[᭑᭑᭓ 113B]
᭑᭑᭓
ᬗᬾ᭞ᬦᬵᬍᬃᬚᬕ᭄ᬕᬶᬸᬕᬫᬳᬸᬭᬸᬓ᭄᭞ᬗ᭄ᬕᬶᬄᬳᬚᬳᬶᬦ᭄ᬚᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬕ᭄ᬮᬶᬲᬼᬧᬲ᭄᭞ᬫᬲᬓᭀᬮᬄᬤ᭄ᬯᬵᬕᬸᬂ᭞ᬳᬦ᭄ᬢᬸᬓᬾᬘᭀᬓᭀᬃᬳᬶᬤᬾᬯ᭄ᬯ᭞ᬗᬦ᭄ᬤᬶᬓᬬᬂ᭞ᬢᬶᬢ᭄ᬬᬂᬫ
ᬭᬶᬓᬶᬗᬸᬭᬸᬯᬶᬦ᭄᭞ᬫᬲᬢᬦ᭄ᬭᬶᬂᬧ᭄ᬓᬬᬸᬦᬦ᭄᭚᭜᭚ᬲᬶᬦᭀᬫ᭄ᬭᬢᬸᬳᬢᬹᬃᬢᬶᬢ᭄ᬬᬂ᭞ᬳᬗ᭄ᬕᬾᬫᬓᬘᬶᬳ᭄ᬦᬪᬓ᭄ᬢᬶ᭞ᬧᬸᬦᬶᬓᬶᬳᬢᬸᬭᬦ᭄ᬢᬶᬢ᭄ᬬᬂ᭞ᬧᭀᬢ᭄ᬭᬾᬢᬾᬳᬗ᭄ᬕᬾᬦ᭄ᬧᬓᬾᬮᬶᬂ᭞ᬭᬶᬂᬢᬶᬢ᭄ᬬ
ᬗᬾᬫᬧᬫᬶᬢ᭄᭞ᬫᬗ᭄ᬤᬯᬾᬦ᭄ᬢᭂᬦ᭄ᬳᬓ᭄ᬱᬶᬤ᭄ᬯᬵᬕᬸᬂ᭞ᬗᬶᬂᬲᬵᬫ᭄ᬧᬸᬭᬬᬂᬧᬶᬲᬦ᭄᭞ᬧᭀᬢ᭄ᬭᬾ᭠ᬢ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬳᬶᬧᬸᬦ᭄ᬓᬯᭀᬦ᭄ᬫᬗ᭄ᬤᬯᬾᬦ᭄ᬢᭂᬦ᭄ᬫᬫᬋᬓᬦ᭄᭟ᬫᬶᬦᬓᬤᬶᬘᬶᬳ᭄ᬦᬦ᭄ᬢᬶᬢ᭄ᬬᬂ᭞ᬫᬗ᭄ᬕᭂᬄ
ᬲᬸᬰᬸᬲᬲᬸᬪᬓ᭄ᬢᬶ᭞ᬭᬸᬫᬲᬢᬂᬭᬢᬸᬢᬶᬢ᭄ᬬᬂ᭞ᬫᬗᬶᬭᬶᬂᬭᬳᬶᬦᬯ᭄ᬗᬶ᭞ᬢᬦ᭄ᬲᬄᬲᬳᬶᬫ᭄ᬢᭂᬓᬶᬦ᭄᭞ᬭᬶᬂᬧᬗᭂᬦ᭄ᬢᬄᬲᬸᬗ᭄ᬚᬦ᭄ᬤ᭄ᬯᬕᬸᬂ᭞ᬧᬂᬲᬵᬫ᭄ᬧᬸᬦ᭄ᬩᬗᭂᬢ᭄ᬧᬶᬲᬦ᭄᭞ᬢᬶᬢ᭄ᬬᬂᬫᬶᬦᬵᬩ᭄ᬮᬲ᭄ᬗᬯᭀᬦᬶᬦ᭄᭞ᬫ
[᭑᭑᭔ 114A]
ᬫᬋᬓᬦ᭄ᬭᬢᬸᬭᬶᬂᬘᭀᬓᭀᬃᬳᬶᬤᬾᬯ᭄ᬯ᭟ᬧᬂ᭚ᬥᬸᬄᬭᬢᬸᬪᬝᬵᬭᬶᬦ᭄ᬢᬶᬢ᭄ᬬᬕ᭄᭞ᬳᬦᬓᬕᬸᬂᬳᬶᬲ᭄ᬢ᭄ᬭᬶᬓᬵᬭᬂᬓᬧᬸᬚᬶ᭞ᬗ᭄ᬕᬶᬄᬳᬾᬮᬶᬗᬂᬳᬦᬓᬕᬸᬂ᭞ᬓᬤᬶᬯᬘᬦᬵᬦ᭄ᬳᬶᬤᬵ᭞ᬲᬵᬫ᭄ᬧᬸᬦ᭄ᬧᬶᬲ
