[᭕᭕ 55B]
᭕᭕
ᬝᬵᬭᬶ᭞ᬯᬶᬢ᭄ᬫᭂᬫ᭄ᬩᬦᬦ᭄ᬲᬓᬶᬂᬢᬺᬱ᭄ᬡᬵ᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬕᬮᬶᬳᬶᬦ᭄ᬭᬢᬸ᭟ᬲ᭄ᬫᬮᬶᬄᬭᬢᬸᬧᬸᬦᬶᬓᬶᬫᬳᬯᬶᬦᬦ᭄᭞ᬢᬶᬢ᭄ᬬᬂᬤᬤᬓᬦ᭄ᬭᬯᬸᬄ᭞ᬢᬗ᭄ᬓᬶᬮ᭄ᬪᬝᬵᬭ᭄ᬬᬵᬕᬸᬂ᭞ᬯᬯᬸᬓᭂᬲᬾᬗᬦ᭄ᬧ᭄ᬭᬫᬗ᭄ᬓᬶᬦ᭄᭞ᬢᬶ
ᬢ᭄ᬬᬂᬲ᭄ᬤᭂᬓ᭄ᬮᬸᬗ᭞ᬮᬸᬗᬵᬦᬾᬦᬍᬃᬓᬳᬸᬢᬸᬲ᭄᭞ᬜᬸᬲᬸᬧ᭄ᬕᬸᬦᬸᬂᬳᬮᬲ᭄᭞ᬗᬺᬋᬄᬩᬸᬭᭀᬦ᭄ᬓᬲ᭄ᬢᬸᬭᬶ᭞ᬕᬸᬫᬦᬧᬘᬂᬩ᭄ᬯᬢᬂ᭞ᬭᬾᬄᬧᬸᬦᬶᬓᬲᬦᬾᬓᬯᬸᬯᬸᬲ᭄᭟ᬓᭀᬘᬧ᭄ᬳᬶᬩᬸᬭᭀᬦ᭄ᬓᬲ᭄ᬢᬸᬭᬶᬫᬳᬸᬢ᭠
ᬫ᭄ᬫ᭞ᬧᬫ᭄ᬓᬲᬶᬂᬓᬲᬸᬫ᭄ᬩᬸᬂ᭞ᬳᬸᬱᬤᬦᬶᬂᬓᬬᬸᬦ᭄᭞ᬫᬗ᭄ᬭᬸᬯᬢ᭄ᬧᬧᬵᬤᬸᬲ᭄ᬓᬺᬢᬶ᭞ᬲᬮ᭄ᬯᬶᬃᬤᬰᬫᬮ᭞ᬗ᭄ᬕᭂᬲᭂᬂᬲᬯᬶᬱ᭄ᬬᬦᬾᬍᬩᬹᬃ᭞ᬫᬭᬕᬳᬫᬺᬢ᭄ᬣ᭞ᬫᬓᬳᬸᬭᬶᬧᬶᬂᬪᬸᬫᬶ᭞ᬧᬸᬦᬶᬓᬫᬯᬦᬦ᭄ᬢᬶᬢ᭄ᬬᬂ᭞ᬲᬭᬵ
ᬢ᭄ᬗ᭄ᬭᬸᬭᬸᬄᬫᬗ᭄ᬤᬓᬧᬗ᭄ᬕᬸᬄ᭟ᬤᬾᬦᬶᬂᬋᬓᬾᬯ᭄ᬓᬲ᭄ᬘ᭄ᬮᬶᬄᬘ᭄ᬮᬸᬢ᭄ᬧᬶᬲᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᭂᬳᬶᬳᭂ᭠ᬚᬸᬓ᭄᭞ᬬᬦ᭄ᬢᬫ᭄ᬧᭂᬓᬶᬦ᭄ᬫᬦᬸᬄ᭞ᬯᬯᬸᬤᬓᭂᬧ᭄ᬳᬶᬧᬸᬦ᭄ᬩᭂᬮᬶᬕ᭄᭞ᬓᭂᬧᬸᬂᬲᬬᬦᬺᬗᬲ᭄᭞ᬬᬦ᭄ᬓᬩᬼᬳᬂᬳ
[᭕᭖ 56A]
