[᭖ 6B]
᭖᭞
ᬤᬾᬯᬲᬗᬬᬸᬓ᭄ᬢᬶ᭞ᬳ᭄ᬬᬂᬇᬰ᭄ᬯᬭ᭞ᬭᬂᬧᬧᬸᬲᬸᬄᬲᬶᬭ᭞ᬧᬶᬦᬓᬳᬶᬤᬧᭀᬮᬳᬾ᭞ᬳᬓ᭄ᬱᬭᬫᬁᬧᬸᬦᬶᬓᬸ᭞ᬳᬸᬧᬲ᭄ᬧᬸᬢᬶᬄᬤᬶᬢᬸᬬᬬᬶ᭞ᬪᬝᬭᬇᬰ᭄ᬯᬭᬬᬗ᭄ᬭᬓ᭄ᬱ᭞ᬫᬳᬫᬺᬢᬤᬶᬢᬸ᭞ᬇᬥᭂ
ᬧ᭄ᬩᬶᬲᬓᬘᬫ᭄ᬧᬸᬭᬦ᭄᭞ᬍᬢᬸᬄᬳ᭄ᬦᬶᬂᬳᬶᬓ᭞ᬦᬾᬦᬾᬳ᭄ᬦᬶᬂᬫᬯᬓ᭄ᬦᬶᬂᬲᬶᬤ᭄ᬟᬶ᭞ᬦᬾᬍᬢᬸᬄᬫᬦᬤᬶᬮᬭ᭟᭜᭟ᬧᭀᬫᬲᬂᬳ᭄ᬬᬂᬩ᭄ᬭᬵᬳ᭄ᬫᬫᬭᬶᬂᬳᬢᬶ᭞ᬤᬤᬶᬫᬦᬄ᭞ᬲᬫᬶᬫᬶᬚᬶᬮ᭄ᬳᬶᬤ᭞ᬳᬸᬧᬲ᭄ᬳᬩᬂᬤᬶᬢᬸᬋᬓᬾ᭞ᬫ
ᬦᬄᬩᬶᬲᬳ᭄ᬦᬶᬂᬍᬢᬸᬄ᭞ᬦᬾᬳ᭄ᬦᬶᬂᬫᬭᬕᬰᬓ᭄ᬢᬶ᭞ᬦᬾᬍᬢᬸᬄᬫᬦᬤᬶᬮᬭ᭞ᬪᬹᬢᬓᬵᬮᬳᬶᬓᬸ᭞ᬦᬾᬳ᭄ᬦᬶᬂᬫᬭᬕᬤᬾᬯ᭞ᬫᬮᬶᬄᬰᬓ᭄ᬢᬶ᭞ᬫᬗᬕᭂᬫ᭄ᬓᬮᬶᬫᭀᬱᬤᬶ᭞ᬳᬸᬦᬶᬂᬫᬦᬫ᭄ᬩᬦᬶᬦ᭄ᬮᬭ᭟᭜᭟ᬳ᭄ᬬᬂᬫᬳᬤᬾᬯ
ᬭᬶᬂᬉᬗ᭄ᬲᬶᬧᬦ᭄ᬧᬸᬦᬶᬓᬶ᭞ᬫᬯᬰᬩ᭄ᬥ᭞ᬧᬫᬶᬚᬶᬮᬦ᭄ᬳᬶᬤ᭞ᬳᬓ᭄ᬱᬭᬢᬁᬰᬩ᭄ᬥᬦᬾ᭞ᬳᬸᬧᬲ᭄ᬓᬸᬦᬶᬂᬓᭀᬘᬧ᭄ᬤᬶᬢᬸ᭞ᬰᬩ᭄ᬥᬫᬲᬶᬍᬢᬸᬄᬳᭂᬦᬶᬂ᭞ᬦᬾᬳ᭄ᬦᬶᬂᬫᬭᬕᬕᬸᬦ᭞ᬦᬾᬍᬢᬸᬄᬧᬸᬦᬶᬓᬸ᭞ᬳᬦᬾᬫᬭᬕᬫᬯᬓ᭄ᬳᬸ
[᭗ 7A]
᭑᭐
