[᭖᭙ 69B]
᭖᭙
ᬦ᭄ᬳᬢᬶ᭞ᬳᬢᬶᬦᬾᬫᬧ᭄ᬯᬭᬮᬸᬳᬸᬂ᭞ᬮᬸᬳᬸᬂᬳᬗ᭄ᬕᬾᬦ᭄ᬢᬸᬢᬸᬭᬦ᭄᭞ᬫᬦᬸᬢᬸᬭᬂᬲᬸᬓᬤᬸᬄᬓᬢ᭄ᬧᬸᬓ᭄᭞ᬢ᭄ᬧᬸᬓ᭄ᬤᬦᬶᬤᬶᬲᬓᬍ᭞ᬲᬓᬮᬢᬸᬤᬸᬳᬶᬂᬯᬶᬥᬶ᭟ᬯᬶᬤᬕ᭄ᬟᬳᬦᬸᬢ᭄ᬦᬶᬗ᭄ᬓᬳᬂ᭞ᬢᬶᬗ᭄ᬓᬄᬳᬶ᭠
ᬤᬸᬧ᭄ᬤᬤᬶᬓᬮᬯᬦ᭄ᬫᬢᬶ᭞ᬫᬢᬶᬫᬢᬶᬫ᭄ᬧᬮ᭄ᬦᬾᬭᬸᬭᬸᬄ᭞ᬭᬸᬭᬸᬄᬳᬮᬶᬄᬚᭀᬄᬲᬯᬢ᭄᭞᭠ᬲᬯᬢ᭄ᬧᬳᭂᬓ᭄ᬧᬳᭂᬓᬂᬤᬶᬚ᭄ᬭᭀᬦᬶᬂᬕᬸᬦᬸᬂ᭞ᬕᬶᬦᭂᬂᬤᬤᬶᬲᬓᬯ᭄ᬦᬂ᭞ᬯ᭄ᬦᬂᬫᬗ᭄ᬩᭂᬓᬶᬦ᭄ᬕᬸᬫᬶ᭟ᬕᬸᬫᬶᬦᬾᬲ᭄ᬟᭂᬂ᭠
ᬓ᭄ᬫᭂᬢᭂᬂ᭞ᬕᬕᬼᬢᬦ᭄ᬕ᭄ᬫᭂᬢᬂᬕᬢᬶᬕᬢᬶ᭞ᬕᬢᬶᬬᬂᬫᬸᬂᬧᬸᬂᬦᬸᬳᬶᬤᬸᬧ᭄᭞ᬤᬸᬧ᭄ᬤᬸᬧᬂᬳᬧᬂᬫ᭄ᬮᬄ᭞ᬫ᭄ᬮᬄᬳᬗ᭄ᬕᭀᬦ᭄ᬳᬯᬦᬦ᭄ᬫᬗᬸᬗ᭄ᬲᬶᬍᬗᬸᬢ᭄᭞ᬍᬗᬸᬢᬼᬗᭂᬂᬢᬦ᭄ᬧᬢᬸᬭᬄ᭞ᬢᬸᬭᬳᬾᬯ᭄ᬓᬲᬶᬂᬍᬯᬶᬄ᭟ᬍ
ᬯᬶᬄᬳᬧᬂᬤᬦᬦ᭄ᬤ᭄ᬭᬸᬳᬂ᭞ᬢᬦ᭄ᬤ᭄ᬭᬸᬄᬢ᭄ᬓᬾᬦ᭄ᬢᬶᬗ᭄ᬓᬳᬾᬫᬦᬸᬫᬤᬶ᭞ᬫᬦ᭄ᬤᬤᬶᬫᬦᬸᬱᬩᬶᬗᬸᬂ᭞ᬩᬸ᭠ᬗᭂᬂᬗᭂᬦᭂᬳᬂᬳᬯᬓ᭄᭞ᬳᬯᬓ᭄ᬲᬸᬩᬩᬸᬓᬲᬹᬃᬬ᭄ᬬᬦᬾᬲᬾᬂᬓᬯᬸᬄ᭞ᬓᬯᬸᬩᬦ᭄ᬘᬬᬦᬾᬳᬶᬮᬂ᭞ᬳᬶ
[᭗᭐ 70A]
ᬮᬂ᭞ᬳᬶᬮᬂᬫᬗᭂᬓ᭄ᬢᬲᬶᬦ᭄ᬕᬶᬭᬶ᭟ᬕᬶᬭᬂᬫᬶᬮᬸᬕᬶᬭᬬᬲᬦ᭄᭞ᬲᬢ᭄ᬫᬓᬜᬩᬸᬓᬓᬬᬸᬦᬾᬮᬶᬕᬶᬃ᭞ᬮᬶᬕᬶᬃᬢᬬᭂᬫ᭄ᬳᬢᬸᬄᬍᬩᬸᬂ᭞ᬍᬩᬸᬂᬢ᭄ᬯᬭᬳᬚᬶᬜ᭞ᬜᬦ᭄ᬤᬂᬓᬸᬢᬂᬤᬶᬢᭀᬗᭀᬲᬾᬲᬸᬳᬸᬂ᭞ᬲᬸ᭠
