Kaca:Bali-lontar-gaguritan-tatuptupan-350ppi.pdf/30

[᭒᭙ 29B]
᭒᭙
ᬍᬧᬸᬕ᭄᭞ᬫᬕᬸᬍᬫ᭄ᬲᬭᬷᬦ᭄ᬧᬥᬓ᭄᭞ᬳᬸᬚᬦ᭄ᬩᬸᬗᬵ᭞ᬢᬫ᭄ᬩᬸᬮᬶᬮᬶᬗᬦ᭄ᬗᬭᬶᬬᬸᬂ᭞ᬫᬶᬭᬶᬩ᭄ᬕᬸᬭᬸᬄᬰᬰᬶᬄᬓᬧᬢ᭄᭞ᬳᬗᬶᬦᬾᬳᬭᬶᬲ᭄ᬲᬸᬫᬶᬭᬶᬲ᭄᭞ᬫᬓ᭄ᬮᬧ᭄ᬫᬗᬮᬧ᭄ᬩᬸᬗ᭞ᬮᬗ᭄ᬲᬶᬂᬮᬜ᭄ᬚᬃᬧᬫᬸᬮᬸ᭠
ᬧᬸᬢᬶᬄᬕᬤᬶᬂ᭞ᬢᬗᬦᬾᬮ᭄ᬫᭂᬢ᭄ᬫᬍᬗ᭄ᬓᬸᬂ᭞ᬯᭂᬦᬄᬦᬸᬦᬸᬦᬾᬮᬦ᭄ᬢᬂ᭞ᬫᬗᬭᬦᬂᬜᬮᬂᬓᬤᬶᬫ᭠ᬡᬶᬓ᭄ᬩᬜᬸ᭞ᬬᬦᬶᬂᬜᬭᬾᬭᬾᬫᬮᬶᬬᬢ᭄᭞ᬫᬲᬼᬤᬾᬢ᭄ᬓᬤᬶᬢᬢᬶᬢ᭄᭟ᬳᬲᬶᬦ᭄ᬧᬸᬲᬸᬂᬭᬭᬾᬲᭀ
ᬦᬦ᭄᭞ᬤᭂᬫ᭄ᬤᭂᬫ᭄ᬢᬶᬗ᭄ᬓᬳᬾᬫᬲᭀᬗ᭄ᬕᬾᬂᬤᬶᬲᬵᬫ᭄ᬧᬶᬂ᭞ᬫᬳᬶᬭᬶᬩ᭄ᬕᬸᬍᬫ᭄ᬓᬧᬶᬢᬸ᭞ᬫᬗ᭄ᬫᬸᬗ᭄ᬫᬸᬳᬸᬚᬦ᭄᭞ᬢ᭄ᬯᬭᬧᬥᬲ᭄ᬫᬶᬦᬾᬗᬭᬾᬦ᭄ᬢᬾᬂᬳᬮᬸᬲ᭄᭞ᬫᬦᬸᬳᬸᬢᬂᬯᬘᬧᬶᬗᬦ᭄᭞ᬫᬕᬾᬮᭀᬳᬦ᭄ᬗ᭠
ᬭᬲ᭄ᬧᬶᬢᬶ᭟ᬧᬚᬮᬦᬾᬫᬕᬫ᭄ᬧᬭᬦ᭄᭞ᬫᬳᭀᬮᬭᬦ᭄ᬩᬳᬸᬫᬦᬸᬢᬸᬕ᭄ᬓᭂᬮᬶᬄ᭞ᬓᬸ᭠ᬤ᭄ᬬᬂᬢᬦᬶᬗᬯᬾᬮᬶᬜᬸᬦ᭄᭞ᬭᬸᬧᬶᬲ᭄ᬲᬸᬭᬸᬦᬾᬜᬸᬧᬓ᭄᭞ᬩᬸᬓᬧᭀᬮᬓ᭄ᬜᬸᬂᬫᬦᬶᬲ᭄ᬗᭂᬫᬸᬫᬥᬸ᭞
