[᭑᭘ 18B]
᭑᭘
ᬲᬳᬓ᭄ᬱᬶ᭞ᬳᬶᬢ᭄ᬬᬂᬧᬮᬶᬂᬧᬢᬶᬳᭂᬦ᭄ᬢᬸᬮ᭄᭞ᬧᬬᬸᬓᬮᬸᬦ᭄ᬢᬮᬸᬦ᭄ᬢ᭞ᬤᬾᬯᬩᬲ᭄ᬤᭂᬗ᭄ᬕᬶᬕᬢᬶ᭞᭠ᬗ᭄ᬕᬳᬾᬩᬸᬳᬸᬢ᭄᭞ᬧᬚᬮᬦ᭄ᬢᬶᬢ᭄ᬬᬂᬳᬶᬧᬸᬲᬂ᭟ᬦᭀᬕᬲᬂᬮᬳᬸᬢ᭄ᬫᬚᬮᬦ᭄᭞ᬩᬦᬾᬢ᭄ᬯᬭᬮᬓᬢ᭄ᬳ
ᬮᬶᬄ᭞ᬫᬚᬮᬦ᭄ᬗᬫ᭄ᬩᬸᬮ᭄ᬗᬫᬸᬮ᭄ᬬᬂ᭞ᬤᬤᬶᬳᬶᬲᭂᬂᬗᬯᬲ᭄ᬮᬗᬶᬢ᭄᭞ᬫᬮᬶᬮᬂᬲᬸᬤ᭄ᬟᬳ᭄ᬦᬶᬂ᭞ᬲᬸᬦ᭄ᬤᬭᬶᬦ᭄ᬩᬶ᭠ᬦ᭄ᬢᬗᬾᬮᬶᬲᬸ᭞ᬧᬥᬲᬸᬭᬸᬧ᭄ᬗᬯᬸᬳᬂ᭞ᬩᬦᬾᬲᬸᬩᬕᬮᬂᬓᬗᬶᬦ᭄᭞ᬕᬸᬦᬸᬗᬕᬸᬗᬾᬢᬶᬗ᭄ᬕᬃᬕᬮᬂ᭠
ᬗᬮᬸᬦ᭄ᬢᬂ᭟ᬬᬦ᭄ᬳᭂᬦ᭄ᬢᭀᬚᬦᬶᬧᬃᬡ᭄ᬦᬬᬂ᭞ᬫᬳᬶᬭᬶᬩ᭄ᬲᬂᬲᬶᬤ᭄ᬟᬬᭀᬕᬶ᭞ᬫᬯᬾᬤ᭄ᬟᬫᬗᬲ᭄ᬢᬸᬗ᭄ᬕᬭ᭞ᬫᬜ᭄ᬚᬬᬜ᭄ᬚᬬᬲᬂᬮ᭄ᬯᬶᬄ᭞ᬫᬓᬲᬵᬭᬷᬦᬶᬂᬕᬸᬦᬶ᭞ᬤᬶᬳᬫ᭄ᬩᬭᬵᬚ᭄ᬬᬫᬦᬸᬭᬸᬦ᭄᭞ᬕᬶᬭᬶᬧᬸᬢ᭄ᬭᬶ
ᬳᬸᬢᬶᬸᬧᬫ᭞ᬓᬲᬸᬩ᭄ᬤᬶᬚᬕᬢᬾᬲᬫᬶ᭞ᬦᬾᬓᬲᬸᬫ᭄ᬩᬸᬂᬲᬬᬗᬂᬳᬚᬓ᭄ᬫᬓ᭄ᬚᬂ᭟ᬩ᭄ᬯᬶᬦ᭄ᬳᬤᬳᬸᬬᬸᬢ᭄ᬳᬸᬫ᭄ᬬᬂ᭞ᬓᭀᬘᬧ᭄ᬓᬘᬸᬧᬶᬢᬦ᭄ᬩᬶᬗᬶᬦ᭄᭞ᬬᬦᬶᬂᬢᭀᬧᬃᬡ᭄ᬦᬋᬜ᭄ᬘᬦ᭞ᬫᬧᬶᬡ᭄ᬟᬬᬗ᭄ᬮᬶᬂᬲ᭄ᬤᬶᬄ᭞᭠
[᭑᭙ 19A]
