[᭙᭕ 95B]
᭙᭕
ᬯᬓ᭄᭞ᬳᬸᬩᬤ᭄ᬳᬗ᭄ᬕᭀᬦ᭄ᬲᬗᬸᬯᬵᬢᬶ᭞ᬢᭀᬦᬾᬧᬫᬶᬢᬂᬢᬶᬢ᭄ᬬᬂ᭚᭜᭚ᬫᬾᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬂ᭞ᬜᬾᬦ᭄ᬲᬶᬲᬬᬂᬲᬬᬗᬦ᭄ᬢᭂᬓᬾᬦ᭄ᬳᬸᬭᬶᬧ᭄᭞ᬳᬸᬭᬶᬧ᭄ᬢᬶᬢ᭄ᬬᬗᬾᬦ
ᬓᬵᬕᬸᬂ᭞ᬪᬝᬵᬭᬶᬫᬓᬳᬢ᭄ᬫᬵ᭞ᬳᬢ᭄ᬫᬦ᭄ᬢᬶᬬᬗᬾᬤ᭄ᬭᬶᬓᬶᬗᬶᬭᬶᬂᬲᬢᬸᬳᬸᬦ᭄᭞ᬓ᭄ᬭᬡᬢᬶ᭠ᬢ᭄ᬬᬂᬲᬳᬶᬳᬸᬬᬂ᭞ᬧ᭄ᬢᭂᬂᬮ᭄ᬫᬄᬫᬗᬸᬢᬶᬧᬶᬢ᭄᭟ᬳᬶᬗᭂᬢ᭄ᬓᬗᭂᬦ᭄ᬓᬾᬦᬶᬂᬳᬯᬓ᭄᭞ᬩᬦ᭄ᬮᬘᬸᬭᬾᬪᬝᬵ᭠
ᬭᬶᬳᬕᬸᬂᬮᬮᬶ᭞ᬗ᭄ᬕᬶᬄᬤ᭄ᬭᬶᬓᬶᬪᬝᬵᬭᬶᬳᬕᬸᬂ᭞ᬦᬗᬶᬂᬧᬂᬫ᭄ᬮᬄᬫ᭄ᬮᬄ᭞ᬲᬓᬾᬯᬮᬳᬾᬮᬶ᭠ᬗᬂᬪᬝᬵᬭᬶᬳᬕᬸᬂ᭞ᬩᬸᬓᬳᬢᬸᬭᬾᬳᬶᬧᬶᬤᬦ᭄᭞ᬤᬅ᭄ᬳᭂᬗ᭄ᬲᬧ᭄ᬭᬢᬸᬤ᭄ᬯᬵᬕᬸᬂᬗ᭄ᬕᬶᬄ᭟ᬫᬾ
ᬲᬸᬩᬢ᭄ᬬᬂᬳᬶᬗᬸᬄᬧᬶᬲᬦ᭄᭞ᬫᬗᭂᬦᭂᬳᬶᬦ᭄ᬳᬯᬓ᭄ᬫᭂᬤᭂᬫ᭄ᬧᬤᬶᬤᬶ᭞ᬢᬸᬗ᭄ᬕᬮ᭄ᬳᭂᬦ᭄ᬢᭂᬦ᭄ᬤᬤᬶᬕ᭄ᬮᬸ᭞ᬳᬸᬲᬸᬤᬶᬦ᭄ᬢ᭄ᬯᬭᬳᬤ᭞ᬳᭂᬦ᭄ᬢᭀᬓ᭄ᬭᬡᬫᬗᬸᬦᬂᬓ᭄ᬦᭂᬳᬾᬳᬶᬗᬸᬄ᭞ᬧᬮᬶᬂᬢᭀᬂᬤᬤᬶᬢᬸᬗ᭄ᬓᬲᬂ᭞ᬳᬶᬲᬓᬶ᭠
[᭙᭖ 96A]
