[᭔᭐ 40B]
᭔᭐
ᬢ᭄᭞ᬜᭂᬮ᭄ᬲᭂᬮᬂᬧᬸᬍᬓᬺᬢᬦᬾ᭞ᬦᬄᬲᬸᬩᬕᬦ᭄ᬢᬶᬮᬘᬹᬃ᭞ᬢ᭄ᬯᬭᬤᬤᬸᬳᬸᬮᬄᬓ᭄ᬮᬶᬤᬶᬦ᭄᭞ᬳ᭄ᬜᬾᬦ᭄ᬲᭂᬮ᭄ᬲᭂᬮ᭄ᬲᬮᬳᬂ᭞ᬘᬭᬾᬦ᭄ᬳᬫᬸᬳᬫᬸ᭞ᬢ᭄ᬯᬄᬲᬸᬩᬧᬜᬢ᭄ᬭᬾᬦ᭄ᬢᬶᬢᬄ᭞ᬓ᭄ᬭᬡᬓᬾᬦᬾ᭞ᬢᬶᬢ᭄ᬬᬂ
ᬧᬤᬶᬤᬶᬦᬦ᭄ᬤᬗᬶᬦ᭄᭞ᬧᬜ᭄ᬘᬕᬢᬶᬲᬗ᭄ᬲᬭ᭟ᬲᬮᬫᬶᬜᬢᬶᬢ᭄ᬬᬂᬩᬸᬓᬚᬦᬶ᭞ᬫᬲᬶᬄᬢ᭄ᬯ᭠ᬭ᭞ᬳᬤᬓᬧᬶᬯ᭄ᬮᬲᬦ᭄᭞ᬫᬤᬍᬫ᭄ᬳᬯᬓ᭄ᬢᬶᬢ᭄ᬬᬗᬾ᭞ᬳᬤᬬᬦ᭄ᬘᭂᬦ᭄ᬤᭂᬢ᭄ᬢᬸᬢᬸᬄ᭞ᬩᬲ᭄ᬢᭀᬂᬫᬫ᭄ᬧᬸᬄ
ᬢᬶᬢ᭄ᬬᬂᬦᬳᭂᬦᬶᬦ᭄᭞ᬓᬸᬤᬸᬤᬾᬳᬶᬤᬸᬧ᭄ᬚᭂᬗᬄ᭞ᬳᬭᬸᬄᬩᭀᬬᬫᬫ᭄ᬧᬸᬄ᭞ᬩᬦ᭄ᬯᭂᬓᬲᬶᬂᬫᬳᬩᬭ᭞ᬳᬭᬄᬲᬸᬩ᭞ᬲᬓᬶᬢᬦ᭄ᬢᭂᬓᬾᬦᬶᬂᬫᬢᬶ᭞ᬲᬗ᭄ᬲᬭᬵᬗ᭄ᬕᭂᬮᬕᭂᬮᬵ᭟ᬗᬤᬸᬳᬸᬂᬲᬦ᭄ᬢᬶᬢ᭄ᬬᬂᬫᬭ
ᬚᬦᬶ᭞ᬢ᭄ᬓᬾᬦ᭄ᬳᬯᬓ᭄᭞ᬳᬧᬲᬶᬫ᭄ᬓᬤ᭞ᬓ᭄ᬭᬡᬓᬾᬦᬾᬧᬦᬤᬶᬦᬾ᭞ᬲᬳᬸᬭᬳᬭᬶᬄᬮᬘᬹᬃ᭞ᬢᬸᬲᬶᬂᬧᬶᬲᬦ᭄ᬯᬶᬥᬶᬦᬾᬳᬲᬶᬄ᭞ᬧ᭄ᬤᬲ᭄ᬢ᭄ᬯᬄᬧᬶᬢᬺᬧᬧᬵ᭞ᬤᬤᬶᬢ᭄ᬬᬂᬢᬸᬫ᭄ᬩᬸᬄ᭞ᬲᬗᬳ᭄ᬓᬾᬦᬾᬫᬦ᭄ᬤᬩ
[᭔᭑ 41A]
