Kaca:Bali-lontar-gaguritan-tatuptupan-350ppi.pdf/40

Kaca puniki sampun kauji-wacén

[᭓᭙ 39B]
᭓᭙
ᬦ᭄ᬓᬾᬦ᭄ᬳᬦ᭄ᬢᬸᬓ᭄ᬩᬓᬮ᭄ᬜᬮᬶᬫᬸᬭᬂᬳᬢᬶ᭞ᬧᬚᬮᬦᬾᬢᬸᬕᬓ᭄᭞ᬤᭀᬮ᭄ᬢᬦ᭄ᬤᭀᬮ᭄ᬧᬋᬢ᭄ᬫᬫᭂᬦ᭄ᬤᬶᬮ᭄᭞ᬤᬶᬧᭀᬦ᭄ᬤᭀᬓ᭄ᬗᬶᬓᬺᬓ᭄ᬫᬦ᭄ᬕᬓ᭄᭟ᬩ᭄ᬗᭀᬂᬩ᭄ᬗᭀᬂᬚ᭄ᬫᬓ᭄ᬤᬮᬸᬯᬗᬾᬢᬸᬮᬶᬲ᭄᭞ᬳᬗ᭄ᬕᭀᬦ᭄ᬧᬳᬶᬗᭂ
ᬢᬦ᭄᭞ᬗᬸᬗ᭄ᬕᬸᬳᬂᬳᬯᬓᬾᬢᬯᬶ᭞ᬲᬢᬢᬶᬗ᭄ᬓᬳᬦᬾᬦ᭄ᬭᬓ᭟ᬤᬶᬢᬸᬳᭀᬜᬂᬧ᭄ᬦᬾᬓᬂ᭠ᬲᭀᬮᬳᬾᬲᬫᬶ᭞ᬲᬢ᭄ᬫᬓᬫᬓᬶᬲ᭞ᬓᬳᬸᬓᬸᬫ᭄ᬳᬦ᭄ᬢᬸᬓ᭄ᬳ᭄ᬬᬂᬯᬶᬥᬶ᭞ᬓᬢᬶᬢᬄᬫᬗ᭄ᬕᬶᬄᬤᬸᬄᬓᬶᬢ᭄ᬣ᭟ᬤ᭄ᬯᬦᬶᬂ
ᬢᬶᬢ᭄ᬬᬂᬓᬲᬂᬲᬂᬢ᭄ᬓᭂᬤ᭄ᬓᬚᬯᬶ᭞ᬓᬾᬦᬾᬢᬦ᭄ᬧᬩ᭄ᬭᬬ᭞ᬫᬾᬫᬾᬩᬧᬩ᭄ᬮᬲ᭄ᬲᬫᬶ᭞ᬚᭀᬄ᭠ᬚᬮᬦᬦ᭄ᬮᬶᬫᬂᬤᬶᬦ᭟ᬗ᭄ᬮᬄᬜᬫᬮᬶᬬᬸᬢ᭄ᬯᬭᬩᬓᬢ᭄ᬦᭀᬢᬶᬦ᭄᭞ᬢᭀᬫᬓ᭄ᬭᬡᬳᬸᬬᬂ᭞ᬲᬭᬸᬯᬂᬲᬸ
ᬫᬗ᭄ᬓᬶᬦ᭄ᬤᬶᬧ᭄ᬤᬶᬧ᭄᭞ᬧᬮᬶᬂᬮᬶᬗ᭄ᬮᬸᬂᬩᬸᬗᭂᬂᬧᬶᬲᬦ᭄᭟ᬢᬸᬗ᭄ᬕᬮ᭄ᬳᬶᬗᭂᬢ᭄ᬢᬦ᭄ᬫᬭᬶᬦᬸᬗᬤᬂᬮᬗᬶᬢ᭄᭞ᬲᬗᭀᬲᬗᭀᬲᬯᬢ᭄᭞ᬳᭂᬳᭂᬦ᭄ᬤᭂᬓᭂᬲᬦᬾᬢᬶᬢᬶᬃ᭞ᬳᬶᬗᭂᬢ᭄ᬓᬾᬦ᭄ᬧᬦᬸᬫᬶᬕᬶᬲᬦ᭄᭟ᬤᬤᬶᬧᭂᬲᬸ᭠
