[᭑᭑᭙ 119B]
᭑᭑᭙
ᬘᬸᬢᬹᬃᬫᬸᬗᬮ᭄ᬫᬗᬶᬮ᭄᭞ᬳᬶᬧᬸᬦ᭄ᬓᬾᬦ᭄ᬓᬾᬦᬂᬢᬶᬢ᭄ᬬᬂ᭞ᬜᬤ᭄ᬬᬫᬳᬶᬭᬢᬸ᭞ᬧᬋᬓ᭄ᬫᬗᬢᬸᬭᬂᬲᬹᬭᬵᬢ᭄᭞ᬫᬶᬢᬢᬲᬂ᭞ᬧ᭄ᬭᬘᬶᬳ᭄ᬦᬦᬶᬂᬫᬗ᭄ᬕᭂᬄᬓᬭᬶ᭞ᬫᬦᬄᬢᬺᬱ᭄ᬡᬵᬢᬦ᭄ᬧ᭄ᬕᬢ᭄᭟᭐᭚
ᬳᬶᬥ᭄ᬫᬸᬂᬳᬶᬲᭂᬂᬫᬗ᭄ᬕᬸᬭᬶᬢ᭄ᬫᬫ᭄ᬩᬸᬯᬢᬂ᭞ᬧᬘᬂᬫ᭄ᬭᬶᬓᬶᬓᬳᬢᬹᬃ᭞ᬭᬢᬸᬳᬦᬓᬕᬸᬂ᭞ᬲᬵᬫ᭄ᬧᬸᬭᬧᬶᬲᬦ᭄ᬧᬶᬲᬶᬗ᭄ᬕᬶᬄ᭞ᬧᬸᬦᬶᬓᬶᬳᬢᬸᬭᬦ᭄᭞ᬓᬤᬶᬲᬦᬾᬫᬸᬗ᭄ᬕᬸᬄᬤ᭄ᬯᬵᬕᬸᬂ᭞ᬳᬶᬧᬸᬦ᭄ᬓᬾᬦ᭄ᬓᬾᬦ᭄ᬢᬶᬢ᭄ᬬᬂ᭞ᬜ᭠
ᬤ᭄ᬬᬧᬋᬓ᭄ᬫᬭᬶᬓᬶ᭞ᬫᬤᬾᬯᬾᬓ᭄ᬫᬓᬧ᭄ᬭᬶᬯ᭄ᬓᬲ᭄᭞ᬫᬗ᭄ᬤᬾᬲ᭄ᬓᭂᬦ᭄ᬗᬸᬦᬶᬗᬬᬂᬳᬢᬹᬃ᭟ᬢᬹᬤᬸᬓ᭄ᬢᬶ᭠ᬢ᭄ᬬᬗᬾᬫᬦ᭄ᬢᬸᬓ᭄ᬢᬦ᭄ᬧᬯ᭄ᬓᬲ᭄᭞ᬲᬵᬫ᭄ᬧᬸᬦᬂᬲᬮᬶᬢ᭄ᬓᬬᬸᬦ᭄᭞ᬫᬶᬦᭂᬄᬢᬦᭀᬯᬲ᭄ᬫᬸ᭞ᬦ᭄ᬤᬤᬓ᭄ᬲᭂᬗ᭄ᬓᬵ᭠
ᬮᬗ᭄ᬭᬯᬸᬳᬶᬦ᭄᭞ᬳᬯᬶᬬᬦ᭄ᬗ᭄ᬭᬶᬳᬶᬦᬂ᭞ᬫᬧᬫᬶᬢ᭄ᬓᭀᬢᬶᬢ᭄ᬬᬂᬭᬢᬸ᭞ᬚᬸᬫᬄᬩ᭄ᬗᭀᬂᬲᬯᬢ᭄᭞ᬫ᭄ᬭᬲᬓᬭᬶᬳᬶᬭᬶᬓᬶ᭞ᬫᬗᬶᬭᬶᬂᬘᭀᬓᭀᬃᬳᬶᬤᬾᬯ᭄ᬯ᭞ᬯ᭄ᬬᬓ᭄ᬢᬶᬗᬸᬦ᭄ᬢᭂᬂᬩᬓ᭄ᬢᬶᬦᬾᬜᬸᬲᬸᬧ᭄᭟
[᭑᭒᭐ 120A]
᭐᭚ᬫᬵᬲ᭄ᬓᬸᬫᬫ᭄ᬩᬂᬢ᭄ᬮᬲ᭄ᬓᬧᬶᬤᬵᬃᬢ᭄ᬣᬲᬫᬶ᭞ᬘᬶᬭᬶᬫᬜᬶᬳ᭄ᬦᬬᬂ᭞ᬫᬦᬳᬾᬮ᭄ᬓᭂᬢ᭄ᬫᬕᬸᬲ᭄ᬢᬶ᭞ᬲᬸᬭᬵᬢ᭄ᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂ᭟ᬫᬗ᭄ᬯᭂᬓᬲᬂᬳᬧᬂᬲᬶᬦᬄᬧᬤ᭄ᬟᬦᬵᬫ᭄ᬧᬶ᭞ᬤ᭄ᬯᬵᬕᬸᬂᬗ᭄ᬕᬶᬄᬮᬾᬤᬗᬂ᭞ᬬᬤᬶ
