[᭗᭑ 71B]
᭗᭑
ᬲᬵᬓ᭄ᬱᬢ᭄ᬳᬶᬤᬶᬸᬧᬶᬸᬢ᭄ᬩᬸᬗ᭞ᬩᬸᬗᬦ᭄ᬳᬶᬥᭂᬧᬾᬦᬾᬢ᭄ᬯᬭᬩᬶᬱᬮᬬᬸ᭞ᬮᬬᬭᬶᬦ᭄ᬗᭂᬦ᭄ᬢᬲ᭄ᬲᬕᬭ᭞᭠ᬲᬕᬭᬦᬾᬢᬦ᭄ᬧᬢ᭄ᬧᬶ᭟ᬧᬶᬦᬄᬲᬸᬩᬓᬸᬤᬂᬤᬶᬦ᭞ᬤᬶᬦᬦ᭄ᬳᬶᬧᬸᬦ᭄ᬲᭂᬤᬸᬄᬓᬧᬸᬧᬸᬢ᭄ᬳᬯᬶ᭞ᬯᬶᬢ᭄ᬳᬗ᭄ᬕᬭ
ᬯᬕᬾᬦᬸᬚᬸ᭞ᬦᬸᬚᬸᬳᬸᬕᬸᬳᬸᬓᬸᬜ᭞ᬜᬦ᭄ᬤᬂᬢᬗ᭄ᬕᬮ᭄ᬧᬢ᭄ᬩᭂᬮᬲ᭄ᬰᬰᬶᬄᬓᬧᬶᬢᬸ᭞ᬢᬸᬢᬶᬂᬭᬄᬢᭂᬗ᭄ᬕᭂᬓ᭄ᬮᬮᬶᬫ᭞ᬫᬫ᭄ᬭᬬᬰ᭄ᬘᬶᬢᬤᬶᬩᬸᬓᬶᬢ᭄᭟ᬩᬸᬓᬶᬢᬾᬩᬸᬓᭂᬢ᭄ᬳᬶᬲᬶᬜ᭞ᬜᬦ᭄ᬤᬂᬧᬮᬶᬂᬬᬦ᭄ᬧᬮᬶᬂᬗᬯᬶ᭠
ᬮᬗᬶᬦ᭄᭞ᬗᬯᬶᬮᬗᬶᬦ᭄ᬫᬗ᭄ᬤᬾᬳᬦᬸᬢ᭄᭞ᬗᬦᬸᬢᬂᬧᬭᬶᬓ᭄ᬭᬫ᭞ᬓ᭄ᬭᬫᬦ᭄ᬳᬶᬥᭂᬧ᭄ᬫᬸᬜᬶᬮᬓ᭄ᬱᬡᬦᬾᬳᬦᬹᬢ᭄᭞ᬳᬦᬸᬢ᭄ᬫᬗᬸᬗ᭄ᬲᬶᬓᬥᬃᬫ᭄ᬫᬦ᭄᭞ᬥᬃᬫ᭄ᬫᬦᬾᬳᬸᬢ᭄ᬢᬫᬚᬢᬶ᭚᭜᭚ᬧᬹᬃᬯ᭄ᬯ
ᬦ᭄ᬲᬢ᭄ᬯᬦᬾᬧᬵᬳᬹᬃᬯ᭄ᬯᬓ᭞ᬫᬧᬹᬃᬯ᭄ᬯᬩᬦ᭄ᬢᬼᬗᬶᬂᬳᬢᬶ᭞ᬳᬢᬶᬦᬾᬕᬮᬂᬫᬮᬶᬮᬂ᭞ᬫ᭄ᬮᬶᬮᬂᬮ᭄ᬯᬶᬃ᭠ᬰᬸᬤ᭄ᬟᬦᬶᬂᬮᬗᬶᬢ᭄᭞ᬍᬗᬸᬢ᭄ᬲᬵᬭᬷᬦᬶᬂᬳ᭄ᬦᬶᬂ᭞ᬳ᭄ᬦᬶᬂᬳ᭄ᬦᬶᬂᬫᬵᬯᬓ᭄ᬕᬸᬦᬸᬂ᭞ᬕᬶᬦᭂᬗᬂᬳᬧᬂᬫ᭄ᬮᬄ᭞ᬫ᭄ᬮᬄᬲᬢᬢ᭄ᬢᬵ
[᭗᭒ 72A]
