[᭒᭔ 24B]
᭒᭔
ᬮᬸᬫᬕᬲᬂᬦᬵᬣᬭᬶᬂᬲᬹᬃᬬ᭄ᬬᬯᬗ᭄ᬰᬜᬯᬭᬳᬤ᭄ᬬᬦ᭄ᬳᬓᭀᬦᬕ᭄ᬮᬶᬲ᭄ᬦᭂᬫ᭄ᬩᬂᬢᬗᬭᬕᬾᬕᬾᬃᬓᬂᬩᬮᬧ᭄ᬭᬵᬧ᭄ᬢᬶ᭟ᬲᬓᬾᬳᬾᬲᬢᭀᬓᬂᬳᬸᬫᬸᬗ᭄ᬕᬸᬄᬭᬶᬗᬮᬲ᭄ᬲᬤᬬᬫᬗ᭄ᬓᬾᬧ᭄ᬭᬵᬧ᭄ᬢᬶᬮᬶᬫᬦ᭄ᬮᬦ᭄ᬕᬤᬃᬪᬫ᭄ᬭᬾᬂᬲᬫ᭄ᬧᬶᬫᬜ᭄ᬚᬗᬦ᭄ᬲᬶ
ᬗ᭄ᬳᬵᬲᬃᬤᬸᬮᬫ᭄ᬯᬂᬓᬜ᭄ᬘᬶᬮ᭄ᬮᬦ᭄ᬤᬓ᭄ᬮᬦ᭄ᬓᬶᬤᬂᬲᭂᬲᭂᬦᬸᬓ᭄ᬯᬭᬓ᭄ᬢᬦ᭄ᬓᬭᬶ᭟ᬉᬮᬪᬷᬱᬵᬓᬕᬶᬭᬶᬕᬶᬭᬶᬳᬸᬮᬄᬦ᭄ᬬᬓᬾᬗᬶᬲ᭄ᬤᬥᬶᬦ᭄ᬬᬮᬸᬗᬶᬤ᭄ᬲᬸᬫᬶᬭᬢ᭄ᬯᬶᬱᬦ᭄ᬬᬲᬓᬾᬂᬢᬸᬢᬸᬓ᭄ᬪᬶᬱᬫᬫᭀᬂᬧ᭄ᬭᬵᬧ᭄ᬢᬲ᭄ᬯᬭᬗᬺᬗᬢ᭄ᬭᬶᬳᬸᬫᭂᬂᬕᬮᬓ᭄ᬦ᭄ᬬᬧᬥᬫᬋᬓ᭄ᬭᬵᬤᬾ
ᬦ᭄ᬫᬦ᭄ᬢ᭄ᬭᬷ᭟ᬭᬵᬤᬾᬦ᭄ᬕᬚᬄᬓᬸᬫᬸᬥᬳᬭᬶᬲᬗᬸᬘᬧ᭄ᬳᬾᬄᬲᬓ᭄ᬯᬾᬄᬢᬲᬢ᭄ᬯᬾᬓᬶᬧᬫᬗ᭄ᬓᬢᬓᬶᬢᬲᬯᬵᬦ᭄ᬧᬢᬶᬄᬥᬂᬥᬂᬗ᭄ᬮᬓ᭄ᬳᬫ᭄ᬢᭀᬦᬦᬲᬂᬳᬚᬶᬪᬱ᭄ᬓᬭᬯᬗ᭄ᬰᬳᬦᬾᬂᬫᬮᬬᬯᬢᬶ᭟ᬳᬤᬦ᭄ᬫᬗ᭄ᬓᬢ᭄ᬲᬶᬭᬳᬧᬢᬶᬄᬥᬂᬥᬂᬗ᭄ᬮᬓ᭄ᬲᬢᭀᬕᬸᬫᬸ
ᬭᬸᬄᬳᬗᬶᬭᬶᬂᬢᬦᬓ᭄ᬦᬯᬶᬦᬶᬮᬂᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬂᬫᬮᬬᬢᭂᬧᬶᬲᬶᬭᬶᬂᬯᬸᬲ᭄ᬓᬮᬶᬦ᭄ᬤᬶᬄᬓᬵᬕᬸᬗᬦ᭄ᬮᬯᬵᬦ᭄ᬫᬮᬵᬬ᭄ᬯᬢᬧᬦ᭄ᬓᬦᬶᬦ᭄᭟ᬧᬢᬶᬄᬥᬂᬥᬂᬗ᭄ᬮᬓ᭄ᬫᬗ᭄ᬓ᭄ᬬᬳᬗᬤᬸᬩᬮᬫᬭᬶᬂᬳᬃᬱᬮᬸᬫᬶᬦ᭄ᬤᬶᬄᬧᭂᬤᬂᬯᬸᬲ᭄ᬮᬶᬦᬶᬕᬲ᭄ᬓᬗ᭄ᬕᭂᬓ᭄ᬯᭀᬂᬲᬹᬃᬬ᭄ᬬᬯᬗ᭄ᬰ
[᭒᭕ 25A]
