[᭒᭓ 23B]
᭒᭓
ᬲᬾᬓᬶᬳᬦ᭄ᬤᬭᬸᬭᬵᬚᬲᬦᬓᬶᬭᬓᬾᬦ᭄ᬤᬭ᭄ᬯᬲᬂᬧ᭄ᬭᬪᬸᬫᬦ᭄ᬢᬸᬓᬶᬂᬲ᭄ᬯᬃᬕ᭄ᬕᬶᬳᬲᬸᬢᬳᬶᬲ᭄ᬢ᭄ᬭ᭄ᬬᬳᬭᬦ᭄ᬤ᭄ᬬᬄᬭᬢ᭄ᬦᬕᬶᬭᬷ᭟ᬲᬂᬤ᭄ᬬᬄᬓᭀᬘᬧᬶᬦᬸᬯᬓ᭄ᬦᬶᬂᬭᬓ᭄ᬱᬲᬲᬶᬭᬳᬶᬦᬗ᭄ᬓᭂᬦ᭄ᬧᬸᬢ᭄ᬭᬷᬧ᭄ᬭᬪᬸᬲᬹᬃᬬ᭄ᬬᬯᬗ᭄ᬰᬲᬧ᭄ᬭᬵᬧ᭄ᬢᬦᬾᬭᬶᬂᬓᬦᬳᬶᬦᬮᬧ᭄ᬤ᭄ᬬᬄᬭᬢ᭄ᬦᬕᬶᬭᬶᬳᬶᬗᬗ᭄ᬕᬾ᭠
ᬲ᭄ᬯᬫ᭄ᬬᬓᬾᬦ᭄ᬤᬭᬸᬳᬗᬤ᭄ᬬᬦᬶᬦ᭄᭞ᬳᬦ᭄ᬤᬭᬸᬭᬵᬚᬲ᭄ᬤᬶᬂᬢᬦ᭄ᬳᬦᬾᬂᬳᬸᬫᬄᬮᬸᬗ᭄ᬳᬵᬗᬸᬮᬢᬶᬪᬹᬓ᭄ᬢᬶᬢᭂᬓᬦᬾᬭᬶᬂᬳᬸᬫᬄᬭᬓ᭄ᬱᬲᬦ᭄ᬤᬭᬸᬭᬵᬚᬧᬶᬦᭂᬚᬄᬤᬾᬭᬦᬺᬧᬢᬶᬪᬲ᭄ᬓᬭᬯᬗ᭄ᬰᬭᬶᬲᬸᬓᬸᬦᬶᬂᬯᬦᬤ᭄ᬭᬶ᭟ᬮᬫᬲᬂᬦᬵᬣᬫᬸᬗ᭄ᬕ᭄ᬯᬶᬂᬯᬷᬭᬦᬵᬕᬭᬮᬯᬵᬦ᭄ᬤ᭄ᬬᬄ
ᬭᬢ᭄ᬦᬕᬶᬭᬶᬯᬸᬲᬧᬸᬢ᭄ᬭᬮᬦᬂᬲᬯᬶᬚ᭄ᬬᬕᬚᬄᬓᬸᬫᬸᬥᬯ᭄ᬭᬸᬳᬦ᭄ᬢᬩᬧᬳᬚᬶᬫᬃᬫ᭄ᬫᬫᬦᬶᬭᬳᬧᬦ᭄ᬲᬸᬓᬸᬃᬭᬶᬂᬯᬶᬥᬶ᭟ᬳᬾᬕᬃᬕᬃᬚ᭄ᬚᬶᬢᬲᬓ᭄ᬯᬾᬳᬶᬂᬢᬦ᭄ᬤᬭᬓ᭄ᬭ᭄ᬬᬦ᭄ᬳᬜ᭄ᬚᬸᬭᬸᬳᬤᬶᬫᬦ᭄ᬢ᭄ᬭᬷᬳᬗᬺᬗ᭄ᬯᬯᬲᬶᬢᬫᬸᬯᬄᬰ᭄ᬭᬷᬦᬭᬦᬵᬣᬓᬬᬓᬕᬸᬦ᭄ᬢᬸᬭᬵ
ᬦ᭄ᬫᬡᬶᬓ᭄ᬭᬱᬵᬦᬶᬂᬘᬶᬢ᭄ᬢᬮᬯᬵᬦ᭄ᬰ᭄ᬭᬷᬧ᭄ᬭᬫᬾᬰ᭄ᬯᬭᬷ᭟ᬫᬗ᭄ᬓᬢ᭄ᬲᬶᬭᬲᬂᬦᬵᬣᬫᬗ᭄ᬓ᭄ᬬᬲᬕᬺᬳᬦ᭄ᬲᬵᬫ᭄ᬧᬸᬦ᭄ᬳᬸᬫᬸᬗ᭄ᬕ᭄ᬯᬶᬂᬳᬱ᭄ᬝᬶᬢᬦ᭄ᬓᬯᬃᬳ᭄ᬦᬾᬗᬯᬵᬦ᭄ᬧ᭄ᬭᬵᬧ᭄ᬢᬾᬂᬯᬶᬭᬦᬵᬕᬭᬧᬢᬶᬄᬥᬂᬥᬂᬗ᭄ᬮᬓ᭄ᬳᬶᬗᬶᬭᬶᬂᬢᬹᬃᬫᬭᬶᬂᬳᬃᬱᬵᬫᬵᬢᬸᬃᬭᬶᬂᬭᬵᬤᬾᬦ᭄ᬫᬦ᭄ᬢ᭄ᬭᬷ᭟
[᭒᭔ 24A]
