[᭑᭗᭕ 175B]
᭑᭗᭕
ᬫᬕᬦ᭄ᬗᬼᬕᬬᬂᬳᬗᬶᬦ᭄᭟ᬕᬶ᭚ᬭᬾᬄᬢᬶᬢ᭄ᬬᬂᬓᬩᬯᭀᬲ᭄ᬤ᭄ᬯᬵᬕᬸᬂ᭞ᬮᬫᬶᬦᬾᬦ᭄ᬢᭂᬦ᭄ᬦᬳᭂᬦ᭄ᬢᬗ᭄ᬓᬶᬮ᭄᭞ᬫᬯᬶᬦᬦ᭄ᬤᬾᬯ᭄ᬯᬵᬕᬸᬂᬢᬶᬢ᭄ᬬᬂ᭞ᬧᬘᬂᬲ᭄ᬫᭂᬗᬦ᭄ᬫᬭᬶᬓᬶ᭞ᬲᬫᬗ᭄ᬤᬲᬸᬯᬾᬬᬦ᭄᭞᭠
ᬦᬗ᭄ᬓᬶᬮ᭄ᬧᬮᬸᬗ᭄ᬕᬸᬄᬪᬝᬵᬭᬶ᭟ᬧᬂ᭚ᬳᬭᬄᬩᬲ᭄ᬧᬧᬓ᭄ᬮᬦ᭄ᬢᬗᬂ᭞ᬬᬾᬩᬲ᭄ᬫ᭄ᬮᬶᬤ᭄ᬲᬶᬭᬩᬶᬲᬗᭂᬜ᭄ᬘᬦᬶᬦ᭄᭞ᬧᬂᬳᬤ᭄ᬟᬭᬯᭀᬲᬂᬮᬶᬬᬸ᭞ᬳᭀᬫᭀᬂᬓᭀᬲᭀᬂᬳᬤᬜ᭞ᬬᬦ᭄ᬓ
ᬫᬢᬸᬢ᭄ᬗᬋᬋᬧ᭄ᬭᬢᬸ᭞ᬮᬯᬸᬢ᭄ᬩᬲ᭄ᬢᭂᬓᬫᬚᬸᬯᬦ᭄᭞ᬦᬕᬶᬄᬓᬢᬫ᭄ᬬᬸᬩᬦ᭄ᬓᭀᬧᬶ᭟ᬬᬾ᭠ᬦ᭄ᬓᬾᬦ᭄ᬢᭂᬦ᭄ᬦᬾᬓᬤᬶᬢᬶᬢ᭄ᬬᬂ᭞ᬮᬶᬦ᭄ᬢᬂᬓᬸᬮᬸᬕ᭄ᬩᬗᭂᬢ᭄ᬓᬶᬭᬂᬧᬗᬺᬢᬶ᭞ᬭᬾᬄᬧᬮᬓᬃᬓ᭄ᬮᬲ᭄ᬲᬢᬸ᭞ᬤᬸᬭᬸᬂ
ᬧᬶᬗᬦ᭄ᬮᭂᬧᬲ᭄᭞ᬫᬯᬦ᭄ᬫᬸᬭᬶᬤ᭄ᬫᬍᬲ᭄ᬓᬸᬤ᭄ᬬᬂᬦᬕᬶᬄᬫᬚᬸ᭞ᬢ᭄ᬯᬭᬫᬕᬂᬫᬲᬸᬓ᭄ᬢᬸᬦᬵ᭞ᬕ᭄ᬮᬶᬲᬦ᭄ᬗᬫᭂᬮ᭄ᬩᬶᬲ᭄ᬮᬶᬢ᭄᭟ᬕᬶ᭚ᬬᬾᬲᬮᬾᬤᬂᬭᬢᬸᬤ᭄ᬯᬵᬕᬸᬂ᭞ᬫᬗ᭄ᬤᬓᬾᬩᬦ᭄ᬢᬲ᭄ᬳᬯ᭄ᬗᬶ᭞ᬳᬶᬤ᭄ᬟᬗ
[᭑᭗᭖ 176A]
