[᭑᭓᭑ 131B]
᭑᭓᭑
ᬤᬶᬢᬶᬫᬶᬭᬄᬕᬸᬲ᭄ᬢᬶ᭞ᬧᬗᬸᬮᬸᬦᬶᬂᬫᬥᬸᬚᬸᬭᬸᬄ᭞ᬤᬾᬯ᭄ᬯᬦᬶᬂᬰᬰᬶᬄᬓᬧᬢ᭄᭞ᬧᬧᬸᬧᬸᬮᬦ᭄ᬫᬸᬮᬦ᭄ᬫᬦᬶᬲ᭄᭞ᬢ᭄ᬯᬄᬳᬶᬢᬢᬸ᭞ᬧᬶᬦᬓᬂᬢᬶᬢ᭄ᬬᬂᬲ᭄ᬯᬚᬶᬯ᭄ᬯ᭟ᬧᬶᬂᬲᬬᬸᬢᬶᬢ᭄ᬬᬂᬫᬜᬤ᭄ᬫ᭞ᬫᬗ᭄ᬤᬾ
ᬢᬶᬢ᭄ᬬᬂᬚ᭄ᬯᬓᬧᬗ᭄ᬕᬶᬄ᭞ᬭᬶᬂᬳᬶᬫᬶᬭᬄᬫᬓᬭᭀᬦᬦ᭄᭞ᬫᬦ᭄ᬤᬲᬵᬭᬷᬦᬾᬧᬦᬲ᭄ᬢᬶᬲ᭄᭞ᬦᬸᬢᬸᬕ᭄ᬲᬪᬬᬧᬢᬶ᭞ᬫᬦᬢᬓ᭄ᬧᬗ᭄ᬤᬸᬫᬶᬂᬢᬸᬤᬸᬄ᭞ᬲᬧᬶᬲᬦ᭄ᬫᬗᬯᬸᬮ᭞ᬲᬸᬩᬓ᭄ᬢᬶᬫᬩᭀᬯ᭄ᬯᬭᬰ᭄ᬫᬶ᭞᭠
ᬚᬸᬭᬸᬧᬗ᭄ᬓᬸ᭞ᬫᬗᬚᬸᬫ᭄ᬧᬸᬲᬸᬗᬾᬮᬸᬓᬃ᭟ᬲᬶᬕ᭄ᬲᬶᬕᭂᬦ᭄ᬫᬗᬚᬧ᭄ᬳᬚᬧ᭄᭞ᬢᬦ᭄ᬲᬄᬢᬶᬢ᭄ᬬᬂᬗᬲᬶᬳᬲᬶᬄ᭞ᬲ᭄ᬫᬮᬶᬄᬫ᭄ᬧᬸᬕᬸᬡᬤᬾᬯ᭄ᬯ᭞ᬲᬤ᭄ᬟᬲ᭄ᬭᬶᬂᬫᬫᬶᬬᭂᬭᬶᬦ᭄᭞ᬤᬸᬄᬲᬵᬫ᭄ᬧᬸᬦ᭄ᬜᬧ᭄ᬯᬕᬸᬲ᭄ᬢᬶ᭞ᬳᬶ
ᬭᬢᬸᬫᬜᬤ᭄ᬬᬂᬮᬫ᭄ᬧᬸᬲ᭄᭞ᬧᬸᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂ᭞ᬓᬓᬶᬃᬕᬸᬡᬦ᭄ᬓᬤᬶᬫᬗ᭄ᬓᬶᬦ᭄᭞ᬩ᭄ᬘᬶᬓ᭄ᬭᬢᬸ᭞ᬩᬸᬤᬮᬶᬦ᭄ᬓᬧᬫᬺᬫᬦ᭄᭟᭐᭚ᬧᬗ᭄ᬓᬹᬃᬭᬢᬸᬓᬾᬦ᭄ᬓᬾᬦ᭄ᬢᬶᬢ᭄ᬬᬂ᭞ᬫᬗᬢᬸᬭᬂᬧᬸᬦᬶ᭠
[᭑᭓᭒ 132A]
