[᭗ 7B]
ᬳᭀᬭᬶ᭞ᬲᬫᬭᬦ᭄ᬟᬦᬳᬗ᭄ᬕᬾᬦ᭄ᬢᭂᬫ᭄ᬩᬂ᭟᭜᭟᭛ᬧᬸᬄᬲ᭄ᬫᬭᬦ᭄ᬟᬡ᭛᭞ᬲ᭄ᬫᬭᬦ᭄ᬟᬦᬢᭂᬫ᭄ᬩᬂᬧᬸᬦᬶᬓᬶ᭞ᬫᬗᬧᬸᬲ᭄ᬢᬸᬢᬸᬃᬓᬫᭀᬓ᭄ᬱᬦ᭄᭞ᬬᬦ᭄ᬓᬬᬸᬦ᭄ᬫᬩ᭄ᬭᬢᬫᬗ᭄ᬓᭀ᭞ᬳᬶᬓᬋᬕᭂᬧ᭄ᬫᬭᬶᬂᬭᬕ᭞ᬳᬢᬶᬸᬦᬢᬲᬂᬳ᭄ᬬᬂᬲᬸᬓ᭄ᬱ᭄ᬫ᭞ᬳᬤᬶ
ᬮᬸᬯᬶᬄᬗᬭᬦᬶᬓᬸ᭞ᬭᬸᬧᬦᬶᬭᬓᬤᬶᬤᬫᬃ᭟᭜᭟ᬤᬫᬃᬢᬦ᭄ᬧᬓᬸᬓᬸᬲ᭄ᬳᬶᬓᬶ᭞ᬭᬸᬧᬦ᭄ᬳᬶᬤᬲᬂᬳ᭄ᬬᬂᬲᬸᬓ᭄ᬱ᭄ᬫ᭞ᬕ᭄ᬦᬳᬾᬓᬘᬭᬶᬢᬫᬗ᭄ᬓᭀ᭞ᬲ᭄ᬮᬦᬶᬂᬘᬶᬧ᭄ᬢᬇᬥᭂᬧ᭄ᬲᬶᬭ᭞ᬳᬦᬸᬯᬸᬢ᭄ᬩᬬᬸᬳᬦ᭄ᬢᬭ᭞ᬩᬬᬸᬳᬦ᭄ᬢᬭᬧᬸᬦᬶᬓᬸ᭞
ᬭᬸᬧᬦᬾᬓᬤᬶᬳᬦ᭄ᬢᬶᬕ᭟᭜᭟ᬧᬗᬾᬭᬦ᭄ᬲᬸᬓ᭄ᬱ᭄ᬫᬦᬶᬓᬶ᭞ᬕ᭄ᬦᬄᬳᬶᬤᬲᬓᬾᬂᬭᬶᬓ᭞ᬦᬕᬭᬫᬸᬭᬾᬧᬺᬡᬄᬋᬓᭀ᭞ᬕ᭄ᬦᬶᬫᬸᬭᬾᬦᬾᬧᬸᬦᬶᬓᬵ᭞ᬫᬤᬶᬲᭀᬘᬲᭀᬤᬫ᭞ᬫᬕ᭄ᬦᬄᬭᬶᬂᬢᬸᬂᬢᬸᬗᬶᬂᬭᬫ᭄ᬩᬸᬢ᭄᭞ᬦᬕᬭᬫᬸᬭᬾ
ᬧᬸᬦᬶᬓᬶ᭟᭜᭟ᬳᬦᬲᬂᬳ᭄ᬬᬂᬧ᭄ᬭᬫᬲᬶᬤ᭄ᬟᬶ᭞ᬭᬸᬧᬦ᭄ᬳᬶᬤᬓᬤᬶᬲᬹᬃᬬ᭄ᬬ᭞ᬭᬶᬂᬩᬸᬗ᭄ᬓᬳᬶᬂᬩᬬᬸᬋᬓᭀ᭞ᬗᬭᬦ᭄ᬧᬜ᭄ᬘᬮᬦᬕᬭ᭞ᬩᬬᬸᬳᬕᬸᬗᬾᬧᬸᬦᬶᬓ᭞ᬩᬸᬗ᭄ᬓᬳᬶᬂᬳᬗ᭄ᬓ᭄ᬬᬦ᭄ᬧᬸᬦᬶᬓᬸ᭞ᬲᬂᬳ᭄ᬬᬂᬧ᭄ᬭᬫᬲᬶᬤ᭄ᬟᬶᬳᬶᬓ᭟᭜᭟
[᭘ 8A]
᭙᭞
