[᭑᭙᭘ 198B]
᭑᭙᭘
ᬫᬳᬶᬦᬩ᭄ᬧᬸᬭᬸᬦ᭄᭞ᬜᬭᬾᬦ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬦᬗ᭄ᬳᬶᬂᬳᬦ᭄ᬢᬸᬓ᭄ᬢᬺᬱ᭄ᬡᬩᬓ᭄ᬢᬶᬦᬾ᭠ᬫᬗᬶᬗ᭄ᬓᬸᬓ᭄᭞ᬭᬾᬄᬗ᭄ᬭᬱᬭᬶᬂᬤᬾᬯᬾᬓ᭄ᬓᬫᬦ᭄᭞ᬤ᭄ᬯᬦᬶᬂᬮᬸᬘᬸᬫᬜᭂᬦ᭄ᬤᬸᬮᬶᬦ᭄᭟ᬲᬯᬶᬭᬾᬄ
ᬲᬵᬫ᭄ᬧᬸᬦ᭄ᬓᬫᬦᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬳ᭄ᬬᬸᬦ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬫᬾᬲᬵᬫ᭄ᬧᬸᬦ᭄ᬜᬸᬲᬸᬧ᭄ᬫᬓ᭄ᬭᬸᬲ᭄᭞ᬫᬭᬶᬂᬳᬦ᭄ᬢᬲ᭄ᬯᬘᬶᬢ᭄ᬣ᭞ᬫᬳᬯᬶᬦᬦ᭄ᬢᬶᬢ᭄ᬬᬂᬲᬸᬫᬗ᭄ᬓᬶᬦ᭄ᬫᬯᬸᬯᬸᬄ᭞ᬭᬾᬄᬫᬸᬮᬫᬸᬮᬦᬶᬂ᭠
ᬫᬸᬮ᭞ᬳᬤᬸᬂᬲᬸᬰ᭄ᬭᬸᬱᬫᬕᬸᬲ᭄ᬢᬶ᭟ᬕᬶ᭚ᬲᬦᬾᬩᬾᬜ᭄ᬚᬂᬢᬶᬢ᭄ᬬᬂᬤ᭄ᬯᬵᬕᬸᬂ᭞ᬫᬋᬓ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬬᬦ᭄ᬢᬦ᭄ᬓᬯᬦᬭᬓᬸᬱ᭞ᬫᬶᬲᬤ᭄ᬬᬧᬘᬂᬫᬗᬶᬭᬶᬂ᭞ᬲᬧᬭᬦ᭄ᬧᬭᬦᬶᬂᬮᬾ
ᬤᬂ᭞ᬭᬾᬄᬫᬗ᭄ᬭᬲᬤᬾᬯᬾᬓ᭄ᬲᬶᬲᬶᬧ᭄᭟ᬲᬵᬫ᭄ᬧᬸᬦ᭄ᬓᬾᬫᬮᬶᬄᬫᬢᬸᬂᬢᬸᬂ᭞ᬧᬤ᭄ᬫᬦ᭄ᬧ᭠ᬮᬸᬗ᭄ᬕᬸᬄᬪᬝᬵᬭᬶ᭞ᬗᬶᬭᬶᬂᬩᬾᬜ᭄ᬚᬂᬕᬸᬦᬶᬢᬬᬂ᭞ᬩᭀᬬᬢᬶᬢ᭄ᬬᬂᬫᬲ᭄ᬮᬶᬤᬶᬦ᭄᭞ᬫᬫᬋᬓ᭄ᬘᭀ᭠
[᭑᭙᭙ 199A]
ᬓᬵᬃᬳᬶᬤᬾᬯ᭄ᬯ᭞ᬗᬶᬂᬭᬢᬸᬲᬵᬫ᭄ᬧᬸᬭᬳᬸᬕᬶ᭟ᬲᬶ᭚ᬤᬾᬯ᭄ᬯᬵᬕᬸᬂᬲᬵᬫ᭄ᬧᬸᬭᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬧᬮᬸᬗ᭄ᬕᬸᬄᬪᬝᬵᬭᬶ᭞ᬤᬶᬧᬶᬤᬦ᭄ᬧᭀᬮᬶᬄᬧᬦᬸᬗ᭄ᬓᬦ᭄᭞ᬧᬩ᭄ᬭᬶᬦᬶᬓ᭄ᬭᬶᬂᬧᬭᬭᬳᬶ᭞᭠
ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᭀᬮᬶᬄ᭞ᬫᬋᬓ᭄ᬧ᭄ᬮᬸᬗ᭄ᬕᬸᬄᬪᬝᬵᬭ᭄ᬬᬵᬕᬸᬂ᭞ᬭᬢᬸᬮᬾᬤᬗᬂᬧᬶᬲᬦ᭄᭞ᬭᬾᬄᬧᬋᬓᬦ᭄ᬲᬸᬂᬲᬂᬘᬭᬶᬓ᭄᭞ᬜᬩ᭄ᬭᬦ᭄ᬳᬶᬗᬸᬄ᭞ᬢᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬲᬓᬶᬢᬂ᭟ᬧᬸᬦᬶᬓᬤᬤᭀ
ᬲ᭄ᬗᬯᬶᬦᬂ᭞ᬭᬸᬧᬳᬶᬦᬩ᭄ᬦᬶᬃᬲᬸᬩᬓ᭄ᬢᬶ᭞ᬫᬓᬤᬶᬢᬸᬦᬵᬧᬗ᭄ᬭᬲ᭞ᬗᬶᬂᬲᬵᬫ᭄ᬧᬸᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭞ᬯᬦᭂᬄᬧᬘᬂᬜ᭄ᬯᬾᬘᬦᬶᬦ᭄᭞ᬲᬮᬶᬫᬳᬂᬧᬶᬲᬦ᭄ᬭᬢᬸ᭞ᬓᬗ᭄ᬕᬾᬬᬂᬳᬫᬸᬂᬫᬦᬄ᭞ᬧᬶᬢ᭄ᬳᭂᬃᬩᬓ᭄ᬢᬶᬫᬕᬸ
ᬲ᭄ᬢᬶ᭞ᬧᬦ᭄ᬯᬶᬢ᭄ᬢ᭄ᬭᬸᬲ᭄ᬲᬸᬰ᭄ᬭᬸᬲᬦ᭄ᬧᬫᬦᬄᬢᬶᬢ᭄ᬬᬂ᭟ᬢᬦ᭄ᬓᬳᬦᬦ᭄ᬮᬮ᭄ᬢᭂᬳᬦ᭄᭞ᬦᬶᬃᬫ᭄ᬫᬮᬦ᭄ᬤᬢᬦ᭄ᬧᬲᬶᬭᬶᬂ᭞ᬧᬕᭂᬄᬮ᭄ᬯᬶᬃᬕᬶᬭᬶᬓᬾᬮᬰ᭞ᬢᬦ᭄ᬓᭂᬦᬾᬂᬕᬶᬦᬸᬕᬄᬫᬮᬶᬄ᭞ᬧᬗᬸᬦ᭄ᬢᭂᬗᬾᬢᬦ᭄ᬫᬭᬶ
Kaca:Bali-lontar-gaguritan-tatuptupan-350ppi.pdf/199
Kaca puniki sampun kauji-wacén
