[᭑᭗ 17B]
᭑᭗
ᬲᬵᬯ᭄ᬧᬸᬦ᭄ᬦᬸᬳᬸᬦᬂᬓᬬᬸᬦᬾ᭞ᬢᬍᬃᬧᬶᬦᭂᬳᬶᬦ᭄ᬤᬸᬫᬸᬦ᭄᭞ᬗᬸᬤᬭᬢᬸᬩᬲ᭄ᬲᬧᬸᬦᬶᬓᬶ᭞ᬫᬳᬶᬦᬩ᭄ᬓᬤᬶᬩ᭄ᬭᬦ᭄ᬢ᭞ᬧᬫᬵᬃᬕ᭄ᬕᬶᬦᬾᬩᬸᬳᬸᬢ᭄᭞ᬳᬓᬾᬢᭀᬩᬦ᭄ᬜᬭᬶᬢᬬᬂ᭞ᬮᬸᬢ᭄ᬫᬕᬮᬦ᭄᭞ᬓᬮᬸ
ᬦ᭄ᬢᬮᬸᬦ᭄ᬢᬫᬲᬶᬲᬶ᭞ᬦᬸᬳᬸᬢ᭄ᬲᬾᬮ᭄ᬯᬦ᭄ᬧᬭᬗᬦ᭄᭟ᬲᬫ᭄ᬩᬶᬮ᭄ᬧᭂᬤᬶᬄᬤᬸᬮᬫᬾᬦᬾᬳᬶᬱ᭄ᬝᬶ᭞᭠ᬬᬦᬶᬂᬤᬶᬚ᭞ᬭᬢᬸᬩᭀᬬᬘᬶᬗᬓ᭄᭞ᬤᬸᬭᬸᬲᬂᬳᬸᬕᬶᬲ᭄ᬯᬾᬘᬦᬾ᭞ᬲᬸᬧᬢ᭄ᬢᬶᬢ᭄ᬬᬂᬳᬶᬩᬸᬤᬸᬄ᭞ᬩ᭠
ᬲ᭄ᬓᬓᬾᬦᬾᬧᬢᬮ᭄ᬩᬗᬶᬦ᭄᭞ᬧᬮᬶᬂᬫᬗᬸᬢᬂᬳᬯᬓ᭄᭞ᬲᬶᬂᬲᬶᬂᬚᬮᬦ᭄ᬗᬭᬸᬄ᭞ᬩᬦ᭄ᬢᭂᬍᬢ᭄᭠ᬓ᭄ᬦᭂᬳᬾᬧ᭄ᬭᬕᬢ᭄᭞ᬢᭀᬫᬯᬦᬦ᭄᭞ᬢᬶᬢ᭄ᬬᬂᬲᬢᬶᬦ᭄ᬤᬶᬄᬓᬶᬗ᭄ᬓᬶᬂ᭞ᬢᬗ᭄ᬲᬄᬫᬗᬚᬧ᭄ᬢᬯᬂ᭟ᬲ
ᬕᬾᬢ᭄ᬗᭂᬦᬄᬢᬸᬳᬸᬕᬮᬕᬶᬮ᭄᭞ᬚ᭄ᬭᭀᬦᬶᬂᬕ᭄ᬯ᭞ᬳᬧᬶᬢ᭄ᬩᬢᬸᬧᬶᬮᬄ᭞ᬢ᭄ᬓᬯ᭄ᬓᬲ᭄ᬤᬸᬃᬕ᭄ᬕᬫ᭠ᬦᬾ᭞ᬭᬲᬜᬢ᭄ᬯᬄᬳᬶᬭᬢᬸ᭞ᬤᬶᬢᬸᬧᬦ᭄ᬢᭂᬲ᭄ᬗᭂᬮᬂᬮᬂᬓᬭᬰ᭄ᬫᬶᬦ᭄᭞ᬫᬓ᭄ᬮᬧ᭄ᬢᭂᬦᬄᬳᬶᬮᬂ᭞ᬢ᭄ᬯᬶᬳᬬᬸᬦᬸ
[᭑᭘ 18A]