ᬯᬸᬂᬲ᭄ᬧᬶᬫᬵᬯᬓ᭄ᬓᬸᬦ᭄ᬬ᭞ᬲᬸᬦ᭄ᬬᬦᬶᬃᬳ᭄ᬪᬦᬦᬶᬃᬫᬶᬭᬶᬂ᭟ᬲᬶᬭᬚᬳᬤᬫᬗᭂᬦᬂ᭞ᬫᬫᬗᭂᬦᬂᬳᬶᬮᬭᬓᬲᬶᬳᬲᬶᬄ᭞ᬳᬲᬶᬄᬢᬺᬱ᭄ᬡᬦᬾᬫᬦᬸᬢᬸᬕ᭄᭞ᬦᬸᬢᬸᬕᬂᬓᬧᬶᬢᬺᬱ᭄ᬡᬦ᭄᭞ᬢᬺᬱ᭄ᬡᬦᬾᬳᬗ᭄ᬕᭀᬦ᭄ᬤᬶᬳ᭄ᬦᬸ
ᬦᬾᬳᬶᬤᬸᬧ᭄᭞ᬳᬶᬤᬸᬧᬾᬕᬦ᭄ᬢᬶᬫᬢᬶᬗ᭄ᬕᬮ᭄᭞ᬦᬶᬗ᭄ᬕᬮᬂᬢᬺᬱ᭄ᬡᬦᬾᬧᬶᬗᬶᬢ᭄᭟ᬧᬶᬗᬶᬢ᭄ᬧᬶᬲ᭠ᬦ᭄ᬳᬢᬹᬃᬢᬶᬢ᭄ᬬᬂ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬓᬭᬶᬫᬚᬗ᭄ᬓᬫᬮᬶᬄ᭞ᬫᬮᬶᬄᬫᬦ᭄ᬤᬸᬮᬸᬭᬶᬦ᭄ᬳᬢᬹᬃ᭞ᬳᬢᬹᬃᬦᬸᬦᬲ᭄ᬲᬵᬫ᭄ᬧᬸ
ᬭ᭞ᬲᬫ᭄ᬧᬸᬭᬬᬂᬳᬢᬹᬃᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬭᬢᬸᬧ᭄ᬭᬕᬬᬦ᭄ᬲᬸᬓ᭄ᬱ᭄ᬫ᭞ᬲᬸᬓ᭄ᬱ᭄ᬫᬬᬂᬢᬶᬢ᭄ᬬᬂᬤᬶᬳᬢᬶ᭟ᬳᬢᬶᬳᬢᬶᬧ᭄ᬢᭂᬂᬮ᭄ᬫᬄ᭞ᬳᬸᬢ᭄ᬢᬫᬬᬂᬳᬲ᭄ᬢᬸᬢᬶᬲᬳᬶᬲᬳᬶ᭞ᬲᬳᬶᬲᬢᬸᬗ᭄ᬕᬸᬦᬶᬂᬳᬶᬤᬸᬧ᭄᭞ᬳᬶᬥᭂᬧᬂ
Kaca:Bali-lontar-gaguritan-tatuptupan-350ppi.pdf/70
Kaca puniki sampun kauji-wacén
