[᭑᭑᭘ 118B]
᭑᭑᭘
ᬓᬲᭀᬩ᭄ᬭᬢᬸᬢᬶᬢ᭄ᬬᬂ᭞ᬗᬸᬤᬓᬾᬦ᭄ᬢᭂᬦ᭄ᬭᬢᬸᬫᬗ᭄ᬓᬶᬦ᭄᭞ᬗ᭄ᬕᬶᬄᬢᬶᬗ᭄ᬮᬲᬂᬧᬗᬦ᭄ᬤᬶᬓ᭟ᬫᬳᬯᬦᬦ᭄ᬭᬢᬸᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬓᬮᬶᬦ᭄ᬢᬂᬧ᭄ᬭᬲᬗ᭄ᬕᬵ᭞ᬫᬸᬗᬸᬳᬢᬹᬃᬢᬶᬢ᭄ᬬᬂᬫ᭄ᬭᬶᬓᬶ᭞ᬭᬶᬂᬧ᭄ᬮᬸᬗ᭄ᬕᬸᬄᬘᭀ
ᬓᭀᬃᬳᬶᬤᬾᬯ᭄ᬯ᭟ᬲᬵᬫ᭄ᬧᬸᬦ᭄ᬫᬶᬦᭂᬄᬢᬶᬢ᭄ᬬᬂᬲᬓᬾᬂᬮᬗ᭄ᬕᬄᬚ᭄ᬯᬭᬶ᭞ᬲᬶᬧᭀᬓ᭄ᬮᬦ᭄ᬩᬚᬶᬕᬃ᭞ᬧᭀᬗᬄᬗ᭄ᬢᬸᬄᬫᬢ᭄ᬣᬫᬢᬶ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬲᬧᬸᬦᬶᬓᬵ᭟᭐᭚ᬕᬶᬦᬵᬦ᭄ᬢᬶᬭᬢᬸᬓᬳᬢᬹᬃ᭞ᬓ
ᬯᬶᬤᬤᬓᬦ᭄ᬧᬸᬦᬶᬓᬶ᭞ᬳᬯᬶᬦᬦ᭄ᬳᬫ᭄ᬧᬸᬭᬢᬶᬢ᭄ᬬᬂ᭞ᬭᬾᬄᬓᬤᬶᬓᬤᬢ᭄ᬫᬍᬲᬶᬦ᭄᭞ᬲᬳᬶᬱ᭄ᬡᬸᬯᬂᬳᬸᬲᬦ᭄ᬫᭂᬗ᭄ᬕᬄ᭞ᬢᬶᬢ᭄ᬬᬂᬦᬵᬳᭂᬦ᭄ᬧᬶᬲᬦ᭄ᬲᬶᬲᬶᬧ᭄᭟ᬦᬗᬶᬂᬢᬦ᭄ᬲ᭄ᬓᬭᬾᬂᬭᬢᬸ᭞ᬫᬦᬄᬫᬸᬗ᭄ᬕᭂᬮ᭄ᬢᬺᬱ᭄ᬡᬵ
ᬳᬰᬶᬄᬫᬗ᭄ᬕᭂᬄᬢᬦ᭄ᬓᬳᬦᬦ᭄ᬕᬶᬗ᭄ᬕᬂ᭞ᬲᬵᬫ᭄ᬧᬸᬦ᭄ᬭᬢᬸᬢᭂᬦ᭄ᬗᬸᬕᭀᬦᬶᬦ᭄᭞ᬫ᭄ᬓᬤᬶᬜᬢᬦ᭄ᬲᬸ᭠ᬫᭂᬗ᭄ᬓ᭞ᬭᬶᬂᬳᬢᬹᬃᬢᬶᬢ᭄ᬬᬗᬾᬦᬶᬓᬶ᭟ᬬᬦ᭄ᬧᬫᬦᬄᬢᬶᬢ᭄ᬬᬂᬭᬢᬸ᭞ᬫᬗ᭄ᬕᭂᬄᬓᬭᬶᬓᬤᬶᬭᬶᬳᬶᬦ᭄᭞᭠
