[᭙ 9 B]
᭙
ᬢᬸᬤ᭄ᬯᬕᬸᬂ᭞ᬲᬶᬬᭂᬧ᭄ᬧᬶᬲᬦ᭄ᬭᬶᬂᬓᬫᬵᬃ᭞ᬳᬶᬤᬾᬯᬕᬸᬂᬭᬳᬶᬫᬗᬦ᭄ᬤᬶᬓᬳᬮᬸᬲ᭄᭞ᬢᬦ᭄ᬫᬭᬶᬂᬭᬶᬂᬧᬭᬧᬸᬢᬺ᭞ᬘᭂᬦ᭄ᬤᭂᬢ᭄ᬓᬾᬦ᭄ᬓᬾᬦ᭄ᬩᬦ᭄ᬗᭂᬦ᭄ᬳᬶᬦ᭄᭟ᬭᬾᬳᬶᬂᬲᬸᬩᬢ᭄ᬤᬸᬄᬧᬶᬲᬦ᭄᭞ᬲᬶᬂᬓᬾᬩᬦᬶᬮᬓᬃᬦᬗᬶᬦᬶᬦ᭄ᬚᬦᬶ᭞ᬧᬭᬧᬸᬢᬺᬫᬢᬹᬃᬩ᭄ᬭᬶᬬᬸᬓ᭄᭞ᬫᬗ᭄ᬓᬶᬦ᭄ᬫ᭠
ᬮᬶᬄᬳᬚ᭄ᬧᬦ᭄᭞ᬬᬦᬶᬂᬦᬾᬦ᭄ᬢᭂᬦ᭄ᬢᬗᬶᬳᬶᬦ᭄ᬳᬶᬤ᭄ᬯᬕᬸᬂ᭞ᬳᬦ᭄ᬢᭂᬦᬃᬫᬢᬸᬃᬳᬦᬶᬫ᭄ᬩᬮ᭄᭞ᬲ᭄ᬧᭂᬂᬓᬤᬯᬸᬄᬳᬶᬦᬸᬦᬶ᭟ᬬᬾᬦ᭄ᬲᬶᬂᬩᬗᬸᬦ᭄ᬢ᭄ᬬᬂᬜᬦᬦ᭄᭞ᬤᬵᬜᭂᬦ᭄ᬗᬶᬬᭂᬕ᭄ᬦᬾᬜᬸᬶᬫᬦᬶᬢ᭄ᬬᬂᬫᬮᬮᬶ᭞ᬲᬧᬸᬦᬶᬓᬵᬭᬢᬸᬤ᭄ᬯᬕᬸᬂ᭞ᬯᬘᬦᬦ᭄ᬤᬵᬳᬶ᭠
ᬭᬓᬵ᭞ᬳᬶᬤᬾᬯᬕᬸᬂᬭᬳᬶᬫᬦᬶᬫ᭄ᬩᬮᬶᬦ᭄ᬳᬮᬸᬲ᭄᭞ᬬᬤᬶᬦ᭄ᬓᬾᬢᭀᬧᬗᬦ᭄ᬤᬶᬓᬵ᭞ᬩᬦᬾᬳᬤᬩᬸᬓᬵᬚ᭠ᬦᬶ᭟ᬓ᭄ᬦᭂᬄᬳᬸᬲᬓ᭄ᬚᬓ᭄ᬫᬓ᭄ᬚᬂ᭞ᬧᬺᬧᬸᬢ᭄ᬭᬦᬾᬫᬮᬶᬄᬳᬶᬤᬵᬦᬫ᭄ᬩᬸᬗᬶᬦ᭄᭞ᬦᬶᬫ᭄ᬩᬮᬶᬦ᭄ᬳᬦ᭄ᬢᭂᬦᬃᬧᬢᬸᬄ᭞ᬦᬓᬕᬸᬂᬲᬚᬵᬧᬶᬲᬦ᭄
᭞ᬳᬦ᭄ᬢᭂᬦᬭᬾᬫᬮᬶᬄᬫᬩ᭄ᬭᬶᬬᬸᬓ᭄ᬫᬫᬢᬸᬢ᭄᭞ᬕᬸᬮᬓ᭄ᬫᬩᬯᭀᬲ᭄ᬫ᭄ᬬᬦ᭄᭞ᬗᬦ᭄ᬢᬶᬲᭀᬭᬾᬓᬵᬃᬦᬗᬶᬦᬶᬦ᭄᭟ᬳᬶᬤᬾᬯᬕᬸᬂᬭᬳᬶᬳᬶᬤᬵ᭞ᬫᬗᬸᬫᬗᬸᬤᭂᬓ᭄ᬤᭂᬓ᭄ᬭᬲᬦᬶᬂᬋᬤ᭄ᬥᬶ᭞ᬓᬬᬸᬦ᭄ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬢᬸᬳᬸ᭞ᬫᬗᬦ᭄ᬳᬶᬓᬗᭂᬫ᭄ᬩᭂᬂᬯᬱ᭄ᬧ᭞