ᬲᬸᬮᬶᬂᬮᬶᬂ᭞ᬍᬂᬍᬂᬲᬸᬳᬸᬂᬜᬸᬮᬶᬂᬮᬶᬂᬍᬂᬍᬂᬦᬶᬂᬫᬦᬄ᭟ᬫᬦᬳᬾᬫᬳᬧᬯᬶᬢᬺ᭞ᬧᬯᬶᬢᬺᬫᬦ᭄ᬤᬤᬶᬕᬸᬫᬶ᭞ᬕᬸᬫᬦᬵᬫᬧᬤ᭄ᬫᬵᬲᬦᬵ᭞ᬲ᭄ᬝᬦᬦ᭄ᬳ᭄ᬬᬂᬳᬤᬶᬍᬯᬶᬄ᭞ᬯᬶᬓᬗᬸᬗ᭄ᬲ᭄ᬫᬭᬭᬢᬶᬄ᭞ᬢᬶᬗ᭄ᬓᬄᬫ
ᬢᬶᬢᬶᬲ᭄ᬧᬶᬢᬸᬢᬹᬃ᭞ᬦᬸᬢᬸᬭᬂᬚ᭄ᬜᬡᭀᬢ᭄ᬢᬫ᭞ᬢᬫᬲᬢ᭄ᬫ᭄ᬬᬤᬾᬯᬤᬾᬯᬶ᭞ᬤᬾᬯ᭄ᬯᬵᬦᬸᬭᬸ᭠ᬦ᭄ᬫᬗ᭄ᬮᬸᬓᬢ᭄ᬧᬧᬵᬦᬭᬓ᭟ᬧᬝᬵᬓᬦᬾᬫᬮᬭᬤᬦ᭄᭞ᬤᬤᬶᬫᬮᬫᬸᬭᬸᬤ᭄ᬲᬳᬶ᭞ᬲᬳᬶᬗᬦ᭄ᬢᬶ
ᬗᬦ᭄ᬫᬬᭀᬕ᭞ᬬᭀᬕᬵᬥ᭄ᬬᬢ᭄ᬫᬶᬓᬦᬾᬳᬶᬲ᭄ᬝᬶ᭞ᬳᬶᬲ᭄ᬝᬶᬬᬂᬲᬳᬶᬲ᭄ᬮᬶᬃ᭞ᬲ᭄ᬮᬶᬃᬩᬦ᭄ᬧᬶᬢᬸᬢᬹᬃᬳᬬᬸ᭞ᬳᬬᬸᬳᬗ᭄ᬕᭀᬦ᭄ᬲᬢᬶᬃᬢ᭄ᬣᬦ᭄᭞ᬢᬶᬃᬢ᭄ᬣᬦᬾᬮ᭄ᬯᬶᬄᬤᬤᬶᬳᬸᬭᬶᬧ᭄᭞ᬳᬭᬧ᭄ᬳᬸᬭᬸᬧ᭄ᬳᬋᬧᬾᬧᬤ᭠
ᬤᬶᬫᬦᬸᬱ᭟ᬲᬗ᭄ᬓᬦ᭄ᬳᬗᭀᬢ᭄ᬫᬗᬶᬦ᭄ᬤᬶᬓᬂ᭞ᬓᬮᬗᭂᬦᬾᬚᬢᬶᬍᬯᬶᬄ᭞ᬍᬯᬶᬄᬲ᭄ᬓᬮᬦᬶᬲ᭄ᬓᬮ᭞᭠ᬓᬮᬗᭂᬦ᭄ᬮ᭄ᬕᬦᬾᬚᬦᬶ᭞ᬚᬦᬶᬲ᭄ᬤᭂᬂᬮᬓᭀᬦᬶᬦ᭄᭞ᬦᬶᬦ᭄ᬤᬶᬳᬂᬓᬵᬃᬫ᭄ᬫᬦᬾᬫᬮᬸ᭞ᬫᬮ᭄ᬯᬦ᭄ᬢ᭄ᬯᬄᬓᬫᬸ᭠
Kaca:Bali-lontar-gaguritan-tatuptupan-350ppi.pdf/71
Kaca puniki sampun kauji-wacén
