[᭑ 1B]
᭑᭞
᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬲᬶᬤ᭄ᬟᬀ᭛᭐᭚ᬧᬸᬧᬸᬄᬳᬤ᭄ᬭᬶ᭟ᬢᭂᬫ᭄ᬩᬂᬳᬤ᭄ᬭᬶᬓᬧᬸᬚᬶᬫᬭᬶᬂᬓᬶᬤᬸᬂ᭞ᬫᬗᬸᬧᬲ᭄ᬢᬸᬢᬸᬃᬓᬫᭀᬓ᭄ᬱᬦᬾ᭞ᬫ᭄ᬯᬶᬢᬸᬢᬸᬃᬲᬬᬸᬓ᭄ᬢᬶ᭞ᬦᬗᬶᬂᬧᬶᬗᬶᬢ᭄ᬫᬓᬶᬤᬸᬂ᭞ᬳᬲᬸᬓᬂᬤᬶᬳᬢᬶᬳᬶᬢᬸᬂ᭞
ᬦᬾᬫᬤᬦ᭄ᬳᬸᬧᬤᬾᬰᬫᬭᬶᬂᬭᬕᬳᬶᬓᬳᬶᬢᬸᬂ᭞ᬳᬧᬦ᭄ᬳᬶᬓᬧᬓᬸᬫ᭄ᬧᬸᬮᬦ᭄᭞ᬪᬸᬢᬓᬵᬮᬫᬶᬯᬄᬤᬾᬯ᭟᭜᭟ᬮᬶᬂᬦᬶᬭᬲᬂᬳ᭄ᬬᬂᬦᬶᬲ᭄ᬓᬵᬮᬳᬶᬓᬸ᭞ᬳᬸᬫ᭄ᬤᭂᬮ᭄ᬚᬸᬯᬋᬓᬾ᭞ᬢᬦ᭄ᬧᬭᬸᬧᬯᬃᬡ᭄ᬦᬬ
ᬬᬶ᭞ᬓᬮᬶᬗᬦ᭄ᬢᬦ᭄ᬓᭂᬦᬢᬸᬤᬸᬄ᭞ᬧᬭᬫᬤᬸᬃᬩᬮᬳᬶᬓᬸ᭞ᬢᬸᬂᬢᬸᬗᬶᬂᬭᬫ᭄ᬩᬸᬢ᭄ᬕᭂᬦᬳᬾ᭞ᬦᬶᬲ᭄ᬓᬵᬮ᭟᭜᭟ᬇᬓᬶᬉᬧᬤᬾᬰᬗᬭᬦ᭄ᬳᬶᬓᬸ᭞ᬦᬗᬶᬂᬓᬾᬫᬭᬶᬂᬚᬩᬦᬾ᭞ᬤᬶᬢᬸᬂᬢᬸᬂᬭᬫ᭄ᬩᬸᬢᬾᬬᬬᬶ᭞
ᬢᬦ᭄ᬧᬭᬸᬧᬯᬃᬡ᭄ᬦᬳᬶᬓᬸ᭞ᬳᬶᬓᬲᬸᬦ᭄ᬬᬓᬂᬲᬶᬦᬗ᭄ᬕᬸᬄ᭞ᬭᬶᬂᬲᬂᬯᬶᬓᬸᬫᬭᬶᬂᬚᬕᬢ᭄᭞ᬢᬸᬗ᭄ᬕᬮ᭄ᬳᬸᬓᬸᬤᬦᬾᬳᬶᬓᬸ᭞ᬳᬫ᭄ᬧ᭄ᬭᬸᬭᬶᬂᬢᬸᬂᬢᬸᬂᬭᬫ᭄ᬩᬸᬢᬾ᭞ᬫᬭᬶᬂᬩᬬᬸᬫᬲᬶᬢᬸᬗ᭄ᬕᬮ᭄᭟᭜᭟ᬫᬮᬶᬄᬭᬶᬂᬲᭀᬃᬳᬦᬳᬶᬓᬸ᭞
[᭒ 2A]