[᭑᭑᭙ 119A]
ᬫᬯᬶᬦᬦ᭄ᬫᬸᬯᬢᬂᬧᬶᬲᬦ᭄᭞ᬲᬫᬗ᭄ᬤᬾᬜᬶᬤ᭄ᬟᬬᬂᬳᬸᬕᬶ᭞ᬢᬶᬢ᭄ᬬᬂᬗᬾᬦ᭄ᬓᬾᬦ᭄ᬫ᭄ᬭᬶᬓᬶᬗᭂᬦᬄ᭞ᬲᬫᬢ᭄ᬭᬫᬓᬧ᭄ᬭᬘᬶᬭᬶ᭟ᬓᬾᬯᬦ᭄ᬢᭂᬦ᭄ᬮᬾᬤᬗᬂᬭᬢᬸ᭞ᬲᬵᬫ᭄ᬧᬸᬦ᭄ᬫᬮᬶᬄᬳᬶᬯᬂᬢᬫ᭄ᬧᬶ᭞ᬭᬢᬸᬭᬶᬂᬧᬫ
ᬦᬄᬢᬶᬢ᭄ᬬᬂ᭞ᬓᬮᬶᬄᬦᬾᬫᬸᬗ᭄ᬕᬸᬄᬳᬶᬭᬶᬓᬶ᭞ᬫᬤᬾᬯᬾᬓ᭄ᬲᬸᬭᬵᬢ᭄ᬧᬗᬭᬂ᭞ᬬᬓ᭄ᬢᬶᬢᭂᬦ᭄ᬜᬦ᭄ᬤᬂ᭠ᬕᬮᬶᬳᬶᬦ᭄᭟᭐᭚ᬢᭂᬫ᭄ᬩᬂᬥᬂᬥᬂᬳᬫ᭄ᬧᬸᬭᬬᬂᬳᬸᬕᬶ᭞ᬳᬢᬹᬃᬢᬶᬢ᭄ᬬᬂ᭞ᬜᬸᬲᬸᬧ᭄ᬫᬸᬗ᭄ᬕ᭄ᬯᬶᬂᬲᬸᬭᬵᬢ᭄
᭞ᬜᬶᬮᬸᬫᬦ᭄ᬭᬶᬂᬋᬋᬧᬶᬦᬾ᭞ᬧᬶᬲᬭᬵᬢ᭄ᬢᬶᬢ᭄ᬬᬂᬫᬵᬢᬹᬃ᭞ᬫᬵᬢᬹᬃᬗᬶᬬᭀᬭᬢᬸᬫᬭᬶᬓᬶ᭞ᬗᬶᬂ᭠ᬳᬶᬧᬸᬦ᭄ᬢᬫ᭄ᬩᭂᬢ᭄ᬧᬶᬲᬦ᭄᭞ᬫᭀᬫᭀᬓᬮᬶᬄᬧᭂᬗ᭄ᬓᬸᬂ᭞ᬮᬾᬤᬂᬗᬂᬭᬶᬂᬧ᭄ᬓᬬᬸᬦᬦ᭄᭞ᬚᬦ᭄ᬫᬲᬶᬕᬸᬕ᭄᭞
ᬓᬾᬯᬦ᭄ᬢᭂᬦ᭄ᬲᬶᬤ᭄ᬟᬫᬫᬵᬃᬕ᭄ᬕᬶ᭞ᬫ᭄ᬭᬶᬓᬶᬗᬢᬸᬭᬂᬲᬸᬭᬵᬢ᭄᭟ᬫ᭄ᬭᬲᬗ᭄ᬕᬬᬂᬗᬶᬬᭂᬕ᭄ᬭᬢᬸᬤᬶᬦᬶ᭞ᬫᬗᬶᬚᭂᬓᬂ᭞ᬫᬸᬳᬸᬢᬂᬢᬶᬦ᭄ᬤᬓᬦ᭄ᬧᬦ᭄ᬫᭀᬫᭀᬭᬾᬄᬓᬸᬮᬸᬭᬦᬾ᭞ᬦᬶᬓᬶᬳᬶᬧᬸᬦ᭄ᬳᬶᬢᬜ᭄ᬚᬸᬂ᭞ᬚᬤ᭄ᬫᬮᬸ᭠
Kaca:Bali-lontar-gaguritan-tatuptupan-350ppi.pdf/119
Kaca puniki sampun kauji-wacén