ᬕ᭄ᬬ᭞ᬳᬭᬄᬲᬸᬩ᭞ᬢᭀᬂᬤᬤᬶᬳᬸᬮᬄᬓ᭄ᬮᬶᬤᬦ᭄᭞ᬕᬦ᭄ᬢᬶᬦᬾᬦᬫᬚ᭄ᬗᬄ᭞ᬚ᭄ᬦᭂᬂᬢ᭄ᬯᬭᬢᬳᬾᬦ᭄ᬗᭂᬮᬄᬓᬶᬃᬢ᭄ᬢᬶ᭞ᬦᬾᬭᬶᬂᬓᬸᬦ᭞ᬢᭀᬓᬸᬤ᭄ᬬᬂᬫᬶᬭᬶᬬᬂ᭞ᬳᬯᬓᬾᬯ᭄ᬓᬲ᭄ᬫᬬᬸᬲᬾ᭞ᬫᬩ᭄ᬭᬢ᭄ᬣᬲᬶᬂᬤᬲᬸ᭠
ᬫ᭄ᬧᬸ᭞ᬚᬦᬶᬦᬕᬶᬄᬫᬘᬂᬫᬸᬧᭀᬦᬶᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬶᬭᬶᬬᬂ᭞ᬓᬤᬸᬗᬫᬧᬸᬦ᭄ᬤᬸᬄ᭞ᬳᬭᬄᬢᭀᬂᬤᬤᬶᬢᬸᬗ᭄ᬓᬲᬂ᭞ᬯᬶᬭᬾᬄᬲᬗᭂᬢ᭄᭞ᬧᬜ᭄ᬘᬾᬦ᭄ᬤ᭄ᬭᬶᬬᬦᬾᬜᬸᬲᬸᬧᬶᬦ᭄᭞ᬜᬼᬕ᭄ᬳ᭄ᬬᬫᬳᬸᬦᬸᬤ
ᬦ᭄᭞᭚ᬧᬂ᭚ᬫᬶᬓᬲᭀᬩ᭄ᬓᭀᬭᬢᬸᬢᬶᬢ᭄ᬬᬂ᭞ᬦᬶᬗᭂᬄᬫᬸᬦ᭄ᬳᬦᬓᬾᬢᬯᬄᬕ᭠ᬢᬶ᭞ᬦᬶᬓᬲ᭄ᬤᬶᬂᬭᬢᬸᬕᬸᬕᬸ᭞ᬩᬦᬾᬤᬸᬯᭂᬕ᭄ᬫᬘᬸᬅ᭄ᬳᬂ᭞ᬫᬗᬢᬸᬭᬂᬳᭀᬢᬦᬾ᭞ᬓᬦ᭄ᬳᬤᬓᬕᬸᬂ᭞ᬓ᭄ᬭᬡ᭠
ᬢᬶᬢ᭄ᬬᬂᬕ᭄ᬮᬸᬧᬶᬲᬦ᭄᭞ᬩᬦᬾᬢ᭄ᬯᬭᬳᬤᬳᭂᬲᬶᬂ᭟ᬳᬾᬗ᭄ᬕᬮᬦ᭄ᬳᬦᬓᬾᬦᬯᬂ᭞ᬢ᭄ᬓᬾᬦ᭄ᬢᬶᬢ᭄ᬬᬂᬦᬾᬦᬸᬘᬧ᭄ᬫᬗᬯᬓᬶᬦ᭄᭞ᬢᭂᬦ᭄ᬲᬓᬾᬯᬮᬦᬓᬕᬸᬂ᭞ᬕᬶᬲᬶᬧᬶᬢᬺᬱ᭄ᬡᬦ᭄ᬢᬶᬬᬂ᭞ᬤ᭄ᬟᬢᬾᬭᬢᬸᬗᬸᬕᬸᬳᭀᬃ
Kaca:Bali-lontar-gaguritan-tatuptupan-350ppi.pdf/41
Kaca puniki sampun kauji-wacén