[᭔᭐ 40A]
ᬫᬸᬜᬶᬦᬾᬩᬸᬓᬗᬸᬢᬶᬧᬶᬢ᭄᭞ᬳᬗ᭄ᬓᬶᬳᬦᬾᬦᬸᬗ᭄ᬕᬄ᭞ᬳᭂᬗ᭄ᬲᭂᬓ᭄ᬩᭂᬮ᭄ᬩᭂᬍᬦ᭄ᬤᬶᬳᬢᬶ᭞ᬧᭂᬲᬸᬬᬾᬄᬫᬢᬦᬾᬫ᭄ᬩᬸᬯᬲ᭄᭟ᬤᬸᬓᬶᬂᬓᬸᬦᬩᬲ᭄ᬢ᭄ᬯᬭᬫᬗ᭄ᬮᬄᬓᬶᬃᬢ᭄ᬢᬶ᭞ᬦᬾᬚᬦᬶᬢᬫ᭄ᬧᭂᬤᬂ᭞ᬓᬩᬶᬦᬩᬶᬦᬓᬧᬗ᭄ᬕᬶᬄ᭞
ᬚ᭄ᬦᭂᬂᬢᭀᬂᬤᬤᬶᬓ᭄ᬮᬶᬤᬂ᭟ᬳᬶᬗ᭄ᬕᬶᬄᬭᬢᬸᬤᬾᬯ᭄ᬯᬧ᭄ᬭᬓᬵᬳ᭄ᬬᬗᬦ᭄ᬲᬫᬶ᭞ᬤᭀᬂᬲᬵᬫ᭄ᬧᬸᬭᬢᬶᬢ᭄ᬬᬂ᭞᭠ᬫᬓᬵᬤᬶᬭᬶᬂᬲᬂᬳ᭄ᬬᬂᬯᬶᬥᬶ᭞ᬢᬶᬢ᭄ᬬᬂᬦᬸᬦᬲ᭄ᬮᬮᬸᬧᬸᬢᬦ᭄᭟ᬬᬦ᭄ᬓᬲᬶᬤ᭄ᬟᬦ᭄ᬲᬵᬫ᭄ᬧᬸᬜ᭄ᬚᬫᬓᬵᬤᬶᬭᬶᬳᬶᬦ᭄᭞
ᬫᬗ᭄ᬕᬶᬳᬶᬦ᭄ᬓᬲᬸᬓᬵᬦ᭄᭞ᬩᬦ᭄ᬢᬲ᭄ᬲᬸᬫ᭄ᬤᬄᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬯᬦ᭄ᬢᬄᬜᬸᬓ᭄ᬱ᭄ᬫᬬᬂ᭟ᬦᬄᬤ᭄ᬧᬂᬲᬯᬶᬸᬦ᭄ᬚᬸᬯᬂᬓᬾᬯᬮᬦᬸᬳᬸᬭᬶᬧ᭄᭞ᬕᬫᬦᬾᬫᬗ᭄ᬕᭂᬳᬂ᭞ᬳᭂᬦ᭄ᬢᭀᬦᬾᬳᬧ᭄ᬢᬶᬳᬲ᭄ᬢᬶᬢᬶ᭞ᬢᬸᬦᬲ᭄ᬭᬶᬂᬲᬂᬫᬯᬶᬲᬾ=
ᬱ᭟ᬧ᭄ᬢᭂᬂᬮ᭄ᬫᬄᬢ᭄ᬯᬭᬦᬾᬮᬾᬦ᭄ᬤᬤᬶᬧᬶᬓᬶᬃ᭞ᬧᬶᬦᬄᬓᭂᬘᬸᬤ᭄ᬕᭂᬧᬂ᭞ᬫᬕᬤᬂᬤᬳᬶᬫᬫᬸᬚᬶ᭞ᬩᬸᬗᬸᬢᬾᬧᬸᬘᬸᬂᬫᬚᬫ᭄ᬚᬫ᭄᭚ᬥᬂ᭚ᬳᬶᬩᬸᬓ᭄ᬧ᭄ᬢᭂᬂᬫᬓ᭄ᬦᭂᬳᬦ᭄ᬤᬤᬶ᭞ᬫᬓᬫ᭄ᬩᬗᬦ᭄᭞ᬢ᭄ᬯᬭᬓᬭ᭄ᬯᬦ᭄ᬳᭀᬗ᭄ᬓ᭠