[᭑᭗᭔ 174B]
᭑᭗᭔
ᬤ᭄ᬟᬫᬭᬕᬯ᭄ᬕᬱᬥᬲᬶᬤ᭄ᬟᬶ᭞ᬫᬗ᭄ᬭᬸᬯᬢᬂᬧᬧᬵ᭞ᬲᬓ᭄ᬱᬢ᭄ᬯᬶᬓᬸᬲᬶᬤ᭄ᬟᬶᬫᬦ᭄ᬤᬶ᭞ᬫᬸᬦᬄᬲᬮ᭄ᬯᬶᬭᬶᬂᬲᬗ᭄ᬲᬭ᭟ᬕᬶ᭚ᬫᬾᬭᬢᬸᬪᬝᬵᬭᬶᬳᬕᬸᬂ᭞ᬧᬶᬋᬗᬂᬭᬢᬸᬧᬸᬦᬶᬓᬶ᭞ᬧᬶᬤᬕᬶᬗᬦ᭄ᬭᬢᬸᬢᬶ
ᬢ᭄ᬬᬂ᭞ᬫᬦᬯ᭄ᬕᬂᬫᬵᬢᬹᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬤᬸᬭᬸᬂᬧᭀᬮᬶᬄᬗᭂᬦᬄ᭞ᬓᬤᬸᬂᬓᬭᬾᬧᭀᬢ᭠ᬦ᭄ᬳ᭄ᬬᬦ᭄ᬢᬶ᭟ᬫᬳᬯᬦᬦ᭄ᬢᬶᬢ᭄ᬬᬂᬭᬢᬸ᭞ᬗ᭄ᬮᬸᬗ᭄ᬲᬹᬃᬕᬸᬂᬳᬫ᭄ᬧᬸᬭᬵᬳᬸᬕᬶ᭞ᬭᬢᬸᬧᬮᬷᬮᬬᬂᬧᬶᬲᬦ᭄᭞᭠
ᬭᬾᬄᬧᬋᬓᬦ᭄ᬲᬸᬗ᭄ᬲᬂᬘᬭᬶᬓ᭄᭞ᬢᬦ᭄ᬲᬓᬭᬾᬂᬭᬢᬸᬢᬶᬢ᭄ᬬᬂ᭞ᬫᬸᬗ᭄ᬕᭂᬮᬂᬲᬸᬰ᭄ᬭᬸᬲᬩᬓ᭄ᬢᬶ᭟ᬲ᭄ᬫᬮᬶᬄᬢᬶᬢ᭄ᬬᬂᬤᬾᬯ᭄ᬯᬵᬕᬸᬂ᭞ᬚᬕᬫᬧᬫᬶᬢ᭄ᬗ᭄ᬮᬸᬗᬦᬶᬦ᭄᭞ᬦᬾᬫᬮᬶᬄᬧᬶᬢᬸᬂᬳᬳᬶᬦᬵ᭞᭠
ᬲᬦᬾᬩᬾᬜ᭄ᬚᬂᬢᬶᬢ᭄ᬬᬂᬫ᭄ᬭᬶᬓᬶ᭞ᬫᬫᬋᬓ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬗᬶᬲᬵᬫ᭄ᬧᬸᬦᬂᬚᬫᬸᬘᬶᬗᬶᬦ᭄᭟ᬓᬸ᭚ᬳᬮᬫ᭄ᬳᬮᬫ᭄ᬭᬢᬸᬢᬶᬢ᭄ᬬᬂᬲᬦᬾᬳᬶᬩᬶ᭞ᬓ᭄ᬜᬫ᭄ᬩᭀᬅ᭄ᬲᬾᬧᬦᬦ᭄᭞᭠
[᭑᭗᭕ 175A]
ᬤᬸᬭᬸᬂᬯᬾᬦ᭄ᬢᭂᬦ᭄ᬗᬦ᭄ᬳᬫ᭄ᬦᬶᬢ᭄᭞ᬩᬸᬤᬮ᭄ᬢᭀᬂᬤᬤᬶᬳᬦ᭄ᬤᭂᬕᬂ᭟ᬧᬂ᭚ᬫᬳᬯᬦᬦ᭄ᬭᬢᬸ᭠ᬢᬶᬢ᭄ᬬᬂ᭞ᬳᬶᬗᬸᬄᬦᬤᬓ᭄ᬩᭂᬮ᭄ᬩᭂᬮᬦ᭄ᬗᬦ᭄ᬤᭂᬕ᭄ᬫᬸᬜᬶ᭞ᬩᬲ᭄ᬳᬾᬗ᭄ᬕᬮᬦ᭄ᬫ᭄ᬮᬳᬶᬩ᭄ᬮᬩᬸᬄ᭞ᬳᬭᬄᬢᭀ
ᬤᬤᬶᬦ᭄ᬤᬾᬦᬂ᭞ᬲᬶᬭᬗᬸᬮᬄᬲᬶᬜᬳᬤ᭄ᬟᬳᬦᬓ᭄ᬗᭂᬧᬸᬂ᭞ᬮᬓᭀᬦ᭄ᬚᬳᬫ᭄ᬩᬸᬮ᭄ᬜᬫ᭄ᬩᬶᬮᬂ᭞ᬚ᭄ᬦᭂᬂ᭠ᬳᬤᬗᬢᬶᬳᬢᬶ᭟ᬧᬂ᭚ᬧᬗ᭄ᬓᬸᬃᬭᬢᬸᬢᬶᬢ᭄ᬬᬂ᭞ᬫ᭄ᬭᬲᬗ᭄ᬕᬬᬂᬗᬶᬬᭀᬗᬶᬬᭀᬧᬮᬶᬗ᭄ᬕᬶᬄ
᭞ᬘᭀᬓᭀᬃᬳᬶᬤᬾᬯ᭄ᬯᬤᬾᬯ᭄ᬯᬵᬕᬸᬂ᭞ᬬᬦ᭄ᬯᬦ᭄ᬢᬄᬭᬢᬸᬳᬶᬤ᭄ᬟ᭞ᬫᬢᬺᬲ᭄ᬯᬾᬘᬵᬭᬶᬂᬢᬶᬢ᭄ᬬᬂ᭠ᬳᬶᬩᬦ᭄ᬤᬵᬮᬘᬹᬃ᭞ᬭᬢᬸᬢᬶᬢ᭄ᬬᬂᬚᬕᬶᬗᭂᬦᬄ᭞ᬓᬬᬸᬦ᭄ᬓᬾᬦᬫ᭄ᬬᬸᬩᬦ᭄ᬓᭀᬧᬶ᭟ᬦᬾᬫᬮᬶᬄᬧ᭄ᬢᬂ᭠
ᬭᬳᬶᬦᬵ᭞ᬫᬗ᭄ᬤᬩ᭄ᬘᬶᬓ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬲ᭄ᬮᬶᬤᬶᬦ᭄᭞ᬭᬾᬄᬧᬘᬂᬗ᭄ᬮᬸᬗ᭄ᬲᬹᬃᬧᬢᬫ᭄ᬬᬸ᭞ᬓᬬᬸᬦ᭄ᬓᬾᬭᬢᬸᬳᬶᬤ᭄ᬟ᭞ᬫᬗᬶᬘᬾᬦᬶᬦ᭄ᬧᬢᬫ᭄ᬬᬸᬦᬶᬓᬬᬂᬤ᭄ᬯᬵᬕᬸᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬭᬢᬸᬢᬶᬢ᭄ᬬᬂ᭞ᬓ
Kaca:Bali-lontar-gaguritan-tatuptupan-350ppi.pdf/175
Kaca puniki sampun kauji-wacén
