[᭕᭖ 56B]
᭕᭖
ᬳᬶᬤᬵᬳᬶᬤᬾᬯᬵᬕᬸᬂᬳᬶᬲ᭄ᬢ᭄ᬭᬸ᭞ᬫᬳᬯᬶᬦᬦ᭄ᬢᬶᬢ᭄ᬬᬂ᭞ᬧ᭄ᬭᬫᬗ᭄ᬓᬶᬦ᭄ᬫᬮᬶᬄᬓᬳᬸᬢᬸᬲ᭄᭞ᬧᬋᬓ᭄ᬫᬗ᭄ᬮᬸᬗ᭄ᬲᬸᬭᬂ᭞ᬭᬶᬂᬧᬮᬸᬗ᭄ᬕᬸᬄᬪᬝᬵᬭᬭᬶᬲᬶ᭠
ᬦ᭄ᬤᬸ᭚᭐᭚ᬕᬶᬦᬦ᭄ᬢᬶ᭚ᬢᭂᬫ᭄ᬧᭂᬢ᭄ᬧᬶᬢᬸᬗᬦᬾᬫᬸᬧᬸᬢ᭄᭞ᬧ᭄ᬢᭂᬂᬮ᭄ᬫᬄᬲᬳᬶ᭠ᬲ᭄ᬤᬶᬄ᭞ᬲ᭄ᬤᬶᬳᬾᬢᭀᬂᬓᬭ᭄ᬯᬦ᭄᭞ᬩ᭄ᬓᭂᬲ᭄ᬫᬓ᭄ᬦᭂᬳᬦ᭄ᬲᬳᬶ᭞ᬩᬬᬳᬧᬲᬶᬫᬓ᭄ᬭᬡ᭞ᬓ᭄ᬭᬡᬦᬾ᭠
ᬦᬾᬩᬸᬓᬚᬦᬶ᭟ᬚᬦᬶᬫᬲᭂᬮ᭄ᬲᭂᬮᬦ᭄ᬤᬸᬳᬸᬄ᭞ᬦ᭄ᬤᬸᬳᬸᬄᬳᬯᬓᬾᬓᭂᬜ᭄ᬘᬦᬶᬦ᭄᭞ᬗᭂᬜ᭄ᬘᬦᬶ᭠ᬦ᭄ᬫᬗ᭄ᬤᬾᬦᬾᬩᬓᬢ᭄᭞ᬩᬓᬢ᭄ᬩᬳᬦ᭄ᬢᬶᬢ᭄ᬬᬂᬗᬮᬶᬄ᭞ᬗᬮᬶᬄᬦᬯᬂᬩ᭄ᬦᭂᬄᬲᬮᬄ᭞ᬲᬮᬳᬾᬧᬮᬧ᭠
ᬦ᭄ᬲᬳᬶ᭟ᬲᬳᬶᬚᬸᬫᬳᬦ᭄ᬫᬲ᭄ᬓᬸᬂ᭞ᬲ᭄ᬓᬸᬂᬓ᭄ᬦᭂᬳᬾᬕᬮᬶᬳᬶᬦ᭄᭞ᬕᬮᬶᬄᬗ᭄ᬭᬯᭀᬲ᭄ᬧᬤᬶᬤᬶᬬᬦ᭄᭞ᬬᬦ᭄ᬓᬾᬦ᭄ᬲᬚᬫᬤᬦ᭄ᬚᬢᬶ᭞ᬚᬢᬶᬦᬾᬜᬦ᭄ᬤᬂᬋᬲᭂᬧᬂ᭞ᬧᬂᬦᭂᬭᬸᬲ᭄ᬢᭂᬓᭂᬤ᭄ᬓᬲᬶᬲᬶ᭟ᬲᬶᬜᬢᬾ
[᭕᭗ 57A]
