[᭓᭐ 30B]
᭓᭐
ᬦ᭄ᬳᬮᬸᬭᬦᬾᬦᬵᬫ᭄ᬧᬶᬄ᭞ᬭᬭᬶᬲᬂᬳᬶᬘᬾᬦᬶᬦ᭄ᬭᬸᬭᬸᬩ᭄᭞ᬮᬸᬗ᭄ᬲᬸᬭᬦ᭄ᬲᬶᬜ᭄ᬚᬂᬧᬢ᭄ᬭ᭞ᬲᬵᬓ᭄ᬱᬢ᭄ᬓᬚᬂᬫᭀᬤ᭄ᬫᭀᬤᬶᬗ᭄ᬕᬦ᭄ᬢᬾᬦᬶᬤ᭄ᬜᬗ᭄ᬮᬸᬄ᭞ᬳᭂᬦ᭄ᬭᬲ᭄ᬩᬳᬦ᭄ᬢᭀᬢᬩ᭄ᬯᬱ᭄ᬧ᭞ᬋᬋᬗᬶᬄᬳᬗ᭄ᬕᬾᬦ᭄ᬓᬤ᭠
ᬯᬶᬦ᭄᭟ᬢᬃᬧ᭄ᬧᬡᬩ᭄ᬧᬶᬢᬺᬱ᭄ᬡ᭞ᬭᬭᬶᬲ᭄ᬓᬸᬢᬂᬩᬤᬾᬩᬦ᭄ᬲᬸᬲᬸᬭᬸᬧᬶᬢ᭄᭞ᬫᬢᬸᬤᭀ᭠ᬦ᭄ᬤᬶᬚ᭄ᬭᭀᬦᬶᬂᬓᬲᬹᬃ᭞ᬩᬦ᭄ᬤᬸᬲᬩᬳᬦ᭄ᬤᬤ᭄ᬟ᭞ᬧᬢᬸᬮᬗᬦ᭄᭞ᬳᬤ᭄ᬬᬦᬾᬭᬫ᭄ᬧᬶᬂᬢᬹᬃᬍᬫᬸᬄ᭞ᬳᬶᬭᬶᬓᬭᬭᬶ᭠
ᬲᬂᬮᬸᬓᬃ᭞ᬳᭂᬋᬫᬂᬳᬶᬘᬾᬦᬺᬋᬫᬶᬄ᭟ᬧᬦ᭄ᬢᭂᬳᬶᬦ᭄ᬳᬶᬦ᭄ᬢᬸᬦ᭄ᬢᬗᬦ᭄᭞ᬫᬗ᭄ᬤᬾᬓᬸᬓᬸᬄᬢᬸᬜ᭄ᬚᭂᬮ᭄ᬩᬓ᭄ᬮᬶᬕᬦ᭄ᬳᬢᬶ᭞ᬳᬯᬸᬦᬾᬭᬭᬶᬲᬂᬳᬜᬸᬢ᭄᭞ᬤᬶᬲᬯᬗᬾᬦᬾᬲ᭄ᬬᬄ᭞ᬫᬳᬸᬍᬓᬦ᭄ᬧᬗᬼᬧᬲ᭄ᬫ
ᬢᬶᬳᬸᬮᬯᬸᬦ᭄᭞ᬤᬶᬧᬲᬶᬲᬶᬦ᭄ᬜᬦᬾᬳᬮᬲ᭄᭞ᬲᬵᬃᬯ᭄ᬯᬗᬸᬗᬦ᭄ᬤᭂᬂᬫᬶᬳᬶᬓ᭄᭟ᬓᬳᬸᬘᬧ᭄ᬢᬗ᭠ᬦ᭄ᬩᬕᬾᬦ᭄ᬟᬵ᭞ᬧᬲᬩᬦᬶᬂᬳᬶᬤ᭄ᬟᬲᬂᬲ᭄ᬫᬭᬭᬢᬶᬄ᭞ᬬᬦᬶᬂᬫᬓᬭᭀᬦ᭄ᬳᬸᬮᬗᬸᬦ᭄᭞ᬯᬮᬸᬬᬓᬤᬶᬰ᭄ᬯᬃ
[᭓᭑ 31A]