ᬓᬶᬧᬸᬜᬦ᭄ᬕᬫ᭄ᬩᬶᬃ᭞ᬚᬯᬶᬲᬦᬾᬦᬾᬓᬲᬸᬫ᭄ᬩᬸᬂ᭞ᬳᬶᬩᬶᬭᬢᬸᬫᬫᬶᬢᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬳᬸᬢᬸᬲ᭄ᬭᬶᬂᬳᬦᬓ᭄ᬭᬢᬸ᭞ᬚᬸᬭᬸᬧ᭄ᬧᭂᬦ᭄ᬲᬭᬳᬶᬦ᭞ᬭᬶᬂᬫᬦᬸᬚᬸᬧᬦᬸᬗ᭄ᬓᬦ᭄ᬓ᭄ᬭᬯᬸᬳᬦ᭄ᬳᬶᬗᬸᬄ᭞ᬢᬶᬢ᭄ᬬᬂᬦᬾᬦ᭄ᬢᭂ
ᬦ᭄ᬓᬶᬘᬾᬦ᭄ᬩᭂᬮᬲ᭄᭞ᬫᬓ᭄ᬫᬶᬢ᭄ᬭᬳᬶᬫᬵᬯ᭄ᬗᬶ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬤᬯᬸᬳᬦ᭄᭞ᬧᬋᬓ᭄ᬫ᭄ᬭᬶᬓᬶᬗᬢᬸᬭᬂ᭠ᬳᭂᬯᬶᬢ᭄ᬕᬫ᭄ᬩᬶᬃ᭞ᬲᬯᭀᬲᬦ᭄ᬭᬶᬂᬧᬋᬓ᭄ᬭᬢᬸ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬓᬳᬶᬘᬦ᭄᭞ᬚᬕᬕᬜ᭄ᬚᬄᬫᬮᬮᬶᬗ᭠
ᬮᬓᬸᬮᬓᬸ᭞ᬫᬳᬯᬶᬦᬦ᭄ᬢᬶᬢ᭄ᬬᬂᬓᬾᬫᬤ᭄᭞ᬳᬸᬦᬶᬂᬧᬓᬬᬸᬦᬦ᭄ᬲᬫᬶ᭟ᬭᬢᬸᬢᬶᬢ᭄ᬬᬂᬓ᭠ᬧᬶᬢ᭄ᬮᬲ᭄᭞ᬓᬸᬢᬸᬲ᭄ᬫ᭄ᬭᬶᬓᬶᬫᬶᬤᬵᬃᬢ᭄ᬣᬲᬫᬶᬲᬫᬶ᭞ᬬᬦ᭄ᬩ᭄ᬯᬢ᭄ᬓᬬᬸᬦ᭄ᬳᬦᬓ᭄ᬭᬢᬸ᭞ᬬᬤᬶᬦ᭄ᬫᬤᭀᬳᬦ᭄ᬕᭂᬦᬄ᭞
ᬦᬾᬦ᭄ᬢᭂᬦ᭄ᬧᬶᬲᬦ᭄ᬲᬳᭀᬲ᭄ᬓᬤᬶᬲᬦᬾᬤᬸᬫᬸᬦ᭄᭞ᬢᬺᬱ᭄ᬡᬓᬬᬸᬦ᭄ᬓᬸᬫᬜᬫ᭞ᬫᬗ᭄ᬕᭂᬄᬓᬭᬶᬓ᭠ᬤᬶᬭᬶᬳᬶᬦ᭄᭟ᬢᬶᬢ᭄ᬬᬂᬓᬭᬶᬳᬶᬮᬂᬧᬶᬲᬦ᭄᭞ᬲᬤᬯᭂᬕᬾᬓᬭᬶᬧᬢᬸᬭᬸᬳᬮᬶᬢ᭄᭞ᬲᬋᬂᬭᬶᬂᬳᬦ
Kaca:Bali-lontar-gaguritan-tatuptupan-350ppi.pdf/132
Kaca puniki sampun kauji-wacén