ᬦ᭄ᬩᬲ᭄ᬩᬗᭂᬢ᭄ᬮᬶᬦ᭄ᬢᬂᬓᬢ᭄ᬮᬜ᭄ᬚᬸᬃ᭞ᬭᬾᬄᬲᬵᬫ᭄ᬧᬸᬦ᭄ᬤ᭄ᬯᬕᬸᬂᬫᬢᬶᬗ᭄ᬕᬮ᭄᭞ᬲᬶᬂᬳᬶᬗᭂᬢ᭄ᬤᬸᬓ᭄ᬲᬫ᭄ᬧᬸᬦ᭄ᬗᬸᬦᬶ᭟ᬲᬓᬾᬯᬦ᭄ᬢᭂᬦ᭄ᬫᬗ᭄ᬤᬯᬾᬦ᭄ᬢᭂᬦ᭄᭞ᬗᬸᬦᬶᬗᬬᬂᬯᬦ᭄ᬢᬄᬧᬗᬾᬮᬶᬂᬗᬾᬮᬶᬂ᭞ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬭᬢᬸᬤ᭄ᬯᬕᬸᬂ᭞ᬩ
ᬗᭂᬢ᭄ᬓᬧᬶᬦᭂᬄᬳᬶᬯᬂ᭞ᬳᬢᬹᬃᬢᬶᬢ᭄ᬬᬂᬮᬸᬘᬸᬫ᭄ᬭᬲᬗ᭄ᬕᬬᬂᬳᬢᬹᬃ᭞ᬢ᭄ᬬᬂᬗᬶᬬᭀᬘᭀᬓᭀᬃᬳᬶᬤᬾᬯ᭄ᬯ᭞ᬤ᭄ᬯᬕᬸᬂᬤ᭄ᬭᬶᬓᬶᬫᬓᬭᬰ᭄ᬫᬶᬦ᭄᭟ᬬᬦ᭄ᬫᬸᬗ᭄ᬕ᭄ᬯᬶᬂᬧᬫᬦᬄᬢᬶᬢ᭄ᬬᬂ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬫᬦᬄᬫᬸᬗ᭄ᬕᭂᬮ᭄ᬲᬸᬩᬓ᭄ᬢᬶ᭞
ᬲᬵᬫ᭄ᬧᬸᬦ᭄ᬫᬶᬦᭂᬄᬢᬶᬢ᭄ᬬᬂᬭᬢᬸ᭞ᬢᬦ᭄ᬩᬓ᭄ᬢᬶᬫᬫᬋᬓᬦ᭄᭞ᬢᬶᬢ᭄ᬬᬂᬮᬶᬦ᭄ᬢᬂᬲᬸᬩᬓ᭄ᬢᬶᬪᬝᬵᬭᬶᬳᬕᬸᬂ᭞᭠ᬲ᭄ᬫᬢ᭄ᬭᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬦᬶᬮᬭᬶᬦ᭄ᬧ᭄ᬮᬸᬗ᭄ᬕᬸᬄᬪᬝᬵᬭᬶ᭟᭐᭚ᬫᬵᬲ᭄ᬓᬸᬫᬫ᭄ᬩᬂᬳᬢᬸᬭᬂᬢᬶᬢ᭄ᬬᬂ
Kaca:Bali-lontar-gaguritan-tatuptupan-350ppi.pdf/114
Kaca puniki sampun kauji-wacén