ᬩᬦᬾᬩᬸᬳᬸᬂᬓᬭᬯᬸᬳᬶᬦ᭄᭞ᬳᬦ᭄ᬢᬸᬓ᭄ᬲᬂᬓᬢ᭄ᬯᬗᬶᬂᬳᬭᬸᬫ᭄᭞ᬲᬗ᭄ᬓᬦ᭄ᬢ᭄ᬯᬭᬭᬾᬭᬾᬦᬦ᭄᭞ᬫᬫᬸᬜᬶᬫᬗᬲᬶᬳᬲᬶᬄ᭞ᬗᭂᬧᬸᬲ᭄ᬓᬬᬸᬦ᭄ᬫᬗᭂᬗ᭄ᬓᬶᬓ᭄ᬫᬫ᭄ᬮᬤᬵᬃᬱ᭄ᬩ᭄ᬯᬶᬦ᭄ᬲᭀᬤᬫᬦᬾᬳᬸᬬᬂ᭞ᬳ᭄ᬮᬲ᭄ᬕᬸ
ᬓᬗᬸᬢᬂᬳᬸᬭᬶᬧ᭄᭞ᬫᬳᬶᬭᬶᬩ᭄ᬫᬺᬮᬶᬡᬳᬯᬓ᭄᭞ᬩᬳᬦᬾᬓᬫᬕᬦ᭄ᬲᬫᬶ᭞ᬢᭀᬓ᭄ᬭᬡᬳᬶᬧᬸᬦ᭄ᬧᬮᬶᬂ᭞ᬮᬶᬬᬸᬬᬦ᭄ᬘᬭᬶᬢ᭄ᬣᬳᬧᬸᬲ᭄᭞ᬫᬚᬮᬦ᭄ᬕᬕᬗ᭄ᬲᬸᬭᬦ᭄᭞ᬧᬢᬶᬲᬮᬸᬓ᭄ᬲᬸᬓ᭄ᬫᬗ
ᬮᬶᬄ᭞ᬧᬢᬶᬲᬺᬧ᭄᭞ᬲᬶᬂᬢᬓᭀᬦᬶᬦ᭄ᬢ᭄ᬯᬭᬢᬶᬸᬦᬯᬂ᭟ᬧᬬᬸᬗᬾᬗ᭄ᬕᬮᬂᬫᬢᬸᬮᬓ᭄᭞ᬫᬚᬮᬦ᭄ᬲᬫ᭄ᬩᬶᬮᬂᬲ᭄ᬤᬶᬄ᭞ᬓᬗᭂᬦ᭄ᬗᬸᬲᬧ᭄ᬳᬸᬲᬧ᭄ᬫ᭄ᬯ᭞ᬲᬕᬾᬢ᭄ᬢᭂᬧᬸᬓ᭄ᬧᭀᬡ᭄ᬟᬵᬓ᭄ᬘᭂᬦᬶᬓ᭄᭞ᬤᬶᬢᬸᬫᬭᬾ
ᬭᬾᬦ᭄ᬩᬸᬯᬶᬦ᭄᭞ᬲᬶᬦᬜᬦᬦ᭄ᬲᬕᬾᬢ᭄ᬭᬯᬸᬄ᭞ᬤ᭄ᬧᬶᬦ᭄ᬫᬮᬸᬳᬦ᭄ᬢᬶᬲᬂ᭞ᬲᬶᬤᬵᬳᬤᬲ᭄ᬯᬾᬘᬦ᭄ᬯᬶᬥᬶ᭞ᬧᬶᬤᬄᬤᬬᬸᬄᬤᬶᬫᬵᬃᬕ᭄ᬕᬦᬾᬦᬸᬫᬧᬲᬄ᭟ᬫᬲᬶᬄᬭ᭄ᬯᬭᬳᬤᬫᬢᬺ᭞ᬲᬶᬫᬓᬫ᭄ᬦᬲ᭄ᬢᬶ᭠
Kaca:Bali-lontar-gaguritan-tatuptupan-350ppi.pdf/19
Kaca puniki sampun kauji-wacén