ᬧᬸᬭᬸᬱᬗᬭᬦᬾ᭞ᬯᬸᬦ᭄ᬚᬦᬦ᭄ᬧᬺᬡᬄᬬᬬᬶ᭞ᬳᬓ᭄ᬱᬭᬯᬶᬡ᭄ᬥᬸᬳᬶᬭᬶᬓᬸ᭞ᬕᬮᬂᬭᬸᬧᬢᬸᬯᬶᬧᬸᬭᬸᬩ᭄᭞ᬲᬯᬗᬦ᭄ᬫᬦᬤᬶᬳᬶᬓ᭞ᬪᬝᬭᬲᬤᬰᬶᬯᬗ᭄ᬭᬓ᭄ᬱᬳᬶᬓᬸ᭞ᬳᬶᬭᬶᬓᬳᬶᬤᬫᬮᬶᬗ᭄ᬕ᭞ᬳᬭᬦ᭄ᬳᬶ
ᬓᬕᬸᬫᬶᬧᬢᬶᬫᬄ᭟᭜᭟ᬫᬮᬶᬄᬳᬃᬤ᭄ᬟᬘᬦ᭄ᬤ᭄ᬭᬓᭀᬘᬧ᭄ᬳᬶᬓᬸ᭞ᬭᬶᬂᬮᬮᬢᬋᬓᬾ᭞ᬫᬕ᭄ᬦᬄᬭᬶᬂᬲ᭄ᬮᬕᬶᬂᬳᬮᬶᬲ᭄᭞ᬒᬁᬓᬭᬲᬸᬗ᭄ᬲᬸᬂᬳᬶᬓᬸ᭞ᬯᬶᬦ᭄ᬤᬸᬭᭀᬭᭀᬓᭀᬘᬧ᭄ᬳᬶᬓᬸ᭞ᬭᬸᬧᬦᬶᬭᬓᬂᬳᬫᬗ᭄ᬓᬾ᭞
ᬤᬤᬶᬩᬸᬮᬦ᭄ᬫᬦᬶᬓ᭄ᬫᬸᬭᬸᬩ᭄᭞ᬫᬤᬕᬶᬂᬢᬶᬃᬢ᭄ᬣᬫᬳᬫᬺᬢ᭞ᬤᬾᬯᬶᬕᬬᬢ᭄ᬭᬶᬳᬶᬤᬫᬗ᭄ᬭᬓ᭄ᬱ᭟᭜᭟ᬳᬶᬓᬧᬫᬃᬕᬶᬦ᭄ᬳᬶᬤᬫᬶᬯᬄᬫ᭄ᬢᬸ᭞ᬭᬶᬂᬳᬶᬮᬾᬦ᭄ᬳᬶᬭᬸᬗᬾ᭞ᬲᬂᬳ᭄ᬬᬂᬰᬶᬯᬲᬤᬳᬶᬓ᭞ᬭᬶᬂᬳᬶᬭᬸᬂᬢ᭄ᬗᭂᬦ᭄ᬧᬸᬫ
ᬲᬸᬓ᭄᭞ᬳᬶᬤᬸᬯᬶᬕᬬᬢ᭄ᬭᬶᬧᬸᬦᬶᬓᬸ᭞ᬭᬶᬂᬳᬶᬭᬸᬂᬓᬶᬯᬧᬲᬸᬓ᭄ᬳᬶᬓ᭞ᬳᬰᬩ᭄ᬥᬳᬶᬤᬫ᭄ᬢᬸ᭞ᬳᬰᬩ᭄ᬟᬦᬾᬫᬸᬮᬶᬬᬦ᭄᭞ᬫᬗ᭄ᬤᬬᬬᬶᬚ᭄ᬯᬯ᭄ᬭᬸᬳ᭟᭜᭟ᬳᬬᬸᬦᬾᬦ᭄ᬢᭀᬫᬳᬭᬦ᭄ᬯᬶᬦ᭄ᬦ᭞ᬫ᭄ᬭᬕᬳᬶᬤᬪᬝᬭ
Kaca:Bali-lontar-gaguritan-tutur-sayukti-300ppi.pdf/2
Kaca puniki sampun kauji-wacén
