[᭒ 2B]
᭒᭞
ᬦᬾ᭞ᬳᬶᬓᬶᬳᬸᬭᬸᬂᬳᬸᬭᬸᬂᬳᬤᬶᬂ᭞ᬩᬬᬸᬳᬶᬭᬸᬂᬢ᭄ᬗᭂᬦ᭄ᬳᬶᬓᬸ᭞ᬲᬂᬳ᭄ᬬᬂᬲᬤᬰᬶᬯᬳᬶᬓᬸ᭞ᬅᬄᬰᬩ᭄ᬟᬦ᭄ᬳᬶᬤᬋᬓᬾ᭞ᬤᬾᬯᬶᬕᬬᬢ᭄ᬭᬶᬧᬸᬦᬶᬓᬸ᭞ᬳᬶᬭᬸᬂᬓᬶᬯᬫᬃᬕᬦ᭄ᬳᬶᬤ᭞ᬅᬰᬩ᭄ᬟᬦ᭄ᬳᬶᬤᬓᭀᬘᬧ᭄᭟᭜᭟ᬧᬜ᭄ᬚᬶᬂᬫ᭄ᬤᬮ᭄ᬲ
ᬋᬂᬳᬶᬤᬳᬶᬓᬸ᭞ᬫᬃᬕᬲᬸᬫᬸᬗ᭄ᬲᬗᬾ᭞ᬫᬗᬤᭂᬕ᭄ᬤᬾᬯᬦᬶᬭᬬᬬᬶ᭞ᬳᬶᬫᬾᬫᬾᬳᬶᬩᬧᬳᬶᬓᬸ᭞ᬳᬶᬤᬗᬯᬾᬳᬮᬳᬬᬸ᭞ᬫᬯᬓ᭄ᬢᬫ᭄ᬩᬕ᭄ᬭᬶᬂᬫᬗ᭄ᬓᬾ᭞ᬗ᭄ᬭᬓ᭄ᬱᬫᬢᬶᬗ᭄ᬭᬓ᭄ᬱᬳᬶᬤᬸᬧ᭄᭞ᬧᬧᬲ᭄ᬯᬃᬕᬳᬶᬤ
ᬗ᭄ᬭᬓ᭄ᬱ᭞ᬳᬧᬬᬬᬶᬧᬸᬢᬸᬲ᭄ᬯᭂᬭᬸᬳ᭟᭜᭟ᬦᬾᬗᬶᬲᬶᬓᬜ᭄ᬘᬶᬂᬮᬗᬶᬢᬾᬳᬶᬓᬸ᭞ᬲᬂᬳ᭄ᬬᬂᬰᬶᬯᬲᬤᬋᬓᬾ᭞ᬫᬗᬶᬲᬶᬓᬜ᭄ᬘᬶᬂᬗᬶᬂᬗᬸᬦᬶ᭞ᬤᬾᬯᬶᬕᬬᬢ᭄ᬭᬶᬳᬶᬓᬸ᭞ᬤᬶᬲᭂᬤᭂᬓᬾᬫᬓ᭄ᬭᬲ᭄ᬳᬶᬓ᭞ᬕ᭄ᬦᬳᬂᬳᬶᬤᬭᬶᬂᬭ
ᬫ᭄ᬩᬸᬢ᭄᭞ᬲᭂᬤᭂᬓ᭄ᬫᬫᬸᬓ᭄ᬢᬶᬲᬶᬓᬸᬮ᭄ᬳᬶᬤ᭞ᬫᬕᬦ᭄ᬢᬶᬮᬶᬗ᭄ᬕᬶᬄᬳᬶᬤ᭞ᬕ᭄ᬦᬳᬂᬳᬶᬤᬭᬶᬂᬮᬶᬤᬄ᭟᭜᭟ᬫᬮᬶᬄᬳᬦᬭᬶᬂᬲᭀᬃᬳᬶᬓᬸ᭞ᬕ᭄ᬦᬳᬂᬳ᭄ᬬᬂᬫᬳᬤᬾᬯᬦᬾ᭞ᬤ᭄ᬯᬭᬧᬶᬢᬸᬳᬭᬦ᭄ᬳᬶᬓᬸ᭞ᬮᬾᬗᬶᬂᬫᬫᬢᬫᬶ
[᭓ 3A]