ᬚᬓ᭄ᬮᬶᬬᬸ᭞ᬓᬾᬄᬲᬸᬫᬗ᭄ᬓᬶᬦ᭄ᬲᬯᬢ᭄᭞ᬭᬶᬂᬕᬸᬯᬦᬾᬫᬗ᭄ᬭᬜ᭄ᬚᬶᬂ᭞ᬬᬦ᭄ᬚᬸᬄᬚᬸᬄᬭᬲᬗᬤᭀᬳᬂ᭞ᬫᬲᬶᬦ᭄ᬤᬸᬢᬦ᭄ᬢᭀᬗᭀᬲ᭄ᬫᬘ᭄ᬮᬸᬧ᭄᭟ᬕᬸᬯᬦᬾᬭᬳᬲ᭄ᬬᬧᬶᬗᬶᬢ᭄ᬫᬤᬹᬃᬕ᭄ᬕᬫ᭞ᬫᬫᬾᬢᬾ
ᬮ᭄ᬓᬗᬶᬦ᭄ᬓᬯᬸᬄ᭞ᬓᬚᬵᬓ᭄ᬮᭀᬤ᭄ᬲᬸᬳᬸᬂ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬦᬵᬗ᭄ᬕᬸᬮᬶᬦ᭄᭞ᬬᬦ᭄ᬚᬯᬢ᭄ᬭᬶᬂᬢ᭄ᬗᬄ᭞ᬢᬍᬄᬳᬦ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬸᬄ᭞ᬬᬦ᭄ᬭᬶᬂᬤᬸᬳᬸᬃᬕᬯᬂ᭞ᬗᬮᬸᬓ᭄ᬢᬂᬤᬸᬦ᭄ᬬᬲᬫᬶ᭞ᬫᬳᬯᬶᬦᬦ᭄ᬢᬶᬢ᭄ᬬᬂᬢᬸ᭠
ᬮᬦ᭄᭞ᬳᬸᬮᬂᬳᬸᬮᬶᬄᬫᬯᬦ᭄ᬢᬸ᭟ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬫᬫᬃᬕᬶᬕᬕᬜ᭄ᬘᬗᬦ᭄᭞ᬢᬶᬦ᭄ᬤᬓᬦ᭄ᬲᬤ᭄ᬟᬲᬶᬲᬸ᭞ᬫᬗ᭄ᬤᬕ᭄ᬮᬶᬲ᭄ᬭᬯᬸᬄ᭞ᬭᬯᬸᬄᬢᬶᬢ᭄ᬬᬂᬗᬾᬭᬶᬂᬧᬸᬭᬶ᭞ᬲᬤᬧᭂᬢᬂᬢᬶᬢ᭄ᬬᬂ᭞ᬳᬶᬤᬳᬦᬓ᭄ᬪᬝᬵ᭠
ᬭ᭄ᬬᬵᬕᬸᬂ᭞ᬳᬕᬸᬂᬕ᭄ᬟᬾᬳᭀᬓ᭞ᬓ᭄ᬜᭂᬓᬦ᭄ᬓᬭᬶ᭞ᬲᬸᬓ᭄ᬱ᭄ᬫᬭᬶᬂᬧ᭄ᬓᬬᬸᬦᬦ᭄᭞ᬫᬢᭂᬧᬸᬓᬶᬦ᭄ᬤᬲ᭄ᬤᬲᬦ᭄ᬮᬘᬹᬃ᭟ᬫᬶᬢᬳᭂᬦ᭄ᬢᬦ᭄ᬯᬾᬦ᭄ᬢᭂᬦ᭄ᬓᬭᬶᬭᬳᬢ᭄ᬧᬶᬲᬦ᭄᭞ᬩᬸᬲᬦ᭄ᬩᬸᬲᬦ᭄ᬓᬳᬦ᭄ᬢᬸ᭞ᬳᬦᬓ᭄ᬧᬤᬡ᭄ᬟᬵᬕᬸᬂ
Kaca:Bali-lontar-gaguritan-tatuptupan-350ppi.pdf/56
Kaca puniki sampun kauji-wacén
