[᭑᭙᭗ 197B]
᭑᭙᭗
ᬤ᭄ᬯᬵᬕᬸᬂᬫᬳᬮ᭄ᬩᬵᬭᬶᬂᬧᬓᬬᬸᬦᬦ᭄᭟ᬓᬸ᭚ᬯᬶᬭᬾᬄᬢᬶᬢ᭄ᬬᬂᬗ᭄ᬭᬲᬧᬶᬲᬦ᭄ᬓᬤᬶᬫᬗ᭄ᬓᬶᬦ᭄᭞ᬭᬶᬂᬤᬾᬯᬾᬓ᭄ᬓᬳᬾᬫᬦ᭄᭞ᬢ᭄ᬳᭂᬃᬧᬕᭂᬄᬓᬲ᭄ᬯᬾᬘᬦᬶᬦ᭄᭞ᬤ᭄ᬯᬦᬶᬂᬧᬸᬧᬸᬢ᭄ᬳᬦ᭄ᬢᬸᬓ᭄ᬢᬶ
ᬢ᭄ᬬᬂ᭟ᬧᬂ᭚ᬫᬾᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬂ᭞ᬲᬂᬭᬸᬫᬕᬮᬶᬗ᭄ᬕᬲᬚ᭄ᬭᭀᬦᬶᬂᬳᬢᬶ᭞ᬫᬾᬭᬢᬸᬦ᭄ᬢᬶᬢ᭄ᬬᬗᬾᬭᬢᬸ᭞ᬤ᭄ᬯᬦᬶᬂᬢᬦᬺᬋᬤ᭄ᬢᬶᬢ᭄ᬬᬂ᭞ᬗᬸᬢ᭄ᬧ᭄ᬢᬶᬬᬂᬧᬮᬸᬗ᭄ᬕᬸᬄᬪᬝᬵᬭᬶ᭠
ᬳᬕᬸᬂ᭞ᬕᭂᬦᭂᬗᬂᬢᬶᬢ᭄ᬬᬂᬭᬶᬂᬫᬦᬄ᭞ᬜᬯᬂᬲᬓᬶᬂᬤᭀᬄᬫᬗᬶᬱ᭄ᬝᬶ᭟ᬫᬓᬧᬗᬃᬘ᭄ᬘᬦᬦ᭄ᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬫᬦᬄᬦᬶᬃᬫ᭄ᬫᬮᬢᬦ᭄ᬧᬲᬶᬭᬶᬂ᭞ᬓᭀᬢᬫᬦ᭄ᬪᬝᬵᬭᬶᬳᬕᬸᬂ᭞ᬲᬦᬾᬳᬲ᭄ᬢᬸᬢᬶ᭠
ᬦ᭄ᬢᬶᬢ᭄ᬬᬂ᭞ᬧᬢᬶᬢᬶᬲᬂᬳᬤ᭄ᬕᬂᬭᬶᬂᬚ᭄ᬭᭀᬦᬶᬂᬢᬦᬸ᭞ᬤᬕᬶᬂᬧᬗᬱ᭄ᬝᬯᬦ᭄ᬢᬶᬢ᭄ᬬᬂ᭞ᬲᬸᬰ᭄ᬭᬸᬲ᭠ᬫ᭄ᬓᬤᬶᬩᬓ᭄ᬢᬶ᭟᭐᭚ᬫᬵᬲ᭄ᬓᬸᬫᬫ᭄ᬩᬂᬭᬢᬸᬲᬵᬫ᭄ᬧᬸᬭᬬᬂᬳᬸᬕᬶ᭞ᬧᬗᬢ᭄ᬧᬤ᭄ᬟᬦ᭄ᬢᬶᬢ᭄ᬬᬂ᭞ᬤᬾ
[᭑᭙᭘ 198A]
ᬦᬶᬂᬳᬶᬦᬩ᭄ᬓᬶᬭᬂᬩᬓ᭄ᬢᬶ᭞ᬦᬗᬶᬂᬳᬦ᭄ᬢᬸᬓ᭄ᬳᬶᬦᬵᬫᬦᬄ᭟ᬫᬦᬄᬢᬶᬢ᭄ᬬᬂᬢ᭄ᬭᬸᬲ᭄ᬢᬦ᭄ᬜᬦ᭄ᬤᬂᬫᬮᬶᬳᬶᬦ᭄᭞ᬗᬸᬦ᭄ᬢᭂᬂᬓᬰ᭄ᬭᬸᬰ᭄ᬭᬸᬲᬦ᭄᭞ᬭᬾᬄᬩᭀᬬᬦ᭄ᬤᬸᬕᬶᬓᬓᬮᬶᬄ᭞ᬲᬦᬾᬳᬚᬧ᭄ᬳᬚᬧ᭄ᬢᬶᬢ᭄ᬬᬂ᭟
