬂᬫᬮᬶᬄ᭞ᬳᬢᬸᬃᬳᬶᬤᬵᬧᬥᬢᬗ᭄ᬮᬸᬲ᭄᭞ᬤᬾᬯᬕᬸᬂᬩᭀᬬᬓᭀᬤᬮ᭄᭞ᬲᬳᬢᬗᬶᬲ᭄ᬭᬾᬄᬲ᭄ᬧᭂᬃᬓᬧᬶᬦᭂᬄᬧᬸᬧᬸᬢ᭄᭞ᬢᬍᬃᬦᬾᬦ᭄ᬢᭂᬦ᭄ᬓᬲᬳᬸᬭᬦ᭄᭞ᬳᬶᬤ᭄ᬯᬕᬸᬂᬧᬺᬧᬸᬢᬺ
ᬲᬫᬶ᭟ᬲᬬᬦ᭄ᬫᬫᭂᬢ᭄ᬗᬶᬂᬘᬶᬢ᭞ᬚ᭄ᬭᬢ᭄ᬢᭂᬭᬶᬢ᭄ᬳᬲᬫᬗᭀᬕᬄᬓᬸᬭᬶ᭞ᬧᬺᬧᬸᬢ᭄ᬭᬫᬦᬕᬶᬄᬜᬸᬳᬸᬦ᭄᭞ᬯᬸᬲ᭄ᬕᬾᬕᬾᬃᬓᬯᬸᬭᬳᬦ᭄᭞ᬤᬾᬯᬕᬸᬂᬭᬳᬶᬳᬶᬤᬵᬢ᭄ᬥᬸᬦ᭄ᬲᬵᬫ᭄ᬧᬸᬦ᭄᭞ᬕ᭄ᬮᬶᬲ᭄ᬜᬚᬸᬃᬧᬲᬗ᭄ᬕ᭄ᬭᬳᬦ᭄᭞ᬩᬸᬭᬯᬸᬄᬫᬗᬫ᭄ᬩᬶᬮ᭄
ᬓ᭄ᬭᬶᬲ᭄᭟ᬫᬸᬗᬸᬯᬢᭂᬦ᭄ᬳᬦ᭄ᬢᭂᬦᬃ᭞ᬳᬓᬾᬄᬫ᭄ᬓᬸᬮ᭄ᬲᬳᬫᬫᬶᬢᬂᬓ᭄ᬭᬶᬲ᭄᭞ᬫᬢᬸᬃᬧᬲᬮᬾᬂᬢᭂᬫ᭄ᬩᬸᬂ᭞ᬧᬢᭂᬄ᭠ᬳᬢᬸᬃᬤᬲᬫ᭄ᬬᬦ᭄᭞ᬭᬢᬸᬤ᭄ᬯᬕᬸᬂᬳᬾᬮᬶᬂᬳᬾᬮᬶᬂᬚᭂᬂᬧᬸᬓᬸᬮᬸᬦ᭄᭞ᬦᬸᬦᬲ᭄ᬤᬸᬫᬸᬦ᭄ᬳᬸᬦᬶᬗᬬᬂ᭞ᬭᬶᬂᬳᬶᬤᬳᬶᬤ᭄ᬯᬕᬸᬂ
Kaca:Bali-lontar-gaguritan-twan-raja-300ppi.pdf/11
Kaca puniki sampun kauji-wacén
