[᭑᭑᭔ 114B]
᭑᭑᭔
ᬫᬭᬶᬓᬶ᭞ᬧ᭄ᬭᬲᬶᬤ᭄ᬟᬫᬋᬓᬦ᭄᭞ᬘᬶᬳ᭄ᬦᬦ᭄ᬢᬶᬢ᭄ᬬᬗᬾᬲᬸᬩᬓ᭄ᬢᬶ᭞ᬩᬓ᭄ᬢᬶᬘᬸᬘᬸᬤ᭄ᬫᬫᬋᬓᬦ᭄᭟ᬦᬵᬤ᭄ᬬᬦ᭄ᬳᬤᭀᬄᬕ᭄ᬦᬄᬢᬶᬢ᭄ᬬᬗᬾᬪᬝᬵᬭᬶ᭞ᬭᬢᬸᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬫᬶᬦᭂᬄᬢᬶᬢ᭄ᬬᬂᬫᬸᬗ᭄ᬓᬶᬃᬚᬜ᭄ᬚᬶ᭞ᬢᬶ
ᬢ᭄ᬬᬂᬲᬓᬶᬂᬩᬓ᭄ᬢᬶᬧᬶᬲᬦ᭄᭟᭐᭚ᬧᬗ᭄ᬓᬸᬃᬦᬶᬓᬶᬳᬸᬧᬤ᭄ᬬᬂ᭞ᬲᬓᬶᬂᬳᬶᬦ᭄ᬯᬦ᭄ᬢᬄᬫᬸᬮᬧᬸᬦᬶᬓᬶ᭞ᬲᬦᬾᬋᬋᬄᬢᬶᬢ᭄ᬬᬂᬭᬢᬸ᭞ᬯᬦ᭄ᬢᬄᬜ᭄ᬳᭂᬤᬂᬧᬶᬲᬦ᭄᭞ᬭᬳᬶᬦᬯ᭄ᬗᬶᬫᬗ᭄ᬤᬲᬧᬸᬦᬶᬓᬶᬭᬢᬸ᭞ᬦᬾᬦ᭄ᬯᬘ
ᬦᬢ᭄ᬯᬭᬳᬤ᭄ᬟ᭞ᬧᬢᬸᬢ᭄ᬜᬦ᭄ᬤᬂᬲᬚᬯ᭄ᬬᬓ᭄ᬢᬶ᭟ᬯᬶᬭᬾᬄᬢᬶᬢ᭄ᬬᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬮᬶᬦ᭄ᬢᬕ᭄ᬲᬶᬧᭀᬓ᭄ᬜᬦ᭄ᬤᬂᬭᬢᬸᬢᬦ᭄ᬧᭀᬮᬶᬄ᭞ᬢᭀᬫᬯᬦᬦ᭄ᬢ᭄ᬯᬭᬜᬸᬫ᭄ᬧᬸ᭞ᬢᬦ᭄ᬲᬸᬫᭂᬗ᭄ᬓᬭᬶᬂᬢᬶᬢ᭄ᬬᬂ᭞ᬮᬶᬦ᭄ᬢᬂᬢᬸᬦᬧᬫ
ᬋᬓᬦ᭄ᬢ᭄ᬬᬂᬗᬾᬭᬢᬸ᭞ᬫᬗ᭄ᬓᬶᬦ᭄ᬮᬾᬤᬂᬧᬓᬬᬸᬦᬦ᭄᭞ᬢᬶᬢ᭄ᬬᬕ᭄ᬧᬶᬢ᭄ᬮᬲ᭄ᬲᬳᬶᬭᬶᬂ᭟᭐᭚ᬥᬂᬥᬂᬭᬢᬸᬳᬸᬢᬸᬲ᭄ᬢ᭄ᬬᬂᬫᬳᬶ᭞ᬫᬋᬓ᭄ᬳᬶᬤ᭞ᬫᬵᬢᬹᬃᬫᬗᬢᬸᬭᬂᬫᬗ᭄ᬤᬲᬶᬦᬄᬧᬦᬫ᭄ᬧᬶᬦᬾ᭞ᬦᬗᬶᬂᬳᬫ᭄ᬧᬸ
[᭑᭑᭕ 115A]