[᭑᭐ 10 A]
ᬢᬦ᭄ᬲᬄᬗᬫᬾᬭᬓᬦ᭄ᬥᬵᬫᬗ᭄ᬤᬾᬫᬳᬸᬗᬸ᭞ᬧᬺᬧᬸᬢᬺᬓᬮᬶᬄᬳᬦ᭄ᬢᭂᬦᬃ᭞ᬧᬤᬢᭀᬂᬩᬶᬱᬵᬫᬶᬦ᭄ᬳᬶᬦ᭄᭟ᬩᬦᬾᬲᬶᬋᬧ᭄ᬢᬦᬢ᭄ᬭᬧ᭄᭞ᬧᬶᬦᭂᬄᬲᬜ᭄ᬚᬲᬩᭂᬄᬢ᭄ᬭᬂᬦᬾᬫᬗ᭄ᬓᬶᬦ᭄᭞ᬳ᭄ᬦᭂᬗᬂᬦᬾᬤᬶᬦᬶᬫᬮᬸ᭞ᬲᬂᬦᬵᬣᬘᬭᬶᬢᬬᬂ᭞ᬲᬶᬗᬲ᭄ᬓᬵᬃ
ᬕᬕ᭄ᬮᬂᬦᬗ᭄ᬓᬶᬮ᭄ᬫᬩ᭄ᬭᬶᬬᬸᬓ᭄᭞ᬦᬗ᭄ᬓᬶᬮ᭄ᬲᬂᬧ᭄ᬭᬪᬹᬓᭀᬭᬶᬧᬦ᭄᭞ᬯᬸᬲ᭄ᬳᬶᬤᬵᬫᬓᬸᬫ᭄ᬧᬸᬮ᭄ᬯ᭄ᬬᬓ᭄ᬢᬶ᭟ᬳᬶᬤᬾᬯᬕᬸᬂᬩ᭄ᬬᬂᬢᬶᬕᬵ᭞ᬢᬦᬧᬲᬄᬳᬶᬤᬤ᭄ᬯᬕᬸᬂᬳᬚᬶ᭞ᬓᭀᬭᬶᬧᬦ᭄ᬗᬦ᭄ᬤᬶᬓᬵᬳᬮᬸᬲ᭄᭞ᬳᬤᬶᬦᬧᬶᬳᬤᬦ᭄ᬜ᭞ᬦᬾᬳᬶᬢᬸᬦ᭄ᬬ
ᬦ᭄ᬚ᭄ᬦᭂᬂᬧᬺᬪᬵᬯᬦ᭄ᬲᬂᬭᬢᬸ᭞ᬩᬳᬦᬾᬓᬩᬶᬦᬵᬩᬶᬦᬵ᭞ᬤᬳᬭᬶᬦ᭄ᬚᬵᬜᭂᬫ᭄ᬩᬄᬲᬫᬶ᭟ᬤᬕᬶᬂᬫᬫᬢᬸᬢ᭄ᬧᬦ᭄ᬤᬶᬓᬵ᭞ᬳᬶᬤᬾᬯᬕᬸᬂᬩ᭄ᬬᬂᬓᭀᬭᬶᬧᬦ᭄ᬕ᭄ᬮᬶᬲ᭄᭞ᬫᬢᬸᬃᬢ᭄ᬓᬾᬦ᭄ᬭᬓᬳᬮᬸᬲ᭄᭞ᬓᬓᬵᬳᬶᬗ᭄ᬕᬶᬄᬦᬶᬓᬬᬂ᭞ᬗᬮᬶᬄᬢᬶᬜ᭄ᬚᭀᬃ
ᬓ᭄ᬦᭂᬄᬢ᭄ᬬᬂᬮᬶᬦ᭄ᬢᬂᬳᬶᬗᬸᬄ᭞ᬩᬬᬸᬦ᭄ᬢ᭄ᬬᬂᬳᬸᬲᬓ᭄ᬧᬶᬲᬓᬸᬶᬦ᭄᭞ᬧᬗᬧᬤᬵᬓᬸᬫ᭄ᬧᬸᬮ᭄ᬤ᭄ᬭᬶᬓᬶ᭟ᬢᬭᬶᬳᬭᬶᬦ᭄ᬥᬵᬲᬫ᭄ᬬᬦ᭄᭞ᬗᬸᬦᬶᬗᬬᬂᬓᬬᬸᬦ᭄ᬥᬵᬭᬸᬲᬓ᭄ᬲᬫᬶ᭞ᬕ᭄ᬮᬶᬲ᭄ᬳᬶᬤᬫᬤᬤᬯᬸᬄ᭞ᬓ᭄ᬦᬶᬫᬦᬸᬳᬸᬃᬳᭀᬓᬵ᭞ᬮᬦᬂᬳᬶᬲ᭄ᬢ᭄ᬭᬶᬧᬗᬬᬄᬫ
Kaca:Bali-lontar-gaguritan-twan-raja-300ppi.pdf/10
Kaca puniki sampun kauji-wacén