ᬢ᭄ᬩᬵᬬᬸᬫᬫᬹᬃᬢ᭄ᬢᬶ᭟ᬳᬶᬩᬸᬓ᭄ᬢ᭄ᬯᬭᬩᬶᬲᬳᬶᬮᬂ᭞ᬢ᭄ᬓᬲᬬᬦ᭄ᬫᬯᬸᬯᬸᬄᬳᬶᬗᬸᬄᬧᬮᬶᬂ᭞ᬗ᭄ᬕᬶᬄᬳᬾᬗ᭄ᬕᬮ᭄ᬗ᭄ᬕᬶᬄᬳᬦᬓᬕᬸᬂ᭞ᬳᬶᬘᬾᬦ᭄ᬢᬶᬢ᭄ᬬᬂᬳᬸᬩᬤ᭄᭞ᬳᬧᬂᬳᬾᬗ᭄ᬕᬮ᭄ᬢᬶᬢ᭄ᬬᬂᬧ᭄ᬗᭂᬂᬮᬸᬤᬶᬦ᭄ᬧᬸᬭᬸᬄ
᭞ᬩᬶᬮᬶᬄᬦᬶᬓᬶᬳᬦ᭄ᬢᬶᬦ᭄ᬢ᭄ᬬᬂ᭞ᬫᬧᬫᬶᬢ᭄ᬗᬮᬳᬶᬦ᭄ᬫᬢᬶ᭚᭜᭚ᬫᬵᬲ᭄ᬓᬸᬫᬫ᭄ᬩᬂᬳᬸᬢᬸᬲ᭄ᬢᬶᬢ᭄ᬬᬂᬫᬢᬹᬃᬜᬶᬮᬶᬩ᭄᭞ᬢᬫ᭄ᬧᬶᬤᬅ᭄ᬦᬸᬮᬓᬂ᭞ᬭᬭᬶᬲᬂᬭᬢᬸᬧᬯᭀᬲᬶᬦ᭄᭞ᬧᬸᬧᬸᬢᬂᬭᬶᬂᬧᬓᬬᬸ᭠
ᬦᬦ᭄᭟ᬤᬗ᭄ᬯᬾᬭᬬᬂᬧᬶᬗᬶᬢᬂᬗᬸᬩ᭄ᬟᬭᬢᬸᬗ᭄ᬕᬶᬄ᭞ᬤᬚᬧᭂᬗ᭄ᬓᬸᬂᬲᬬᬂ᭞ᬮᬶᬗ᭄ᬕᬶᬳᬶᬦ᭄ᬳᬶᬓᬯ᭄ᬮᬲ᭠ᬲᬶᬄ᭞ᬫᬳᬶᬲᬥ᭄ᬬᬫᬫᬋᬓᬦ᭄᭟ᬦᬸᬦᬲ᭄ᬳᬸᬭᬶᬧ᭄ᬳᬧᬂᬢᬶᬢ᭄ᬬᬂᬩᬸᬳᬸᬂᬫᬢᬶ᭞ᬫᬢᬶᬓᬯᬸᬄᬓᬶᬢᬦ᭄᭞
ᬧ᭄ᬢᭂᬂᬮ᭄ᬫᬄᬩᬸᬤᬸᬄᬗ᭄ᬮᬶᬂ᭞ᬢᬦ᭄ᬮ᭄ᬬᬦ᭄ᬭᬢᬸᬳᬶᬲ᭄ᬢᬶᬦ᭄ᬢᬶᬢ᭄ᬬᬂ᭟ᬲᬸᬳᬸᬂᬲᬫᬸᬦ᭄ᬭᬲᬦ᭄ᬳᬶᬥᭂᬧ᭄ᬢᬶᬬᬗᬾᬲ᭠ᬳᬶ᭞ᬮ᭄ᬫᭂᬢ᭄ᬢᬦ᭄ᬧᬳᬢ᭄ᬫ᭞ᬳᭂᬗ᭄ᬲᬧ᭄ᬫ᭄ᬭᬲᬩᬸᬓᬗᬶᬧᬶ᭞ᬫ᭄ᬭᬶᬓᬶᬦᬗ᭄ᬓᬶᬮ᭄ᬤ᭄ᬯᬕᬸᬂᬲᬬᬂ᭚ᬲᬶ᭚
Kaca:Bali-lontar-gaguritan-tatuptupan-350ppi.pdf/96
Kaca puniki sampun kauji-wacén