ᬯᬄᬳᬶᬭᬸᬂ᭞ᬓᬃᬡ᭄ᬦᬘᬗ᭄ᬓᭂᬫ᭄ᬳᬶᬓ᭞ᬤ᭄ᬯᬭᬧᬶᬢᬸᬓᬂᬳᬭᬦ᭄ᬳᬶᬓᬸ᭞ᬒᬁᬓᬭᬳᬓ᭄ᬱᬭᬳᬶᬧᬸᬦᬾ᭞ᬳᬶᬓᬓᬜ᭄ᬘᬶᬂᬢᬸᬢᬸᬧᬦ᭞ᬤᬾᬦᬶᬂᬓᬜ᭄ᬘᬶᬂᬭ᭄ᬯᬪᬶᬦᬾᬤ᭟᭜᭟ᬫᬩᬘᬃᬫᬦ᭄ᬢ᭄ᬭᬧᬗᬜ᭄ᬘᬶᬂᬳᬶᬓᬸ᭞ᬅᬁᬅᬄᬫᬗ᭄ᬓᬾᬳᬶᬓᬸ᭞
ᬳᬶᬲᭂᬧ᭄ᬩᬬᬸᬳᬶᬭᬸᬂᬓᬮᬶᬄ᭞ᬭᬶᬂᬢᬸᬫ᭄ᬧᬸᬓ᭄ᬳᬢᬶᬳᬓᬸᬫ᭄ᬧᬸᬮ᭄᭞ᬭᬶᬂᬦᬪᬶᬢ᭄ᬗᬄᬳᬭᬦ᭄ᬳᬶᬓᬸ᭞ᬢᭂᬓᬾᬦ᭄ᬧᬸᬲᭂᬃᬚ᭄ᬭᭀᬫᬗ᭄ᬓᬾ᭞ᬳᭂᬦ᭄ᬢᭀᬦᬾᬫᬦ᭄ᬢ᭄ᬭᬅᬁᬳᬶᬓᬸ᭞ᬕ᭄ᬦᬶᬭᬱ᭄ᬬᬗᬭᬦᬶᬭ᭞ᬳᬶᬓᬕ᭄ᬦᬶᬭᬶᬂᬲᬸᬓ᭄ᬱ᭄ᬫ᭟
᭐᭟ᬭᬸᬧᬓᬤᬶᬓᬸᬡ᭄ᬥᬫᬸᬭᬸᬩ᭄᭞ᬕ᭄ᬦᬶᬭᬱ᭄ᬬᬫᬗ᭄ᬓᬾ᭞ᬧᬶᬂᬢ᭄ᬮᭂᬗᬶᬂᬰᬩ᭄ᬟᬫᬶᬚᬶᬮ᭄᭞ᬳᬗ᭄ᬕᬾᬦ᭄ᬫᬗ᭄ᬕᭂᬲᭂᬂᬍᬢᬸᬄᬲᭂᬩᭂᬮ᭄ᬓᬦ᭄ᬤᭂᬮ᭄ᬲᬫᬶᬧᬸᬳᬸᬦ᭄᭞ᬫᬶᬯᬄᬕ᭄ᬭᬶᬂᬫᬭᬶᬂᬭᬕᬦᬾ᭞ᬳᬸᬧᬲ᭄ᬲᬓ᭄ᬢᬶᬲᬫᬶᬧᬸᬯᬸᬦ᭄᭞ᬤᬕᬾᬦ᭄ᬤ᭄ᬭᬶᬬᬧ
ᬜ᭄ᬘᬾᬦ᭄ᬤ᭄ᬭᬶᬬ᭞ᬭᬚᬄᬢᬫᬄᬲᬫᬶᬓᬮᬄ᭟᭜᭟ᬩᬸᬤᬸᬄᬳᬾᬮᬶᬓ᭄ᬲᬫᬳᬶᬮᬂᬧᬸᬳᬸᬦ᭄᭞ᬤᬾᬦᬶᬂᬬᭀᬕᬫᬗ᭄ᬓᬾ᭞ᬤ᭄ᬬᬦᬗᬭᬦ᭄ᬬᭀᬕᬲᬦ᭄ᬤᬶ᭞ᬬᬢᬤᬦᬗᬭᬦ᭄ᬳᬶᬓᬸ᭞ᬲᬫᬭᬱ᭄ᬬᬢ᭄ᬫᭂᬦ᭄ᬳᬶᬓᬸ᭞ᬫᬇᬲᭂᬤᭂᬓ᭄ᬦᬤᬄ
Kaca:Bali-lontar-gaguritan-tutur-sayukti-300ppi.pdf/3
Kaca puniki sampun kauji-wacén
