[᭑᭓᭒ 132B]
᭑᭓᭒
ᬓ᭄ᬳᬶᬭᬢᬸ᭞ᬭᬢᬸᬢᭂᬦ᭄ᬓᬶᬘᬾᬦ᭄ᬩᭂᬮᬲ᭄᭞ᬲᬭᬳᬶᬦᬓᬮᬶᬄᬲᬋᬂᬦᬶᬦᬶᬅ᭄ᬭᬢᬸ᭞ᬭᬭᬶᬲ᭄ᬧᬸᬮᬶᬄᬫᬩ᭄ᬮᬲᬦ᭄᭞ᬭᬢᬸᬓᬲᬲᬓ᭄ᬫᬯᬮᬶ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬤᬸᬭᬸᬲ᭄ᬢᬶᬢᬄ᭞ᬲ᭄ᬯᬾᬘᬦ᭄ᬯᬶᬥᬶᬫᬮᬶᬄᬢᬸᬮ
ᬓ᭄ᬓᬩᬵᬮᬶ᭞ᬧᬗ᭄ᬕᬶᬄᬲᬵᬫ᭄ᬧᬸᬦ᭄ᬲᬫᬶᬤᬸᬳᬸᬃ᭞ᬳᬸᬲᬦ᭄ᬲ᭄ᬮᬢ᭄ᬲᬕᬭ᭞ᬓᬢᭀᬦ᭄ᬩᭂᬘᬶᬓ᭄ᬳᬶᬭᬶᬓᬶᬲᬋᬂᬲᬤᬸᬮᬸᬃ᭞ᬢᬶᬢᬄᬦᬾᬦ᭄ᬢᭂᬦ᭄ᬤᬤᭀᬲ᭄ᬩᭂᬮᬲ᭄᭞ᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭟ᬘᭂᬦ᭄ᬤᭂᬢ᭄ᬭᬢᬸᬳᬢᬹᬃ᭠
ᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬧᬘᬂᬫᬮᬶᬄᬗ᭄ᬕᬮᬶᬳᬶᬦ᭄᭞ᬫᬾᬭᬢᬸᬦ᭄ᬢᬶᬢ᭄ᬬᬗᬾᬭᬢᬸ᭞ᬯᬶᬢ᭄ᬲ᭠ᬧᬸᬦᬶᬓᬵᬧᬶᬲᬦ᭄᭞ᬧ᭄ᬓᬬᬸᬦᬦ᭄ᬳᬶᬤ᭄ᬟᬳᬦᬓ᭄ᬘᭀᬓᭀᬭᬢᬸ᭞ᬫᬸᬮᬵᬢ᭄ᬓᬾᬦ᭄ᬳᬶᬢᬺᬱ᭄ᬡᬵ᭞ᬭᬶᬂᬳᬶᬭ᭠
ᬢᬸᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭟ᬲᬓᬾᬯᬦ᭄ᬢᭂᬦ᭄ᬳᬫ᭄ᬧᬸᬭᬬᬂ᭞ᬭᬢᬸᬢᬶᬢ᭄ᬬᬂᬫᬤ᭄ᬭᬸᬯᬾᬕᬸᬲ᭄ᬢᬶᬳᬮᬶᬢ᭄᭞ᬮᬶᬦ᭄ᬢᬂᬧᬸᬗ᭄ᬕᬸᬂᬫᬮᬶᬄᬓᬶᬫᬸᬤ᭄᭞ᬓᬾᬯᬦ᭄ᬢᭂᬦ᭄ᬕᬦ᭄ᬢᬸᬓ᭄ᬮᬕᬲ᭄᭞ᬰᬲ᭄ᬢ᭄ᬭᬩᬦ᭄ᬤᬸᬂᬓ᭄ᬘᬧ᭄ᬳᬶᬧᬸᬦ᭄ᬦᬾᬦ᭄ᬢᭂᬦ᭄ᬫᬸᬧᬸᬄ᭞ᬭᬶᬂ