ᬕ᭄ᬕᬦ᭄᭞ᬕᬸᬦᬸᬂᬳ᭄ᬫᬲ᭄᭞ᬦᬾᬫᬧᬸᬘᬓ᭄ᬳᬶᬡ᭄ᬝᭂᬦ᭄ᬫᬸᬭᬸᬩ᭄᭞ᬓᬸᬓᬸᬄᬤᬤᬶᬢᬸᬮᬓ᭄ᬮᬭ᭞ᬤᬶᬲᬶᬲᬶᬦ᭄ᬤᬦᬸᬦᬾᬫᬶᬗ᭄ᬕᬶᬮ᭄᭟ᬧᭀᬭᭀᬤ᭄ᬕᬚᬄᬢ᭄ᬯᬭᬕᬶᬗ᭄ᬕᬂ᭞ᬳᬧᬦ᭄ᬤᬶᬢᬸᬢᭀᬗᭀᬲ᭄ᬜᬦᬾᬫᬩᬺᬲᬶᬄ᭞ᬲᬸ
ᬓᬫᬓᬸᬫ᭄ᬓᬸᬫᬦᬭᬸᬫ᭄᭞ᬲᬳᬲᬹᬃᬬ᭄ᬬᬲᬾᬯᬦ᭞ᬓᬤᬶᬳᬗ᭄ᬰᬢ᭄ᬯᬭᬲᬸᬳᬸᬤ᭄ᬲᬳᬶᬫᬦ᭄ᬤᬸᬲ᭄᭞ᬫᬗᬮᬶᬄᬤᬦᬸᬧᬯᬶᬢᬺ᭞ᬫᬗᬸᬮᬸᬭᬶᬦ᭄ᬮᭂᬕᬦ᭄ᬳᬢᬶ᭟ᬩᬸᬓᬚᬦᬶᬲᬓᬶᬢ᭄ᬫᬦᬄ᭞ᬗ᭄ᬮᬵᬕ᭄ᬮᬳᬶᬤᬸᬧ᭄ᬧᬤ᭄ᬟ᭠
ᬮᬤ᭄ᬫᬢᬶ᭞ᬢᬦ᭄ᬲᬄᬫᬦ᭄ᬤᬸᬮᬫᬾᬲᬸᬳᬸᬂ᭞ᬲᬳᬶᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬳᬯᬚ᭄ᬯᬧᬵᬮᬦ᭄ᬧᬕᬯᬾᬦᬾᬫᬮᬸ᭞ᬲᬗ᭄ᬓᬦ᭄ᬫᬦ᭄ᬫᬸᬤᬸᬄᬓᬶᬢ᭞ᬩᬸᬓᬓ᭄ᬤᬶᬲ᭄ᬓ᭄ᬮᬶᬓ᭄ᬓᭂᬮᬶᬓ᭄᭟ᬧᬮᬶᬂᬗᬢᬶᬳᬢᬶᬳᬸᬚᬦ᭄᭞᭠
ᬧᬦᬲ᭄ᬩᬭᬢᭀᬂᬳᬤᬫᬦᬤᬸᬳᬶᬦ᭄᭞ᬫᬢᬶᬫᬦᬳᬦᬂᬓ᭄ᬩᬸᬲ᭄᭞ᬩᬸᬓᬢᭀᬂᬫ᭄ᬭᬯᬢ᭄ᬳᬸᬚᬦ᭄᭞ᬤᬸᬄᬫᬲ᭄ᬫᬭᬄ᭞ᬤᬾᬯᬓᬶᬂᬳᬶᬧᬲᬶᬃᬫᬥᬸ᭞ᬓᬤᬸᬦ᭄ᬫᬦᬶᬲ᭄ᬫᬳᭀᬫ᭄ᬩᬓᬦ᭄᭞ᬗᬜᬸᬤᬂᬳᬶᬩᬸᬤᬸᬄ᭞᭠
Kaca:Bali-lontar-gaguritan-tatuptupan-350ppi.pdf/31
Kaca puniki sampun kauji-wacén
