[᭙᭖ 96B]
᭙᭖
ᬤᬤᬶ᭞ᬩ᭄ᬗᭀᬂᬫᬗᬸᬲᬯᬢ᭄᭞ᬳᬶᬗᭂᬢ᭄ᬳᬶᬩᬶᬲᬜ᭄ᬚᬗᬶᬧᬶ᭞ᬢᭀᬂᬤᬤᬶᬧᬸᬍᬲ᭄ᬩᬸᬮᬲᬓ᭄᭞ᬦᬸᬮᬫᬾᬦᬾᬳᬶᬲ᭄ᬢᬶᬲᬳᬶ᭞ᬩᬸᬲᬦ᭄ᬩᬸᬲᬦ᭄ᬩᬸᬢᬶᬧᬶᬢ᭄᭞ᬕᬕᬸᬮᬶᬗᬾᬳᬸᬭᬸᬢ᭄ᬳᬸᬭᬸᬢ᭄᭞ᬧᬦ᭄ᬤᬸᬲᬂᬩᬦ᭄ᬬᬾᬄ
ᬫᬢ᭄ᬣ᭞ᬧᬶᬦ᭄ᬤᬬᬂᬭᬢᬸᬫᬵᬲ᭄ᬫᬡᬶᬓ᭄᭞ᬤᬤᬶᬩᬸᬤᬸᬄᬫᬸᬜᬶᬦᬾᬫᬗᬚᬧ᭄ᬢᬯᬂ᭚ᬧᬂ᭚ᬳᬭᬸᬄᬳᬶᬗᬸᬄᬧᬶᬲᬦ᭄ᬧᬶᬲᬦ᭄᭞ᬩᬲ᭄ᬓᬮ᭄ᬩᬶᬄᬮ᭄ᬩᬶᬳᬦ᭄ᬕᬢᬶᬕᬢᬶ᭞ᬜᬾᬦ᭄ᬲᬶᬳᭀᬮᬲ᭄ᬳᬦᬓᬕᬸᬂ᭞
ᬗᬢᬸᬭᬂᬩᬬᬸᬳᬸᬲᬓ᭄᭞ᬓᬮᬶᬳᬜᬦᬸᬳᬸᬓᬂᬜᭂᬦ᭄ᬤᬤᬶᬩᬸᬤᬸᬄ᭞ᬫᬲᬶᬄᬲᬗᭂᬢᬂᬢᬸᬗ᭄ᬓᬲᬂ᭞ᬳᬧᬂᬤ᭄ᬟᬤ᭄ᬯᬕᬸᬂᬫ᭄ᬢᬮᬶ᭟ᬩᬶᬄᬓᬮᬂᬦᬸᬲᬭᬸᬲᬫᬃ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬕᬕᬢ᭄ᬭᬦ᭄ᬢᭂᬓᭂᬦ᭄ᬕᬶᬕᬶᬲ᭄᭞᭠
ᬲᬲ᭄ᬳᭂᬢᬦ᭄ᬢᬸᬮᬦ᭄ᬯᬗ᭄ᬲᬸᬮ᭄᭞ᬳᬄᬕᬜ᭄ᬚᬶᬄᬧᬧᭂᬚᬗᬦ᭄᭞ᬤᬶᬚᬕ᭄ᬦᬄᬫᬧᬭᭀᬫᬧᬓᬾᬢ᭄ᬢᭂᬧᬸ᭞ᬧᬜ᭄ᬚᬳᬶᬢᬦ᭄ᬳᭀᬜᬧ᭄ᬕᬢ᭄᭞ᬤ᭄ᬯᬕᬸᬂᬢ᭄ᬬᬂᬫ᭄ᬢᬸᬳᬾᬮᬶᬂ᭚ᬥᬂᬥᬂ᭚ᬥᬂᬥᬂᬳᬭᬸᬄ᭠
[᭙᭗ 97A]
ᬳᬶᬗᬸᬄᬳᬶᬗᬸᬄᬕᬢᬶ᭞ᬫᬃᬫ᭄ᬫᬤᬳᬢ᭄᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬧᬶᬲᬦ᭄ᬦᬳᭂᬦ᭄ᬧ᭄ᬭᬧᬜ᭄ᬘᬦ᭄ᬓᬬᬸᬦᬾ᭞ᬫᬯᬶᬦᬦ᭄ᬓᬤᬶᬮᬸᬘᬸ᭞ᬗᬶᬬᭀᬗᬶᬬᭂᬕ᭄ᬦᬓᬕᬸᬂᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦᬂᬭᬢᬸᬫᭂᬗ᭄ᬕᬄ᭞ᬳᬫ᭄ᬧᬸᬭᬳᬶ
ᬩᬸᬤᬸᬄ᭞ᬮᬗ᭄ᬖ᭄ᬬᬫᬗᬢᬸᬭᬂᬲᬸᬭᬵᬢ᭄᭞ᬭᬶᬂᬧᬮᬸᬗ᭄ᬕᬸᬄ᭞ᬘᭀᬓᭀᬃᬳᬶᬤᬾᬯ᭄ᬯᬫᬭᬶᬓᬶ᭞᭠ᬳᬫ᭄ᬧᬸᬭᬲᬳᬶᬱ᭄ᬡᬸᬯᬂ᭟ᬭᬢᬸᬢᬢᬲ᭄ᬢᬶᬢ᭄ᬬᬂᬭᬶᬂᬳᬯᬾᬘᬶ᭞ᬓᬾᬗᬶᬦ᭄ᬤᬲᬃ᭞ᬤᬤᭀᬲ᭄ᬓ᭄ᬢᬶᬧ᭄ᬚᬫ᭄ᬩᬗ
ᬦ᭄᭞ᬩᬳᬦ᭄ᬚᭂᬮᬾᬦ᭄ᬮᬓ᭄ᬱᬡᬦᬾ᭞ᬲᬲᬶᬮᬶᬩᬦ᭄ᬫᬳᬢᬹᬃ᭞ᬢᬶᬢ᭄ᬬᬂᬗᬺᬋᬄᬲᬫᬗ᭄ᬤᬾᬲᬶ᭠ᬫ᭄ᬧᬶᬃ᭞ᬜᬦ᭄ᬯᬾᬦ᭄ᬢᭂᬦ᭄ᬫᬗᬺᬦᬾᬲᬂ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬸᬭᬸᬦ᭄᭞ᬢᭀᬳᬯᬦᬦ᭄ᬢᬶᬢ᭄ᬬᬂᬧᬗᬃ᭞ᬳᬶ᭠
ᬗ᭄ᬕᬶᬄᬧᬸᬗ᭄ᬓᬸᬃ᭞ᬓᬾᬳᬶᬧᬸᬦ᭄ᬫᬦᬤᭀᬲ᭄ᬓᬮᬶ᭞ᬢᬶᬢ᭄ᬬᬂᬚ᭄ᬭᬶᬄᬫᬧ᭄ᬭᬓᬵᬭ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫ᭄ᬭᬲᬗ᭄ᬕᬬᬂᬳᬸᬕᬶ᭞ᬫᬗ᭄ᬮᬸᬗ᭄ᬲᬸᬭᬂ᭞ᬦᬧᬶᬭᬢᬸᬲᬬᬂᬦᬾᬩ᭄ᬯᬢ᭄ᬲᬮᬄᬢᬶᬢ᭄ᬬᬗᬾ᭞ᬫᬯᬶᬦᬦ᭄ᬳᬶᬤ᭠
Kaca:Bali-lontar-gaguritan-tatuptupan-350ppi.pdf/97
Kaca puniki sampun kauji-wacén