ᬓᬳᬶᬤᬕ᭄ᬦᬳᬂ᭟᭜᭟ᬅᬁᬅᬄᬧᬸᬦᬶᬓᬳᬢ᭄ᬫᬓᬮᬶᬄ᭞ᬭᬶᬂᬢ᭄ᬗᭂᬦ᭄᭞ᬳᬢ᭄ᬫᬦᬾᬧᬸᬦᬶᬓ᭞ᬳᬶᬭᬶᬓᬭᬶᬂᬫᬃᬕᬦᬾ᭞ᬢᬶᬃᬢ᭄ᬣᬧᬯᬶᬢ᭄ᬭᬦᬾᬤᬶᬢᬸ᭞ᬭᬶᬂᬢᬶᬗᬮ᭄ᬢᭂᬗᭂᬦ᭄ᬫᬮᬶᬗ᭄ᬕᬶᬄ᭞ᬢᬫᬦ᭄ᬫᬤᬦ᭄ᬳᬫᬭᬮᬬ᭞ᬳᬢ᭄ᬫᬓᬶᬯᬳᬶᬓᬸ᭞
ᬳᬶᬓᬢᬸᬢᬸᬧᬶᬂᬚᬶᬯ᭞ᬳᬶᬓᬬᬬᬶ᭞ᬢᬶᬃᬢ᭄ᬣᬓᬫᬦ᭄ᬤᬮᬸᬫᬲᬶ᭞ᬫᬤᬦ᭄ᬢᬫᬦ᭄ᬳᬶᬦ᭄ᬤ᭄ᬭᬮᭀᬓ᭟᭜᭟ᬳᬶᬓᬦᬾᬢ᭄ᬭᬦᬾᬧᬸᬦᬶᬓᬶ᭞ᬦᬾᬤᬶᬢ᭄ᬗᬄ᭞ᬳᬭᬦᬾᬳᬶᬓ᭞ᬯᬶᬱ᭄ᬡᬸᬪᬢᬦᬾᬳᬭᬦᬾ᭞ᬪᬝᬭᬕᬸᬭᬸᬤᬶᬢᬸ᭞ᬫ
ᬭᬕᬫᬵᬦᬸᬱᬰᬓ᭄ᬢᬶ᭞ᬦ᭄ᬢᭀᬲ᭄ᬤᭂᬂᬉᬧᬓᬭ᭞ᬤᬶᬉᬭᬶᬧᬾᬧᬸᬦᬶᬓᬸ᭞ᬓ᭄ᬦᬶᬩᬺᬲᬶᬄᬭᬶᬂᬭᬕ᭞ᬲᬂᬳ᭄ᬬᬂᬰᬓ᭄ᬢᬶ᭞ᬬᬤ᭄ᬬᬦ᭄ᬢᭂᬓᬭᬶᬂᬧᬢᬶᬳᬫᬗ᭄ᬕᬶᬄᬤᬮᬦ᭄ᬧᬤᬂ᭟᭜᭟ᬇᬓᬶᬲᬂᬳ᭄ᬬᬂᬢ᭄ᬭᬶᬳᬓ᭄ᬱᬭᬬᬬᬶ᭞ᬲᬂᬳ᭄ᬬᬂ
ᬩ᭄ᬭᬵᬳ᭄ᬫ᭞ᬩᬬᬸᬢ᭄ᬩᭂᬦ᭄ᬲᬶᬭ᭞ᬅᬩ᭄ᬭᬵᬳ᭄ᬫᬤᬾᬯᬢᬦᬾ᭞ᬒᬁᬩᬬᬸᬓᬶᬯᬳᬶᬓᬸ᭞ᬲᬂᬳ᭄ᬬᬂᬯᬶᬱ᭄ᬡᬸᬤᬾᬯᬦᬶᬓᬶ᭞ᬫᬁᬗᬭᬦ᭄ᬩᬬᬸᬢ᭄ᬗᬄ᭞ᬇᬰ᭄ᬯᬭᬧᬸᬦᬶᬓᬸ᭞ᬫᬗ᭄ᬓᬶᬦ᭄ᬫᬲᬮᬶᬦ᭄ᬢᭂᬫ᭄ᬩᬃ᭞ᬫᬶᬯᬄᬢᬸᬢᬸᬃ᭞ᬤᬂᬤᬂᬕᭂᬦ᭄ᬤᬶᬲᬾᬓ
Kaca:Bali-lontar-gaguritan-tutur-sayukti-300ppi.pdf/8
Kaca puniki sampun kauji-wacén