ᬭᬵᬤᬾᬦ᭄ᬫᬦ᭄ᬢ᭄ᬭᬷᬕᬶᬧᬶᬄᬫᬗ᭄ᬓ᭄ᬬᬢᬸᬫᬸᬭᬸᬦᬓᬮᬯᬵᬦ᭄ᬭᬵᬤᬾᬦ᭄ᬤᬾᬯᬷᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬂᬚᬩᬲᬂᬦᬵᬣᬢᬸᬫᬸᬭᬸᬦᬓᬮᬯᬵᬦ᭄ᬰ᭄ᬭᬶᬧ᭄ᬭᬫᬾᬰ᭄ᬯᬭᬷᬭᬳᬤᬾᬦ᭄ᬤᬾᬯ᭄ᬬᬦᬸᬗ᭄ᬓᭂᬫᬶᬦ᭄ᬧᬥᬓᬮᬶᬄ᭟ᬰ᭄ᬭᬷᬧ᭄ᬭᬫᬶᬰ᭄ᬯᬭᬷᬳᬗ᭄ᬭᬗ᭄ᬓᬸᬮᬶᬂᬳᬢ᭄ᬫᬚᬤᬸᬄᬳᬦᬓᬶᬗ᭄ᬲᬸᬦ᭄ᬦᬶᬦᬶ
ᬲᬵᬫ᭄ᬧᬸᬦ᭄ᬮᬭᬾᬢᬸᬯᬦ᭄ᬳᬧᬦ᭄ᬢᬶᬢᬳᬶᬂᬤᬾᬯᬳᬦᬗᬶᬲ᭄ᬤ᭄ᬬᬄᬘᬦ᭄ᬤ᭄ᬭᬯᬢᬶᬦ᭄ᬤᬦ᭄ᬰ᭄ᬭᬷᬦᬭᬾᬦ᭄ᬤ᭄ᬭᬳᬦᬫ᭄ᬩᬸᬢ᭄ᬲᬸᬦᬸᬓᬮᬶᬄ᭟ᬭᬵᬤᬾᬦ᭄ᬫᬦ᭄ᬢ᭄ᬭᬷᬳᬭᬶᬲ᭄ᬤᬾᬦᬶᬭᬳᬗᬸᬘᬧ᭄ᬧᬸᬓᬸᬮᬸᬦ᭄ᬧᬢᬶᬓᬚᬶᬳᬕᬸᬂᬳᬶᬗᬫ᭄ᬧᬸᬭᬤᭀᬱᬦᬶᬗ᭄ᬲᬸᬦ᭄ᬳᬫᬮᬢ᭄ᬭᬶᬂᬲᬶᬭᬭ
ᬳᬤᬾᬦ᭄ᬤᬾᬯᬷᬲᬸᬓᬾᬗ᭄ᬲᬸᬦ᭄ᬜᬯᬫᬗ᭄ᬓᬾᬳᬢᬥᬄᬧᬢᬶ᭟ᬰ᭄ᬭᬷᬦᬭᬾᬦ᭄ᬤ᭄ᬭᬗᬸᬘᬧ᭄ᬗᭂᬫ᭄ᬩᭂᬂᬮᬸᬳᬶᬭᬤᬸᬄᬲᬵᬫ᭄ᬧᬸᬦ᭄ᬦᬦᬓᬓ᭄ᬫᬦ᭄ᬢ᭄ᬭᬷᬳᬤᬤᬯᬦ᭄ᬳᬸᬚᬃᬧᬦ᭄ᬦᬶᬗ᭄ᬲᬸᬦ᭄ᬯᬸᬲ᭄ᬯ᭄ᬭᬸᬄᬩᬧᬧᬸᬢ᭄ᬭᬦᬶᬭᬰ᭄ᬭᬷᬪᬸᬧᬢᬶᬭᬶᬂᬲᬹᬃᬬ᭄ᬬᬯᬗ᭄ᬰᬭᬵᬤᬾᬦ᭄ᬫᬦ᭄ᬢ᭄ᬭ᭄ᬬᬵᬫᬶᬲᬶᬗ᭄ᬕᬶᬄ᭟ᬓᬓ
ᬳᬚᬶᬲᬹᬃᬬ᭄ᬬᬯᬗ᭄ᬰᬳᬕᬸᬂᬓ᭄ᬭᭀᬥᬫ᭄ᬭᬱ᭄ᬝᬵᬓᬸᬲᬸᬦ᭄ᬓᬓᬶᬂᬯᬸᬲ᭄ᬧ᭄ᬭᬵᬧ᭄ᬢᬶᬂᬦᬵᬕᬭᬫᬮᬬᬯᬢ᭄ᬬᬩᬧᬲᬵᬫ᭄ᬧᬸᬦ᭄ᬓᬾᬤᭂᬰᬦᬕᬭᬷᬳᬶᬗ᭄ᬲᬸᬦ᭄ᬯᬸᬲ᭄ᬓᬾᬲᬄᬫᬭᬫᭀᬗ᭄ᬲᬶᬲᬶᬭᬾᬓᬶ᭞ᬭᬵᬤᬾᬦ᭄ᬫᬦᬦ᭄ᬢ᭄ᬭᬷᬳᬰ᭄ᬭᬸᬤᬾᬦᬶᬭᬳᬗᬸᬘᬧ᭄ᬳᬶᬗ᭄ᬲᬸᬦ᭄ᬓᬂᬳᬗᬦ᭄ᬢ᭄ᬬᬦᬶ
Kaca:Bali-lontar-gaguritan-suryawangsa-250ppi.pdf/24
Kaca puniki sampun kauji-wacén