ᬦ᭄ᬤᬶᬓᬬᬂᬢᬶᬢ᭄ᬬᬂ᭞ᬬᬤᬶᬦ᭄ᬳᬗᬦ᭄ᬮᬶᬫᬂᬰᬰᬶᬄ᭞ᬤᭀᬄᬧᬘᬂᬧᬸᬭᬸᬦ᭄ᬫᬦᬸᬮᬓ᭄᭞ᬲᭀᬢᬦᬶᬂ᭠ᬦᬶᬸᬩᬓ᭄ᬢᬶᬫᬕᬸᬲ᭄ᬢᬶ᭟ᬢ᭄ᬭᬸᬲ᭄ᬫᬾᬢᬾᬮ᭄ᬓᬸᬮᬸᬧᬸᬳᬸᬦ᭄᭞ᬯ᭄ᬢᬸᬲᬓᬶᬂᬰᬸᬤ᭄ᬟᬩᬺᬲᬶᬄ᭞ᬢᬦ᭄ᬓᬳᬦᬦ᭄ᬮᬍ
ᬢᭂᬳᬦ᭄᭞ᬦᬶᬃᬫ᭄ᬫᬮᬵᬦ᭄ᬤᬢᬦ᭄ᬧᬲᬶᬭᬶᬂ᭞ᬯᬦ᭄ᬢᬄᬳᬶᬤ᭄ᬟᬫᬓᬮᬶᬗ᭄ᬕ᭞ᬕᬶᬦᬸᬧ᭄ᬢᬫᬭᬶᬂᬚ᭄ᬭᭀᬳᬢᬶ᭟ᬲᬯᬶᬭᬾᬄᬪᬝᬵᬭᬶᬳᬕᬸᬂ᭞ᬫ᭄ᬭᬕᬫᬺᬢ᭄ᬣᬲᬜ᭄ᬚᬶᬯᬦᬶ᭞ᬫᬓᬲᬸᬓ᭄ᬱ᭄ᬫᬦᬶᬂᬫᬦᬄ᭞ᬢᬦ᭄ᬫᬋ
ᬦ᭄ᬗᭂᬢᬶᬲᬶᬦ᭄ᬳᬢᬶ᭞ᬲᬵᬓ᭄ᬱᬢ᭄ᬯᬶᬓᬸᬯᬾᬤ᭄ᬟᬧᬭᬕ᭞ᬗ᭄ᬭᬸᬯᬢᬂᬧᬧᬵᬤᬸᬲ᭄ᬓᬺᬢᬶ᭟ᬲᬮ᭄ᬯᬶᬭᬶᬂ᭠ᬯᬶᬖ᭄ᬦᬵᬍᬩᬹᬃ᭞ᬭᬸᬯᬢ᭄ᬩᬦ᭄ᬳᬚ᭄ᬜᬡᬲᬶᬤ᭄ᬟᬶ᭞ᬳᬫ᭄ᬩᬸᬮ᭄ᬯᬗ᭄ᬲᬶᬢ᭄ᬓᬫᬢ᭄ᬫᬶᬬᬦ᭄᭞ᬮ᭄ᬕᬦ᭄ᬢᬶᬢ᭄ᬬᬗᬾᬫᬶᬭ
ᬕᬶ᭞ᬫᬓᭂᬲ᭄ᬬᬃᬕᬮᬂᬫᬮᬶᬮᬂ᭞ᬲᬓ᭄ᬱᬢ᭄ᬓᬧᬰᬸᬧᬢᬶᬦᬶᬦ᭄᭟ᬤᬾᬦᬶᬂᬧᭀᬮᬶᬄᬓᬫ᭠ᬦ᭄ᬤᬮᬸ᭞ᬫ᭄ᬩᬄᬲᬓᬶᬂᬳᬚ᭄ᬜᬡᬲᬶᬤ᭄ᬟᬶ᭞ᬧᬯᬶᬚᬶᬮᬦ᭄ᬧ᭄ᬭᬫᬲᬸᬓ᭄ᬱ᭄ᬫᬵ᭞ᬲᬸᬭᬵᬢ᭄ᬳᬶᬤ᭄ᬟᬵᬦᬾᬲᬯ᭄ᬬᬓ᭄ᬢᬶ
Kaca:Bali-lontar-gaguritan-tatuptupan-350ppi.pdf/176
Kaca puniki sampun kauji-wacén