[᭓᭐ 30A]
ᬧᬦ᭄ᬢᭂᬲ᭄ᬤᬾᬯᬦ᭄ᬰᬰᬶᬄᬓᬧᬢ᭄᭞ᬯᬮᬸᬬᬪᬝᬵᬭᬶᬭᬢᬶᬄ᭟ᬳᬸᬧᬫᬩᬸᬗᬦ᭄ᬳᬗ᭄ᬰᬡ᭞ᬩᬳᬸᬓᭂᬫ᭄ᬩᬂᬦ᭄ᬤᬶᬂᬫ᭄ᬭᬶᬓ᭄ᬲᬸᬫᬶᬭᬶᬢ᭄᭞ᬓᬸᬤ᭄ᬬᬂᬢ᭄ᬯᬭᬧᬢᬶᬓᭂᬧᬸᬕ᭄᭞ᬓᬤᬶᬢᬫ᭄ᬩᬸᬮᬶᬮᬶᬗᬦ᭄᭞ᬗᬮᬶᬄᬩᬸᬗ᭠
ᬦᬸᬦᬲ᭄ᬓᬳᬬᭀᬦ᭄ᬳᬶᬭᬢᬸ᭞ᬜᬦ᭄ᬤᬂᬲᬸᬂᬲᬸᬂᬭᬶᬂᬧᬫᬺᬫᬦ᭄᭞ᬲᬶᬮᬸᬗ᭄ᬮᬸᬗᬶᬦ᭄ᬧᬢᬶᬳᬸᬭᬶᬧ᭄᭟ᬥᬸᬄᬳᬶᬦ᭄ᬢᭂᬦ᭄ᬭᬢᬸᬫᬵᬲ᭄ᬫᬶᬭᬄ᭞ᬗ᭄ᬕᬶᬄᬧᬶᬋᬗᬂᬲᬲᬵᬫ᭄ᬩᬢ᭄ᬳᬶᬓᬲ᭄ᬬᬰᬶᬄ᭞ᬫᬦᬸᬚᬸᬢᬶᬍᬫ᭄ᬓᬧᬶᬢᬸ᭞ᬫᬗᬢᬶᬳ᭠
ᬢᬶᬩᬸᬮᬦ᭄᭞ᬢᭀᬤᬶᬓᬧᬦ᭄ᬲᬢᬢᬫᬗᬚᬧ᭄ᬲᬸᬳᬸᬂ᭞ᬳᬸᬬᬂᬧᬮᬶᬂᬫᬳᬶᬍᬳᬦ᭄᭞ᬫᬢᬶᬫᬦᬳᬦᬂᬲ᭄ᬤᬶᬄ᭟ᬬᬦ᭄ᬢᬦ᭄ᬳᬶᬘᬳᬶᬦ᭄ᬢᭂᬦ᭄ᬤᬾᬦ᭄ᬟ᭞ᬫᬫᬸᬧᭀᬦᬶᬦ᭄ᬳᬶᬮᬭᬰᬵᬰᬶᬄᬳᬰᬶᬄ᭞ᬳᬧ᭠
ᬧᬕᬯᬾᬦᬾᬳᬶᬤᬸᬧ᭄᭞ᬫᬸᬦ᭄ᬤᬹᬃᬫᬗ᭄ᬕᬶᬄᬲᬗ᭄ᬲᬭ᭞ᬧᬶᬲᬦ᭄ᬧᬶᬲᬦ᭄ᬫᬧᬫᬶᬢ᭄ᬫᬸᬗ᭄ᬕᭂᬮᬶᬦ᭄ᬢᬸᬯᬸᬄ᭞ᬫᬢᬶᬗ᭄ᬕᬮ᭄ᬲᬓᬶᬦᬵᬕᬭ᭞ᬫᬢᬶᬤᬶᬕᬸᬦᬸᬂ᭟ᬬᬦ᭄ᬳᬶᬭᬢᬸᬤᬸᬭᬸᬲ᭄ᬳᬶᬘ᭞ᬳᬾᬮᬶᬗᬂᬩᬗ᭄ᬓᬾ