ᬮ᭄ᬬᬸᬦᬦ᭄ᬢᬦ᭄ᬤ᭄ᬭᬸᬄ᭞ᬢᬦ᭄ᬤ᭄ᬭᬸᬄᬓᬾᬦ᭄ᬢᬶᬢ᭄ᬬᬂᬦᬸᬘ᭄ᬦᬶᬓ᭄᭞ᬘ᭄ᬦᬶᬓ᭄ᬓᬮᬶᬦ᭄ᬢᬂᬓᬢᬸᬦᬦ᭄᭞ᬢᬸᬦᬫᬦᬄᬢᬸᬦᬵᬤᬕᬶᬂ᭞ᬤᬕᬶᬂᬢᬶᬢ᭄ᬬᬂᬜᬸᬓ᭄ᬱ᭄ᬫᬬᬂ᭞ᬲᬸᬓ᭄ᬱ᭄ᬫᬬᬂᬬᬾᬦ᭄ᬢ᭄ᬯᬄᬤᬤᬶ᭟ᬤᬤᬶᬩᬳᬦ᭄ᬢᬶᬢ᭄ᬬᬂᬗᬧᬸᬢ᭄᭞
ᬧᬕᭂᬭᬂᬤᬶᬳᬸᬮᬸᬦᬢᬶ᭞ᬢᬶᬢᬄᬬᬤᬶᬦ᭄ᬳᬫ᭄ᬩᬸᬮ᭄ᬳᬧ᭞ᬧᬂᬓᬺᬂᬜᬾᬯᬓᬲᬳᬶ᭞ᬲᬳᬶᬫᬲᬶᬄᬫᬦᬫ᭄ᬧᭂᬤᬂ᭞ᬤᬤᬶᬳᬸᬘᬧᬦ᭄ᬢᬦ᭄ᬫᬭᬶ᭟ᬭᬾᬄᬲᬸᬩᬓᬤᬸᬂᬫᬦᬓᬸ᭞ᬓᬸᬤ᭄ᬬᬂᬚᬦᬦ᭄ᬤ᭄ᬭᬸᬳᬂᬩᬸᬯᬶᬦ᭄᭞ᬯᬶᬢ᭄ᬓ
ᬫᬸᬮᬦ᭄ᬧᬸᬮᬓ᭄ᬭᬢ᭄ᬢ᭞ᬢᭀᬂᬧᬶᬲᬫᬗ᭄ᬮᬄᬓᬶᬃᬢ᭄ᬢᬶ᭞ᬢᬦ᭄ᬧᬕᬯᬾᬤᬤᬶᬚᬦ᭄ᬫ᭞ᬫᬦ᭄ᬤᬩᬕ᭄ᬬᬦᬾᬦᬸᬫᬤᬶ᭟ᬤᬶᬓᬾᬦᬾᬢᬶᬢ᭄ᬬᬂᬢᬸᬫ᭄ᬩᬸᬄ᭞ᬩᬸᬓᬢ᭄ᬯᬭᬧᬶᬲᬦ᭄ᬫᬶᬭᬶᬩ᭄᭞ᬫᬶᬭᬶᬩ᭄ᬢᬳᬾᬦ᭄ᬧᬧ
ᬢᬸᬢᬦ᭄᭞ᬧᬢᬸᬢ᭄ᬩᬶᬓᬲᬾᬚᬮᬦᬶᬦ᭄᭞ᬧ᭄ᬮᬶᬄᬩᬳᬦ᭄ᬳᬕᬸᬮᬶᬓᬦ᭄᭞ᬢᭀᬩᬸᬯᬶᬦ᭄ᬧᬘᬂᬳᭂᬫᬲᬶᬦ᭄᭚ᬤ᭄ᬫᬸᬂ᭚ᬳᬶᬩᬸᬓ᭄ᬓᭂᬦᬶᬳᬾᬢᬦ᭄ᬲᬶᬧᬶᬧ᭄ᬢᭂᬂᬮ᭄ᬫᬄ᭞ᬓ᭄ᬩᬸᬲ᭄ᬫᬸᬮᬗ᭄ᬲᬃᬗᬭᬸᬄ᭞ᬧᭂᬲᬸᬫᬸ
Kaca:Bali-lontar-gaguritan-tatuptupan-350ppi.pdf/57
Kaca puniki sampun kauji-wacén