[᭑᭓᭓ 133A]
ᬳᬸᬦ᭄ᬤᬕᬾᬗ᭄ᬢᬶᬲ᭄ᬜᬸᬭᬵᬢ᭄᭞ᬫᬗᬯᬶᬧᬗᬾᬮᬶᬂᬗᬾᬮᬶᬂ᭟᭐᭚ᬢᭂᬫ᭄ᬩᬂᬥᬂᬥᬂᬓᬳᬢᬹᬃᬫ᭄ᬭᬶᬓᬶᬗᭂᬦᬄ᭞ᬳᬶᬧᬸᬦ᭄ᬓᬾᬦ᭄ᬓᬾᬦ᭄ᬢᬶᬢ᭄ᬬᬂ᭞ᬗᬢᬸᬭᬂᬫᬦᬄᬢᬶᬢ᭄ᬬᬗᬾ᭞ᬫᬯᬓ᭄ᬢᬮᬶᬲ᭄ᬫᬳᬢᬹᬃ᭞ᬫᬗᬢᬸᬭᬂ
ᬫᬦᬳᬾᬧᬮᬶᬂ᭞ᬓ᭄ᬩᬸᬲ᭄ᬩᬳᬂᬫᬸᬮᬗ᭄ᬲᬃ᭞ᬢᬸᬗ᭄ᬕᬮ᭄ᬧ᭄ᬢᭂᬂᬦᬸᬯᬸᬄ᭞ᬳᬸᬬᬂᬫᬦᬸᬮᬫᬾᬳᬶᬤ᭄ᬟ᭞ᬢ᭄ᬯᬭᬵᬧ᭄ᬕᬢ᭄᭞ᬫᬕᬦ᭄ᬢᬸᬂᬤᬶᬳᬸᬮᬸᬦ᭄ᬳᬢᬶ᭞ᬓ᭄ᬮᬧ᭄ᬓᭂᬮᬧ᭄ᬤᬶᬫᬢ᭄ᬣ᭟ᬳᬶᬮᬶᬂᬢᬶᬢ᭄ᬬᬂᬩᬦᬾᬯ᭄ᬮᬲ᭄ᬳᬲᬶᬄ᭞ᬳᬭᬄᬲᬸᬩ
᭞ᬭᬢᬸᬢᬸᬮᬸᬲ᭄ᬲ᭄ᬯᬾᬡᬫ᭄ᬧᬬᬸᬦᬸᬢᬸᬕᬂᬢᬺᬱ᭄ᬡᬦᬾ᭞ᬓ᭄ᬦᭂᬄᬢᬶᬢ᭄ᬬᬗᬾᬳᬶᬗᬸᬄ᭞ᬫᬗ᭄ᬓᬶᬦ᭄ᬤᬤᬶᬳᭀᬲᬄᬗᬸᬢᬶᬧᬶᬢ᭄᭞ᬳᬶᬩᬸᬓ᭄ᬢᭀᬂᬤᬤᬶᬲᬭ᭄ᬯᬂ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬭᬢᬸ᭞ᬦᬾᬦᬾᬳᬚᬧ᭄ᬳᬚᬧ᭄ᬢ᭄ᬬᬂ᭞ᬬᬾ
ᬦ᭄ᬮᬶᬮᬬᬂ᭞ᬤᬶᬧ᭄ᬤᭂᬫᬦ᭄ᬩᬩᬂᬳᬶᬧᬶᬢ᭄᭞ᬫᬲᬶᬄᬢ᭄ᬯᬭᬩᬶᬲᬗᭂᬗ᭄ᬲᬧ᭄᭟ᬳᬮᬫ᭄ᬳᬮᬫ᭄ᬢᬶᬢ᭄ᬬᬲᬳᬶᬲᬳᬶ᭞ᬗᬶᬭᬶᬂᬳᬶᬤ᭄ᬟ᭞ᬢ᭄ᬧᬸᬓ᭄ᬓᬧᬄᬓᬧᬄ᭞ᬤᬶᬦᬸᬚᬸᬫᬲᬦ᭄ᬲ᭄ᬮᬦᬾ᭞ᬢᬸᬗ᭄ᬕᬮ᭄ᬳᬶᬗᭂᬢ᭄ᬢ᭄ᬬᬂᬗᬭᬸᬄ᭞ᬬᬦ᭄ᬢ
Kaca:Bali-lontar-gaguritan-tatuptupan-350ppi.pdf/133
Kaca puniki sampun kauji-wacén