ᬫᬸᬮᬯᬦ᭄ᬢᬄᬧᬸᬧᬸᬢ᭄ᬭᬶᬂᬧ᭄ᬮᬸᬗ᭄ᬕᬸᬄᬪᬵᬝᬵᬭᬶ᭞ᬓ᭄ᬫᭂᬢ᭄ᬫᬦᬄᬢᬶᬢ᭄ᬬᬂ᭞ᬤ᭄ᬯᬦᬶᬂᬢᬶᬢ᭄ᬬᬂᬲᬦᬾ᭠ᬫᬗ᭄ᬓᬶᬦ᭄᭞ᬓᬤᬶᬮᬸᬘᬸᬫᬦ᭄ᬤᬯ᭄ᬕᬂ᭞ᬗ᭄ᬮᬸᬗ᭄ᬲᬸᬃᬢᬫ᭄ᬧᬓ᭄ᬢᬗᬦ᭄ᬧᬍᬲᬶᬦ᭄ᬧᬸᬦᬶᬓᬶ᭞ᬫᬗ᭄ᬤᬯᬾᬦ᭄ᬢᭂᬦ᭄ᬕᬢᬺ᭞
ᬯᬘᬡᬫᬸᬗ᭄ᬕ᭄ᬯᬶᬂᬋᬋᬧᬶ᭞ᬧᬸᬦᬶᬓᬮ᭄ᬕᬬᬂᬢᬶᬢ᭄ᬬᬂ᭟ᬧᬂ᭚ᬫᬾᬭᬢᬸᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬭᬂ᭞ᬦᬧᬶᬤ᭄ᬯᬵᬕᬸᬂᬫᬯᬦ᭄ᬤᬤᭀᬲ᭄ᬲ᭄ᬧᬶ᭞ᬬᬾᬢᬶᬢ᭄ᬬᬂᬲ᭄ᬧᭂᬲᬾᬲᬵᬫ᭄ᬧᬸᬦ᭄᭞ᬫᬵᬢᬹᬃᬦ᭄ᬤᬯ᭄ᬕᬂᬧᬶᬲ
ᬦ᭄᭞ᬫᬗ᭄ᬤᬧ᭄ᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭄ᬯᬤᬾᬯ᭄ᬯᬵᬕᬸᬂ᭞ᬕ᭄ᬮᬶᬲ᭄ᬫᬍᬲ᭄ᬳᬢᬹᬃᬢᬶᬢ᭄ᬬᬂ᭞ᬢ᭄ᬓᬦᬾᬦ᭄ᬢᭂᬦ᭄ᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭟ᬬᬓ᭄ᬢᬶᬕ᭄ᬤᭂᬕ᭄ᬭᬢᬸᬢᬶᬢ᭄ᬬᬂ᭞ᬫᬳᬯᬦᬦ᭄ᬢᬶᬢ᭄ᬬᬂᬫ᭄ᬓᬤᬶᬫᬗ᭄ᬓᬶᬦ᭄᭞ᬫᬭᬸᬧᬵ
Kaca:Bali-lontar-gaguritan-tatuptupan-350ppi.pdf/198
Kaca puniki sampun kauji-wacén