ᬮᬸᬲ᭄᭞ᬢᬸᬭᬸᬦᬦ᭄ᬳᬦᬓ᭄ᬳᬸᬢ᭄ᬢᬫ᭞ᬓ᭄ᬭᬡᬳᬶᬤ᭄ᬟ᭞ᬜᬶᬤ᭄ᬟᬬᬂᬗ᭄ᬮᬂᬮᬂᬓᬭᬰ᭄ᬫᬶᬦ᭄᭞ᬤᬶᬕᬸᬯᬦᬾᬳᬸᬢ᭄ᬢᬫ᭚᭜᭚ᬳᬶᬲᭂᬂᬗ᭄ᬕᬳᬾᬕᬕᭂᬦ᭄ᬤᬶᬗᬦ᭄᭞ᬫᬢᭂᬫ᭄ᬩᬂᬲᬶᬦᭀᬫ᭄ᬧᬸᬦᬶᬓᬶ᭞ᬲᬤᬸᬓᬾ
ᬮᬸᬯᬲ᭄ᬓᬫᬕᬦ᭄᭞ᬩᬸᬫᬭᬤᬲ᭄ᬕᬮᬂᬓᬗᬶᬦ᭄᭞ᬩᬗᬸᬦ᭄ᬮᬳᬸᬢ᭄ᬫᬲᬸᬕᬶ᭞ᬧ᭄ᬭᬬᬗᬶᬭᬶᬂᬳᬶᬤᬾᬯ᭄ᬯᬵᬕᬸᬂ᭞ᬲᬤ᭄ᬬᬧᬘᬂᬫᬲᬶᬭᬫ᭄᭞ᬫᬩᬜᬸᬦ᭄ᬧᬶᬦᬭᬸᬄᬚᬦᬶᬲᬕᬺᬳᬦ᭄ᬫᬜᬸᬚᬸᬃᬓᬢᬸᬓᬤ᭄ᬚᬗᬵ᭞ᬢᬶ
ᬢ᭄ᬬᬂᬳᬶᬤᬸᬄᬓᬓᬵᬩᬭᬓ᭄᭞ᬫᬚᬮᬦ᭄ᬓᬳ᭄ᬩᭂᬂᬚᬦᬶ᭞ᬧᬲᬸᬮᬾᬫ᭄ᬧᬲ᭄ᬫᬩ᭄ᬮᬲᬦ᭄᭞ᬳᬦᬓ᭄ᬗ᭠ᬯᬸᬳᬂᬢᭀᬳᬮᬶᬄ᭞ᬫᬫ᭄ᬦᭂᬂᬓ᭄ᬮᭀᬤ᭄ᬓᬗᬶᬦ᭄᭞ᬤᬶᬚᬕᬩᬕ᭄ᬮᬓᬃᬢ᭄ᬧᬸᬓ᭄᭞ᬓ᭄ᬚᬚᬦᬶᬧ᭄ᬭᬕᬢᬂ᭞ᬳᬭᬄ
ᬫᬸᬮᬮᬘᬹᬃᬕᬢᬶ᭞ᬳᬲᬶᬂᬓᬮᬸᬧᬚᬮᬦᬾᬢ᭄ᬓᬮᬾᬫ᭄ᬧᬲ᭄᭟ᬤᬤᬶᬩ᭄ᬗᭀᬂᬫᬗᬸᬲᬯᬢ᭄᭞ᬤᬶᬲᬶᬲᬶᬦ᭄ᬤᬸᬦᬤᬾᬲ᭄ᬤᬶᬄ᭞ᬫᬫᬸᬜᬶᬫᬫ᭄ᬕᬢ᭄ᬫᭂᬕᬢ᭄᭞ᬦ᭄ᬤᬸᬮᬫᬾᬦᬾᬳᬶᬱ᭄ᬝᬶᬲᬳᬶ᭞ᬤᬸᬄᬭᬢᬸᬩᭀ
Kaca:Bali-lontar-gaguritan-tatuptupan-350ppi.pdf/18
Kaca puniki sampun kauji-wacén