ᬳᬦᬲᬂᬳ᭄ᬬᬂᬳ᭄ᬦᬶᬂ᭞ᬫᬕ᭄ᬦᬄᬕᬶᬂᬩᬸᬗ᭄ᬓᬳᬶᬂᬰᬩ᭄ᬟ᭞ᬭᬸᬧᬓᬤᬶᬤᬫᬃᬋᬓᭀ᭞ᬲᬕᬭᬫᬤᬸᬧᬸᬦᬶᬓ᭞ᬲᬂᬳ᭄ᬬᬂᬳ᭄ᬦᬶᬂᬳᬶᬤᬓᭀᬘᬧ᭄᭞ᬭᬶᬂᬳ᭄ᬦᬶᬂᬰᬩ᭄ᬟᬳᬶᬓᬸ᭞ᬲᬕᬭᬫᬤᬸᬳᬶᬭᬶᬓ᭟᭜᭟ᬳᬶᬓᬳᬫᬗ᭄ᬕᬸᬄᬫᬕᬸᬱ᭄ᬝᬶᬫᬭᬶᬂ
ᬦᬶᬦᬶᬰᬶᬯᬕᭀᬢ᭄ᬭ᭞ᬓᬓᬶᬰᬶᬯᬕᭀᬢ᭄ᬭᬫᬗ᭄ᬓᭀ᭞ᬫᬓᬓᬮᬶᬄᬓᭀᬘᬧ᭄ᬳᬶᬤ᭞ᬫᬕ᭄ᬦᬄᬭᬶᬂᬲᬸᬓ᭄ᬮᬭᬱ᭞ᬓᬤᬶᬲᬹᬃᬬ᭄ᬬᬦ᭄ᬤᬶᬄᬫᬸᬭᬸᬩ᭄᭞ᬧᬸᬦᬶᬓᬲ᭄ᬤᭂᬓ᭄ᬳᬩ᭄ᬭᬢ᭟᭜᭟ᬬᬦ᭄ᬫᬩ᭄ᬭᬢᬬᭀᬕᬲᬦ᭄ᬤᬶ᭞ᬧᬸᬦᬶᬓᬳᬶᬤ
ᬋᬕᭂᬧᬂ᭞ᬦᬶᬦᬶᬰᬶᬯᬕᭀᬢ᭄ᬭᬫᬗ᭄ᬓᭀ᭞ᬫᬶᬯᬄᬓᬓᬶᬰᬶᬯᬕᭀᬢ᭄ᬭ᭞ᬩᬾᬲᬸᬓ᭄ᬮᬫᬸᬦ᭄ᬲᬶᬭᬫᬢ᭄ᬬ᭞ᬫᬃᬕᬬᬂᬭᬶᬂᬉᬦ᭄ᬢᭂᬓ᭄ᬳᬶᬓᬸ᭞ᬭᬯᬸᬭᬶᬂᬭᬫ᭄ᬩᬸᬢ᭄ᬧ᭄ᬤᬧ᭄᭟᭜᭟ᬮᬸᬯᬶᬄᬲᬂᬳ᭄ᬬᬂᬳᬢ᭄ᬫᬳᬶᬓᬶ᭞ᬭᬯᬸᬄᬫᬭᬶᬂᬢᬾᬚᭀ
ᬫᬬ᭞ᬳᬦ᭄ᬭᬸᬲ᭄ᬓᬲᬸᬓᬦ᭄ᬫᬗ᭄ᬓᭀ᭞ᬮᬶᬗᬶᬂᬰᬵᬲ᭄ᬢ᭄ᬭᬰᬶᬯᬩᬸᬤ᭄ᬟ᭞ᬬᬦ᭄ᬭᬶᬂᬥᬃᬫ᭄ᬫᬓᬫᭀᬓ᭄ᬱᬦ᭄᭞ᬢᬸᬢᬸᬃᬲᬬᬸᬓ᭄ᬢᬶᬦᬾᬧᬸᬧᬸᬢ᭄᭞ᬫᬶᬯᬃᬥᬃᬫ᭄ᬫᬓᬍᬧᬲᬦ᭄᭟᭚᭟
Kaca:Bali-lontar-gaguritan-tutur-sayukti-300ppi.pdf/7
Kaca puniki sampun kauji-wacén