ᬦ᭄ᬤᭀᬄᬫᬕ᭄ᬦᬄᬫᬗ᭄ᬓᬶᬦ᭄᭞ᬲᬲᬶᬓᬶᬭᬢᬸᬭᬲᬜ᭞ᬲᬧᬸᬦᬶᬓᬢ᭄ᬭᬶᬫᬲᬶᬫ᭄ᬧᭂᬦ᭄ᬭᬢᬸᬦᬶᬓᬶ᭞᭠ᬲᬵᬫ᭄ᬧᬸᬦ᭄ᬢᬦ᭄ᬧ᭄ᬭᬘᬬ᭞ᬬᬭᬢᬸᬬᬩ᭄ᬢᬸᬮ᭄ᬳᬶᬦᬶ᭞ᬓᬤᬶᬲ᭄ᬩᬸᬢᬦ᭄ᬭᬶᬂᬲᬸᬭᬵᬢ᭄᭟᭐᭚ᬥᬂᬥᬂᬭᬢᬸᬲᬸ
ᬤ᭄ᬟᬢ᭄ᬭᬶᬫᬓᬲᬶᬄ᭞ᬦᬶᬓᬧᬶᬲᬦ᭄᭞ᬲᬦᬾᬢᬸᬯᬲ᭄ᬢᬶᬢ᭄ᬬᬂ᭞ᬦᬾᬧᬢᬸᬢ᭄ᬧᬓᬬᬸᬦᬦᬾ᭞ᬲᬫᬗ᭄ᬤᬾᬬᬦ᭄ᬢᬶᬦᬸᬮᬸᬲ᭄᭞ᬢ᭄ᬭᬸᬫᬶᬸᬲ᭄ᬫᬗ᭄ᬕᭂᬄᬲᬫ᭄ᬧᬾᬅ᭄ᬓᬳᬢᬶ᭞ᬓᬭᬶᬢᬦ᭄ᬓᬦᬦ᭄ᬕᬶᬗ᭄ᬕᬂ᭞ᬓᬤᬶᬲᬦᬾᬲᬵ
ᬫ᭄ᬧᬸᬦ᭄᭞ᬧᬓᬬᬸᬦᬦᬾᬭᬶᬂᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬯ᭄ᬓᬲ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗ᭄ᬫᬦᬳᬶᬦ᭄᭞ᬬᬤᬶᬦ᭄ᬲᬓᬶᬂᬓᬤᭀᬳᬦ᭄᭟ᬳᬶᬧᬸᬦ᭄ᬧᬢᭂᬄᬦᬾᬦ᭄ᬢᭂᬦ᭄ᬜᬦ᭄ᬤᬂᬫᬮᬶᬄ᭞ᬫᬜᭂᬋᬧᬂ᭞ᬢᭂᬦ᭄ᬓᭂᬦ᭄ᬢᬶᬢᬳᬓᭀᬤᬂ᭞ᬳ᭄ᬦᬸ
Kaca:Bali-lontar-gaguritan-tatuptupan-350ppi.pdf/120
Kaca puniki sampun kauji-wacén