ᬲᬢᭀᬲᬤᬬᬗᭂᬫ᭄ᬩᬸᬮᬶᬳᬫᬺᬧᬾᬂᬮᬯᬦ᭄ᬳᬕᬸᬤᬸᬳᬦ᭄ᬲ᭄ᬯᬭᬵᬢ᭄ᬭᬶ᭟ᬲᬶᬦᬯᬸᬢᬶᬂᬲᬶᬗ᭄ᬳᬲᭂᬦᬸᬓ᭄ᬮᬦ᭄ᬕᬤᬃᬪᬫᬾᬂᬫ᭄ᬭᬾᬂᬲᬫ᭄ᬧᬶᬗᬸᬬᬸᬳᬶᬦ᭄ᬢᬶᬦᬸᬚᬄᬫᬜ᭄ᬚᬗᬦ᭄ᬘᬶᬦᭀᬓᭀᬢ᭄ᬤᬾᬦᬶᬂᬫᬘᬦ᭄ᬧᬶᬦᬶᬍᬢᬶᬂᬳᬸᬮᬫᬡ᭄ᬟᬶᬮᬦ᭄ᬤᬓ᭄ᬮᬦ᭄ᬓᬶᬤᬂᬲᭂᬓᬸᬓ᭄ᬧ
ᬥᬜᭀᬓᭀᬢᬶᬦ᭄᭟ᬓᬮᬭᬦ᭄ᬓᬂᬩᬮᬭᬶᬂᬲᬹᬃᬬ᭄ᬬᬯᬗ᭄ᬰᬳᬶᬗᬶᬤᭂᬓ᭄ᬤᬾᬦᬶᬂᬳᬱ᭄ᬝᬶᬓᬶᬦᬫ᭄ᬩᬶᬢᬶᬂᬯᬭᬓ᭄ᬘᬶᬦᭀᬓᭀᬢᬶᬂᬳᬲᬸᬳᬲᬂᬢᬶᬦᬸᬚᬳᬶᬂᬘᬾᬮᬾᬂᬓᬜ᭄ᬘᬶᬮ᭄ᬓᬺᬯᬕᬗᬸᬦ᭄ᬤᬲᬶᬦᬶᬕᬶᬢᬶᬂᬢᬶᬗ᭄ᬕᬶᬮᬶᬂ᭟ᬯᬸᬲ᭄ᬓᬲᭀᬭᬦ᭄ᬓᭀᬦ᭄ᬤᬸᬃᬓᬂᬱᬾ
ᬱᬦᬶᬂᬧᭂᬚᬄᬳᬯᭂᬤᬶᬕᬶᬭᬶᬕᬶᬭᬶᬫᬦ᭄ᬢ᭄ᬭᬷᬮᬦ᭄ᬲᬢ᭄ᬭᬶᬬᬧᬥᬳᬦᬦ᭄ᬤᬂᬮᬭᬳᬦ᭄ᬳᬦᭀᬦᬾᬂᬮᬕᬶᬮᬕᬶᬰᬢ᭄ᬭᬸᬪᬶᬱᬫᬫᬃᬫ᭄ᬫᬦᬾᬲᬫᬯ᭄ᬭᬶᬦ᭄ᬯ᭄ᬭᬶᬦ᭄᭟ᬭᬵᬤᬾᬦᬚᭂᬂᬢᬸᬫᬦ᭄ᬤᬂᬢᬸᬃᬫᬭᬶᬂᬳᬃᬱᬳᬦᬸᬗ᭄ᬕᬂᬓᬸᬤᬧᬸᬢᬶᬄᬳᬗ᭄ᬕᬯᬕᬦ᭄ᬤᬾᬯᬓᬸᬤᬦᬾᬤᬤᬋ᭠
ᬗᬲ᭄ᬫᬫᭂᬤᬮ᭄ᬢᬸᬃᬫᬲᬲᬶᬭᬶᬕ᭄ᬫᬭᬫᬸᬦ᭄ᬤᬸᬭᬫᬓᬢᬶᬓᬾᬫᬋᬧᬃᬓᬶᬦ᭄᭟ᬤᬤᬶᬢᬶᬩᬓᬶᬂᬕᬶᬕᬶᬭᬶᬂᬓᬸᬤᬲᬸᬫᬗ᭄ᬓᬶᬦ᭄ᬫᬕᬤᬾᬤᬶᬂᬮᬚᬸᬫᬗᬸᬜ᭄ᬚᬶᬢᬂᬭᬤᬾᬦ᭄ᬫᬦ᭄ᬢ᭄ᬭᬷᬓᬩᬸᬜ᭄ᬘᬂᬢᬶᬩᬢᬲᬶᬭᬓᬧᬦ᭄ᬢᬶᬕ᭄ᬮᬦ᭄ᬢᬲ᭄ᬩᬗᬸᬦ᭄ᬫᬗ᭄ᬮᬶᬂᬦᬕᬶᬄᬫᬲᬸᬗ᭄ᬕᬶ᭟ᬓᬕᬾ
Kaca:Bali-lontar-gaguritan-suryawangsa-250ppi.pdf/25
Kaca puniki sampun kauji-wacén