ᬭᬭᬢᬸ᭞ᬳᬦ᭄ᬢᬸᬓ᭄ᬓᬲᬾᬧ᭄ᬢᬶᬢ᭄ᬬᬂᬫᬍᬲᬶᬦ᭄᭞ᬬᬦ᭄ᬫᬸᬗ᭄ᬕ᭄ᬯᬶᬂᬫᬦᬄᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬭᬢᬸᬫᬫᬦᬄᬫᬸᬗ᭄ᬕᭂᬮ᭄ᬧᬶᬢᬺᬱ᭄ᬡᬵ᭞ᬳᬶᬮᬶᬂᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬭᬢᬸᬳᬶᬯᬂᬢᬫ᭄ᬧᬶ᭞ᬗ᭄ᬕᬶᬄᬕᬫᭂᬮ᭄ᬳᬢᬹᬃᬢᬶᬢ᭄ᬬᬂ
᭟ᬗᬶᬂᬳᬫ᭄ᬧᬸᬭᬢᬶᬢ᭄ᬬᬂᬳᬶᬓᬲ᭄ᬬᬲᬶᬄ᭞ᬲᬓᬾᬯᬮ᭞ᬧᬂᬳᬤᬧ᭄ᬭᬘᬶᬳ᭄ᬦ᭞ᬧᬜ᭄ᬚᭂᬃᬧᬗᬾᬮᬶᬗᬾᬮᬶᬗᬾ᭞ᬩ᭄ᬮᬲ᭄ᬢᬦ᭄ᬫᭂᬳᬵᬭᬢᬸ᭞ᬢ᭄ᬧᬸᬓ᭄ᬓᬮᬶᬄᬦᬸᬓᬵᬮᬸᬤᬾᬰᬶᬄ᭞ᬗᬶᬤ᭄ᬟᬲᬗᭂᬢ᭄ᬦᬦ᭄ᬤ᭄ᬭᬸᬳᬂ᭞ᬭᬾᬄᬤ᭠
ᬤᬓ᭄ᬓᬳᬧᬸᬲ᭄᭞ᬓᬩᬼᬢᭀᬂᬤᬤᬶᬢᬸᬗ᭄ᬓᬲᬂ᭞ᬧ᭄ᬭᬫᬗ᭄ᬓᬶᬦᬦ᭄᭞ᬓᬕ᭄ᬭᬓ᭄ᬢ᭄ᬯᬭᬧ᭄ᬲᬸᬫᬸᬜᬶ᭞ᬧᬦ᭄ᬲᭀᬢᬦᬶᬂᬓᬯᬯ᭄ᬯ᭞ᬕᬸᬕᬸᬦᬄᬗ᭄ᬕᬶᬄᬲᬗ᭄ᬓᬦ᭄ᬩᬸᬓᬚᬦᬶ᭞ᬫᬧᬗᭂᬦᬦ᭄᭞ᬬᬾᬦ᭄ᬤᬤᬶᬲᬶᬮᬸᬭᬂᬚ᭄ᬦᭂᬂᬢᭀᬂᬩᬶᬦ
ᬓᬬᬸᬦᬾ᭞ᬢ᭄ᬬᬂᬢᭂᬓᬾᬦ᭄ᬳᬶᬭᬢᬸ᭞ᬓᬧᭀᬢᬸᬤᬸᬳᬶᬂᬯᬶᬥᬶ᭞ᬩᬸᬫᬭᬫᭂᬂᬧᭂᬂᬢᬺᬱ᭄ᬡ᭞ᬧᬧᬲᬄᬫᬲᬗᬸ᭞ᬲᬗ᭄ᬲᬭᬮᬭᬓᬵᬩᬭᬦ᭄᭞ᬢᬸᬤᬸᬄᬢᬶᬢᬄᬗᬶᬭᬶᬂᬓᬳ᭄ᬬᬸᬦ᭄ᬲᬂᬫᬗᬃᬤ᭄ᬟᬶ᭞ᬭᬾᬄᬢ᭄ᬯᬭᬤᬤᬶ
Kaca:Bali-lontar-gaguritan-tatuptupan-350ppi.pdf/115
Kaca puniki sampun kauji-wacén
